NUMERI 22:12 - Ombibeli Iyapuki

¹² Opo nee Kalunga okwa lombwela Bileam: “Ino ya ko pamwe navo. Ino lyangula ovanhu venya, osheshi vo ovanangekwa noupuna.”

NUMERI 22:12 ပူးပေါင်းရင်းမြစ်များ

GENESIS 12:2

Ndele Ame ohandi ku ningi oshiwana shinene, ndele handi ku nangeke noupuna ndele handi ku ningile edina linene, ndele ove to ka kala omunangeki noupuna.

2 OMAFIMBO 31:10

omupristeli omukulunhu Asaria womepata laSadok, okwe mu nyamukula ndele ta ti: “Okudja kefiku olo va hovela okweetela otembeli yOmwene eeshali, fye twa lya ndele twa kuta, ndele natango shihapu sha xupa po. Osheshi Omwene okwa nangeka oshiwana shaye noupuna, onghee eshi shihapu osha xupa po.”

OMAPSALOME 144:15

Oshilongo shi li ngaha, oshi nelao. Oshilongo oshi nelao, ngeenge Omwene Oye Kalunga kasho.

OMAPSALOME 146:5

Omunelao ou, ekwafo laye ngeenge olo Kalunga kaJakob, nelineekelo laye ngeenge te li tula mOmwene, Kalunga kaye,

JESAJA 61:9

Ndele oludalo lavo otali ka shiivika mokati koiwana noitutumine yavo mokati kovanhu vomoilongo, aveshe ava tave va mono, tava ka dimbulukwa kutya, ovo oludalo la nangekwa noupuna kOmwene.

MIKA 6:5

Oshiwana shange, dimbulukwa hano Balak, ohamba yaMoab, eshi kwa li a diladila naashi a nyamukulwa kuBileam yaBeor mondjila yokudja mo muSittim nofiyo okuGilgal, opo u dimbulukwe oilonga ya yuka yOmwene.

NUMERI 22:11

Tala, ovanhu va dja kuEgipiti, ndele vo ova pwipwikila oshilongo. Ila hano paife u va lyangulile nge. Kashiimba ame ohandi dulu oku va denga noku va taataa mo.”

NUMERI 22:13

Opo nee Bileam okwa penduka ongula ndele ye ta ti kovakulunhu vaBalak: “Shuneni ko koshilongo sheni, osheshi Omwene okwa anyena nge okuya pamwe nanye.”

NUMERI 22:6

Ila hano paife u lyangulile nge ovanhu ava, osheshi vo ove dule nge. Kashiimba handi dulu oku va denga noku va taataa mo moshilongo. Osheshi ondi shii ou ta nangekwa noupuna kwoove, ye ota nangekwa noupuna, ndee ou ta lyangulwa kwoove, ota kala a lyangulwa.”

NUMERI 23:23

Osheshi oupule itau kwafa okupongeka Jakob, nokulowa itaku dulu sha kuIsrael. Paife eshi tapa ka shiivifwa ‘Tala eshi Kalunga e va ningila.’

NUMERI 23:3

Opo nee Bileam a lombwela Balak: “Kala ofika pexwikiloyambo loye, ame handi i kwinya. Kashiimba Omwene ta shakeneke nge, ndele keshe eshi Ye ta ulikile nge, ame ohandi ke shi ku shiivifila.” Ndele ye okwa ya koshikulundu shihe noixwa.

NUMERI 23:8

Ame ohandi shi fingi ngahelipi, Kalunga ite shi fingi? Ndele ame ohandi shi lyangula ngahelipi, Omwene ite shi lyangula?

NUMERI 24:9

Vo otava hondjaunine ngaashi onghoshi, heeno, ngaashi onghoshi onghadi. Olyelye ta dulu oku i shinda? Ou te ku nangeke noupuna, na kale a nangekwa noupuna. Naava tave ku tula omutima, nava kale va tulwa omutima!”

MATEUS 27:19

Ndele fimbo a li omutumba kolukalwatokolo, omwalikadi waye okwa tuma kuye ndele ta ti: “Omulumenhu ou omuyuki ino mu ningila owii, osheshi ame onde mu ehamenwa shili oufiku wonena mondjodi.”

OVAROMA 11:29

Osheshi eeshalinghenda neifano laye Kalunga ihe li lundulula.

OVAEFESO 1:3

Kalunga naXe yOmwene wetu Jesus Kristus na hambelelwe, Oye ou e tu nangeka noupuna nomapuniko aeshe opamhepo moikwaulu omuKristus,

DEUTERONOMION 2:7

Osheshi Omwene Kalunga koye e ku nangeka noupuna moilonga aishe yomake oye. Ye okwa shiiva okweenda kwoye mombuwa ei inene. Omido omilongo nhee nokuli Omwene Kalunga koye a kala naave. Ove ino pumbwa nande osha.

DEUTERONOMION 23:5

Ndelenee Omwene Kalunga koye ina uda Bileam. Ndelenee Omwene Kalunga koye a lundulula efingo, la ninga enangeko noupuna, osheshi Omwene Kalunga koye okwa li e ku hole.

DEUTERONOMION 28:6

“To ka kala wa nangekwa noupuna mokuya kwoye, ndele to ka kala wa nangekwa noupuna mokupita mo kwoye.

DEUTERONOMION 33:29

Akutu Israel, oove omunelao! Olyelye e ku fa? Oshiwana sha xupifwa kOmwene, oshikelelifo shekwafo loye, ou eongamukonda lounene woye, onghee ovatondadi voye aveshe tave likoko ndele tave liyandje mepangelo loye. Ndelenee ove to ka enda koikulundu yavo.”

DEUTERONOMION 7:14

Ove to ka kala omunangekwa noupuna kombada yoiwana aishe. Mokati keni itamu ka kala nande omulumenhu umwe ile omukainhu umwe ita dala, nosho yo mokati koimuna yeni.