NUMERI 22:7 - Ombibeli Iyapuki

⁷ Opo nee ovakulunhu vaMoab novakulunhu vaMidian ova ya ve nondjabi yomumonikokule, ndele ve uya kuBileam ndele ve mu hepaululila eendjovo daBalak.

NUMERI 22:7 ပူးပေါင်းရင်းမြစ်များ

JESAJA 1:23

Ovakulunhu voye ova ninga ovanandubo novakwao vovalunga; keshe umwe womuvo e hole okupewa ombubo, ndele ta lovelele ondjabi. Eefiye itadi yakulwa, neendjovo dovafiyekadi itadi fiki ko kuvo.

JESAJA 56:11

Neembwa odo oda fuka, ihadi kuta nande kusha. Novafita voovene osho ve li! Ihava shiiva okukoneka sha. Aveshe ova ya neendjila davo vene; keshe umwe ta tondokele eliko loulunde laye mwene, vo aveshe.

HESEKIEL 13:19

Ndele nye otamu dinifa nge mokati kovanhu omolwouyadi wokushambekela omahangu nomolwoupambu vavali vomungome mu dipae eemwenyo, odo da li di nokukala nomwenyo, fimbo mwa diinina eemwenyo da li di nokufya, eshi mwa pukifa oshiwana shange osho tashi pwilikine oipupulu.”

HESEKIEL 21:21

Osheshi ohamba yaBabilon otai kala ofika pomatukaukilo eendjila, pehovelo leendjila mbali, opo yo i pule keemhule, tai tukumuna oikuti, tai pula oikalunga, tai tale exuli.

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

NUMERI 22:8

Opo ye e va nyamukula ta ti: “Opo nee ame ohandi ke mu shiivifila ngaashi Omwene ta ka lombwela nge.” Opo nee ovakulunhu vaMoab va fyaala puBileam.

NUMERI 23:23

Osheshi oupule itau kwafa okupongeka Jakob, nokulowa itaku dulu sha kuIsrael. Paife eshi tapa ka shiivifwa ‘Tala eshi Kalunga e va ningila.’

NUMERI 24:1

Bileam eshi a mona nokutya, okunangeka noupuna Israel taku wapala momesho Omwene, ye ina ama vali ngaashi shito koupule, ndelenee oshipala shaye e shi taalelifa kombuwa.

OVAROMA 16:18

Osheshi ava ve li ngaha, itava longele Omwene wetu Kristus, ndelenee omadimo avo vene, nokeendjovo davo da fewa da fa omaadi, ohava pukifa omitima domalai.

TITUS 1:11

Omakanya avo e nokuumikwa. Vo ohava dongakanifa omaumbo nokuli mokulonga eshi inashi wapala okulongwa, molweliko longaho.

JOSUA 13:22

Pamwe naava va dipawa, ovana vaIsrael va dipaa yo neongamukonda Bileam yaBeor, omumonikokule.

2 PETRUS 2:15

Ondjila ya yuka ve i efa ndele va puka, ndele va shikula ondjila yaBileam, omona waBeor, ou a hokwa ondjabi youhenouyuki,

JUDAS 1:11

Woo kuvo, osheshi va enda nondjila yaKain, nomokulikongela ondjabi ve liundulila mepuko laBileam ndele tava ka nyonaukila mokulundakana kwavo ongaashi kwinya kwaKora.