NUMERI 20:12 - Ombibeli Iyapuki

¹² Opo nee Omwene okwa lombwela Moses naAron, ndee ta ti: “Nye eshi inamu itavela nge opo mu yapule nge moipafi yovana vaIsrael, onghee hano nye itamu ka twala eongalo eli medu linya nde li mu pa.”

NUMERI 20:12 ပူးပေါင်းရင်းမြစ်များ

2 OMAFIMBO 20:20

Va fikama ongula inene ndele va ya mombuwa yaTekoa. Ndele fimbo tava fikama Josafat a kala ofika ndele ta ti: “Pwilikinei nge, nye Ovajuda noonakukala muJerusalem! Itaveleni Omwene, Kalunga keni, opo nee tamu ka kala mwa pama. Itaveleni ovaxunganeki vaye, opo nee tamu ka kala nelao.”

OMAPSALOME 106:32

Opo va tikukifa Kalunga pomeva omuMeriba, ndele Moses a monifwa oixuna molwavo.

OMAPSALOME 99:8

Akutu Omwene, Kalunga ketu, Ove we va uda, Ove wa kala kuvo omudimipo naKalunga te va kwatele onghone molwoilonga yavo ii.

JESAJA 7:9

ndele omutwe waEfraim oSamaria, nomutwe waSamaria oye omona waRemalja. Ngeenge itamu itavele, itamu kala po.”

JESAJA 8:13

Omwene Kalunga womatanga ovakwaita, Oye mu noku mu yapula, ndele Oye mu noku mu tila nokuhaluka.

HESEKIEL 20:41

Ngaashi edimba liwa ohandi mu tambula, ngeenge handi mu pitifa mo moiwana ndele handi mu kongolola moilongo omo mwa halakanifilwa mo, ndele Ame ohandi ke mu lishiivifila, ngaashi Omuyapuki moipafi yoiwana.

HESEKIEL 36:23

Ndele Ame ohandi ka yapula edina lange linene eli la shekifwa moiwana, nye eshi mwe li shekifa mokati kayo. Noiwana tai ka shiiva nokutya, Aame Omwene, Omwene Kalunga ta ti, Ame ngeenge handi mu lihololele momesho avo ngaashi Omuyapuki.

HESEKIEL 38:10

Omwene Kalunga ota ti ngaha: “Mefiku tuu olo omadiladilo taa ka penduka momutima woye, ndele to ka uka euko lii,

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

NUMERI 11:15

Ndele Ove ngeenge wa hala okuningila nge ngaha, shi dule Ove to dipaa nge, ngeenge nda mona onghenda momesho oye, opo ndi efwe ndiha tale omupya ou.”

NUMERI 20:24

“Aron na ongelwe mo, a ye kovakwanepata vaye, osheshi ye ite ke uya medu olo nde li pa ovana vaIsrael, shaashi nye mwa li mwa anya elombwelo lange pomeva aMeriba.

NUMERI 27:14

Shaashi eshi mwa li mombuwa yaSin okukonga omeva, eongalo fimbo la twa eemhata mwa twilile nge ondubo nye inamu fimaneka nge moipafi yavo.” Oo omeva aMeriba puKades mombuwa yaSin.

MATEUS 17:17

Jesus okwa nyamukula ndele ta ti: “Woo, ove epupi lihe neitavelo nola pilalala, ofiyo onaini ndi nokukala punye? Ndele ofiyo onaini ndi noku mu lididimikila? Mu eteni kwaame.”

MATEUS 17:20

Ndele Ye ta ti kuvo: “Omolweitavelo leni linini, osheshi oshili handi mu lombwele, ngeno okwa li mu neitavelo li fike pombuto yoshinapi, ngeno otamu dulu okulombwela omhunda ei: ‘Lilundulula po apa, ove u lundulukile kwinya, ngeno tai lilundulula po, ndele kaku noshinima tashi mu nyenge.’

LUKAS 1:20

Ndele tala, ove to fiti ondaka, ito shiiva okupopya fiyo efiku olo eshi tashi ningwa, shaashi ino itavela eendjovo odo dange, tadi wanifwa shili pefimbo lado.”

LUKAS 1:45

Ndele omunelao oyou ta itavela kutya osho te shi lombwelwa kOmwene, otashi ka wanifwa.”

JOHANNES 1:17

Osheshi omhango ya yandjwa kuMoses; efilonghenda noshili olo la etwa kuJesus Kristus.

OVAROMA 4:20

ndele eudaneko laKalunga ine li limbililwa mokuhaitavela, ndelenee a li a pama meitavelo ndele okwa pa Kalunga efimano,

DEUTERONOMION 1:37

Omwene okwa handukila nge yo omolweni, Ye ota ti: ‘Naave yo ito ka ya mo.

DEUTERONOMION 34:4

NOmwene okwe mu lombwela: “Edu olo tuu eli nde li udanekela Abraham, Isak naJakob nokwaana neendjovo edi: ‘Koludalo loye Ame ohandi ke li yandja.’ Ame onde li ku talifa nomesho oye, ndelenee ito ka tauluka u ye mo.”

DEUTERONOMION 4:21

Omwene okwa handukila nge yo omolweni, ndele Ye okwa ana, ame itandi ka tauluka Jordan, ndele itandi ka ya medu liwa, Omwene Kalunga koye, te ke ku pa efyuululo.

JOSUA 1:2

“Omupiya wange Moses okwa fya. Fikama hano, taulula Jordan, nye novanhu aveshe, mu ye moshilongo Ame handi ke shi pa ovana vaIsrael.

1 PETRUS 3:15

ndele yapuleni Omwene Kristus momitima deni, nye mu hangike alushe mu shii okunyamukula keshe tuu ou te mu pula ekanghameno leteelelo eli li li munye, ndelenee shi ningeni nengungumano netilo,