NUMERI 22:6 - Ombibeli Iyapuki

⁶ Ila hano paife u lyangulile nge ovanhu ava, osheshi vo ove dule nge. Kashiimba handi dulu oku va denga noku va taataa mo moshilongo. Osheshi ondi shii ou ta nangekwa noupuna kwoove, ye ota nangekwa noupuna, ndee ou ta lyangulwa kwoove, ota kala a lyangulwa.”

NUMERI 22:6 ပူးပေါင်းရင်းမြစ်များ

GENESIS 12:3

Ndele Ame ohandi ka nangeka noupuna ava tave ku nangeke noupuna, ndele handi ka finga ou te ku fingi. Ndele omapata aeshe kombada yedu otaa nangekwa noupuna mwoove.”

GENESIS 27:29

Oiwana nai ku longele, nomaludi nae ku twile eengolo. Ove kala omupangeli wavamwanyoko, novana vanyoko nave linyongamene poshi koshipala shoye. Nava fingwe ava tave ku fingi; ndele nava nangekwe noupuna ava tave ku nangeke noupuna.”

1 EEHAMBA 22:13

Opo nee omutumwa ou a ya a ka tale Mikaia, okwe mu lombwela: “Tala ovaxunganeki aveshe va xunganekela ohamba ouwa. Ondjovo yoye yo nai kale ngaashi eendjovo davo, u xunganeke oinima iwa.”

1 EEHAMBA 22:6

Opo nee ohamba yaIsrael ya ifana ovaxunganeki ve fike pomafele ane, ndele tai va pula: “Nandi ka homone tuu Ramot shomuGilead ile nandi shi efe?” Ndele venya va nyamukula: “Inda, u ke shi homone, osheshi Kalunga ote ke ku pa efindano.”

1 EEHAMBA 22:8

Ahab okwa nyamukula, ta ti: “Oku na vali umwe, Mikaia yaJimla, ndelenee ame ohandi mu tondo, osheshi ye ita xunganekele nge nande ouwa, ndelenee alushe owii.” Josafat okwa nyamukula: “Ino popya ngaho!”

NEHEMIA 13:2

Osheshi inave uya okushakeneka ovana vaIsrael noku va etela omingome nomeva, ndele va futa Bileam e va tule omutima. Ndelenee Kalunga ketu okwa lundulula etulomutima la ninga enangeko noupuna.

OMAPSALOME 109:28

Vo nava finge ngaho, ndele Ove, nangeka noupuna. Ngeenge va fikamena nge, Ove va xutula. Omupiya woye ame ndi hafe.

OMAYELETUMBULO 26:2

Ngaashi namusheshe ta papala nongaashi okahanameva taka tuka po nosho yo etulomutima longaho itali wanifwa.

HESEKIEL 13:6

Vo ova mona oinima yongaho noutalikokule woipupulu, vo ava hava ti: Omwene okwa popya, nande Omwene ine va tuma; ndele vo hava teelele vati ewanifo londjovo.

MIKA 6:5

Oshiwana shange, dimbulukwa hano Balak, ohamba yaMoab, eshi kwa li a diladila naashi a nyamukulwa kuBileam yaBeor mondjila yokudja mo muSittim nofiyo okuGilgal, opo u dimbulukwe oilonga ya yuka yOmwene.

NUMERI 22:12

Opo nee Kalunga okwa lombwela Bileam: “Ino ya ko pamwe navo. Ino lyangula ovanhu venya, osheshi vo ovanangekwa noupuna.”

NUMERI 22:17

Osheshi ame ohandi ke ku fimaneka unene, naashishe to lombwele nge, ame ohandi ke shi ninga. Onghee hano ila, lyangulile nge ovanhu ava.

NUMERI 23:13

Opo nee Balak ta ti kuye: “Ila tu yeni pamwe monhele imwe, oko to dulu okumona ombinga imwe yasho, ndelenee ito dulu oku shi mona ashishe, ove u shi lyangulile nge.”

NUMERI 23:27

Balak ta ti vali kuBileam: “Ila nee, ame ohandi ku twala monhele imwe. Kashiimba sha yuka momesho aKalunga, ove u va lyangulile nge kwinya.”

NUMERI 24:9

Vo otava hondjaunine ngaashi onghoshi, heeno, ngaashi onghoshi onghadi. Olyelye ta dulu oku i shinda? Ou te ku nangeke noupuna, na kale a nangekwa noupuna. Naava tave ku tula omutima, nava kale va tulwa omutima!”

OILONGA YOVAYAPOSTOLI 16:16

Ndele fimbo tu li mondjila yokuya konhele yokwiilikana, otwa shakenekwa komupiya okakadona e nomhepo youpule, nokwa longela oovene eliko linene mokuxunganeka kwaye.

DEUTERONOMION 23:4

Osheshi vo, nye eshi mwa dja muEgipiti, inave mu shakeneka mondjila nomingome nomeva. Ndele vo va yandja ondjabi kuBileam yaBeor, ou a dja muPetor muMesopotamia, oku mu lyangula.

JOSUA 24:9

Opo nee Balak yaSippor, ohamba yaMoab, ye lilongekida, ndele ya lwifa Israel. Ndele yo oya tuma kuBileam yaBeor, ye mu ifana e mu finge.

1 SAMUEL 17:43

NOmufilisti ta pula David: “Aame ombwa hamba, ove eshi to uya kwaame noshiti?” NOmufilisti okwa tuka David nokwaana koikalunga yaye.