NUMERI 23:5 - Ombibeli Iyapuki

⁵ Opo nee Kalunga okwa tula ondjovo mokanya kaBileam ndee ta ti: Shuna kuBalak, ndele osho ngaha u noku mu lombwela:

NUMERI 23:5 ပူးပေါင်းရင်းမြစ်များ

EXODUS 4:15

Ove u nokupopya nokutula mokanya kaye eendjovo. Ndele Ame ohandi ka kala nokanya koye nonokanya kaye, nde handi mu longo eshi mu nokuninga.

OMAYELETUMBULO 16:1

Eemhangela domutima odomunhu, ndelenee enyamukulo lelaka tali di kOmwene.

OMAYELETUMBULO 16:9

Omutima womunhu tau diladila ondjila yaye, ndelenee Omwene ta endifa eenghatu daye.

JESAJA 51:16

Ndele Ame onda tula eendjovo dange mokanya koye nonde ku holeka momudidimbe weke lange, opo ndi dike eulu nondi kanghameke edu nondi lombwele Sion ndi tye: “Oove oshiwana shange.”

JESAJA 59:21

Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.

JEREMIA 1:9

Opo nee Omwene okwa nana eke laye nokwa kuma nge kokanya. Ndele Omwene okwa tya kwaame: “Tala, ohandi tula eendjovo dange mokanya koye.

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

NUMERI 22:35

Nomweengeli wOmwene okwa lombwela Bileam: “Inda pamwe novalumenhu, ndelenee ondjovo ei aike, Ame handi ku lombwele, u noku i popya.” Opo nee hano Bileam okwa ya novakulunhu vaBalak.

NUMERI 23:16

NOmwene okwa shakeneka Bileam ndele okwa tula ondjovo mokanya kaye, ndee ta ti: Shuna ko kuBalak u tye ngaha;

NUMERI 23:4

Ndele Kalunga e uya nokwa shakena naBileam, ndele Bileam okwe mu lombwela: “Eealtari heyali nde di tungifa nongobe imwe yomhedi nodi imwe yomhedi onde i yamba koaltari keshe.”

NUMERI 23:6

Ndele ye okwa shuna ko kuye fimbo ye a li ofika pexwikiloyambo laye, ye mwene novakulunhu aveshe vaMoab.

LUKAS 12:12

osheshi Omhepo Iyapuki otai mu longo pefimbo olo eshi mu na oku shi popya.”

JOHANNES 11:51

Ndele eshi ine shi tonga muye mwene, ndele shaashi okwa li omupristeli omukulunhu omudo winya, okwa xunganeka, Jesus oku nokufila oshiwana,

DEUTERONOMION 18:18

Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele.