NUMERI 23:9 - Ombibeli Iyapuki

⁹ Osheshi apa okonhele yomamanya ohandi shi tale nokeemhunda handi shi mono. Tala, oshiwana tashi likalele, itashi valwa moiwana yovapaani.

NUMERI 23:9 ပူးပေါင်းရင်းမြစ်များ

ESRA 9:2

Osheshi va kufa mo movana vavo oukadona, va ninga ovalikadi vavo novovana vavo ovamati, onghee hano oludi liyapuki la lumbakanifwa kumwe novanhu vomoilongo. Novakulunhu novakomesho va tetekela meliteeko olo.”

ESTER 3:8

Opo nee Haman ta ti kohamba Ahasveros: “Moitukulwalongo aishe yomoshilongo shoye omu noshiwana shimwe she lihana ndele tashi likalele mokati koiwana, neemhango dasho odi lili hangaashi eemhango doiwana ikwao aishe. Ndele ihava diinine yo eemhango dohamba, onghee itashi dulika ohamba tai va efa va kale po.

EXODUS 33:16

Osheshi omoshike ngeno mwa shiivika nokutya, ame nda filwa onghenda momesho oye, ame noshiwana shoye? Hakusho ngeno, Ove eshi ho ende pamwe nafye? Osho ngaha hano ame noshiwana shoye twa tongoka moiwana aishe yokombada yedu.”

JEREMIA 46:28

Omupiya wange Jakob, ino tila, Omwene osho ta ti. Osheshi Ame ondi li pwoove. Osheshi oiwana aishe omo nde ku shingilile ko, ohandi i hanauna po. Ndelenee ove itandi ku hanauna po, ndelenee Ame ohandi ke ku denga nedengo la yeleka, ndele oshili, itandi ku efa inandi ku handukila.”

JEREMIA 49:31

Fikameni! Ka homoneni oshiwana sha kala nombili kashi noshisho shasha, Omwene osho ta ti, sho shihe nomivelo ile oiidilifo noshe likalela.

AMOS 9:9

Osheshi tala, Ame ohandi yandje ondaka ndele handi ka fifa Israel mokati koiwana aishe ngaashi tapa fifwa nomushalo.

MIKA 7:14

Oshiwana shoye shi lifa nodibo yoye, ongudu youfita wefyuululo loye tai kala ya tongolwa moixwa yomuKarmel. Nai wandjele muBasan nomuGilead ngaashi pomafiku oshito.

2 OVAKORINTO 6:17

Onghee: “Djeni mo mokati kavo nye mu liyoolole mo muvo, Omwene osho ta ti, nye inamu kuma eshi sha nyata; opo Ame ohandi mu tambula,

DEUTERONOMION 32:8

Ou wOkombadambada, eshi a tukulila oiwana oitukulwafyuululwa yavo, Ye eshi a tongola ovana vovanhu, opo nee Ye a taula eengaba doiwana, di fike pomuvalu wOvaisraeli.

DEUTERONOMION 33:28

Osho ngaha hano Israel ta ka kala nombili. Ofifiya yaJakob, ya tongoka mo, medu li noilya nomaviinyu, neulu laye yo tali eta omata omume.

TITUS 2:14

Oye ou e liyandja ponhele yetu e tu kulile mo mowii aushe Ye e liyelifile oshiwana shaye mwene, osho hashi diinine shili oilonga iwa.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.