NUMERI 22:3 - Ombibeli Iyapuki

³ Ovamoab ova tila unene ovanhu ava, osheshi va ninga vahapu. NOvamoab va kwatwa koumbada omolwovana vaIsrael.

NUMERI 22:3 ပူးပေါင်းရင်းမြစ်များ

NEHEMIA 13:2

Osheshi inave uya okushakeneka ovana vaIsrael noku va etela omingome nomeva, ndele va futa Bileam e va tule omutima. Ndelenee Kalunga ketu okwa lundulula etulomutima la ninga enangeko noupuna.

OMAPSALOME 53:5

Opo tuu opo va tilifwa va kakama, nande kapa li oshitilifi; osheshi Kalunga okwa li a halakanifa omakipa ovakondekeli voye; ove we va xutula, osheshi Kalunga okwa li e va ekelashi.

EXODUS 1:12

Ndelenee okuhepekwa kwavo eshi kwa hapupala, nokuhapupala kwavo kwa ehena komesho, nova tandavela; opo Ovaegipiti va tila Ovaisraeli.

EXODUS 15:15

Eehamba domuEdom da haluka, ovakulunhu vaMoab va kwatwa kekakamo; oonakukala aveshe muKaanan ova dekweta.

EXODUS 23:27

“Etilohaluko lange ohandi ke li mu tetekelifa ndele tali ka dundakanifa oshiwana keshe kusho to i. Ndele Ame ohandi ka ninga nokutya, ovatondadi voye aveshe otave ku i onhapo.

JESAJA 23:5

Ngeenge eshi sha udika muEgipiti, opo nee otava ka kakama mehaluko molwaashi sha ningwa muTirus.

DEUTERONOMION 2:25

Onena Ame ohandi hovele okuhalwifa nokutilifa oiwana aishe yokoshi yeulu omolweni. Opo vo, eshi tava udu eenghundana tadi mu tongo, otava ka kakama nokudekweta moipafi yeni omolwokutila.’

JOSUA 2:24

Vo ova lombwela vali Josua, tava ti: “Oshili, edu alishe Omwene okwe li tu pa momake etu. Osheshi oonakukalamo aveshe ohava kakama nokutila molwetu.”

JOSUA 9:24

Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi.