NUMERI 19:7 - Ombibeli Iyapuki

⁷ Opo nee omupristeli ta kosho oikutu yaye nolutu laye momeva. Opo nee ye ta dulu okuuya monhanda. Nomupristeli ta kala ina yela fiyo onguloshi.

NUMERI 19:7 ပူးပေါင်းရင်းမြစ်များ

LEVITIKUS 11:24

Nye otamu nyatekwa kounamwenyo ava; keshe umwe ta kumu ounamwenyo ava va fya, ota kala a nyata fiyo onguloshi.

LEVITIKUS 11:25

Nakeshe umwe ta humbata ounamwenyo va fya e nokukosha oikutu yaye nokukala a nyata fiyo onguloshi.

LEVITIKUS 11:27

Ndele aishe ei tai endifa omakasha mokati koinamwenyo nomaulu ane, yo oshidila kunye. Keshe umwe ta kumu oinamwenyo ei ya fya, e nokukala a nyata fiyo onguloshi.

LEVITIKUS 11:28

Nosho yo ava hava humbata oinamwenyo ya fya ve nokukosha oikutu yavo nokukala va nyata fiyo onguloshi. Yo oshidila kunye.

LEVITIKUS 11:31

Yo oshidila kunye momapuka aeshe; keshe umwe te a kumu oo ngeenge a fya e nokukala a nyata fiyo onguloshi.

LEVITIKUS 11:32

Naashishe eshi tashi wilwa kuyo, otashi kala sha nyata. Oilongifo yomomiti ile oikutu ile oshipa ile oshako, keshe oshinima tashi longifwa, shi nokutulwa momeva ndele tashi kala sha nyata fiyo onguloshi. Opo nee tashi kala sha yela.

LEVITIKUS 11:39

Noshinamwenyo shi noshilonga kunye ngaashi eendja deni, ngeenge tashi fi, ou ta kumu eshi she lifila e nokukala a nyata fiyo onguloshi,

LEVITIKUS 11:40

ndele ou ta li eshi she lifila, e nokukosha oikutu yaye nokukala a nyata fiyo onguloshi. Ndele ou ta humbata eshi she lifila e nokukosha oikutu yaye nokukala a nyata fiyo onguloshi.

LEVITIKUS 14:46

Ndele ou te uya meumbo fimbo lo la li la patwa, ye e nokukala ina yela fiyo onguloshi.

LEVITIKUS 15:5

Nakeshe ou ta kumu omutala waawinya e nokukosha oikutu yaye nokulikosha, ndele ta kala omunashidila fiyo onguloshi.

LEVITIKUS 22:6

omunhu tuu ou ta kumu kusha sha nyata, ye e nokukala ina yela fiyo onguloshi, ye ita shiiva okulya eeshali diyapuki fimbo ye ine likosha nomeva.

NUMERI 19:10

Ndele ou ta ongele omute wondema e nokukosha oikutu ndee ta kala ina yela fiyo onguloshi. Oyo onghedimhango yaalushe kovana vaIsrael nokomunailongo ou ta kala mokati kavo.

NUMERI 19:19

Ndele ou a yela e nokushamina ou ina yela mefiku etitatu nomefiku etiheyali, ye e nokulifetifa. Opo nee ye ta kosho oikutu yaye ndee te likosho momeva ndee ta ka kala a yela onguloshi.

NUMERI 19:21

Oyo onghedimhango yaalushe kunye. Ndele ou ta shamine omashaminomeva, ye e nokukosha oikutu yaye. Ndele ou ta kumu omalifetifomeva, e nokukala ina yela fiyo onguloshi.

NUMERI 19:22

Heeno, ashishe eshi tashi kumwa kwaau ina yela, otashi kala sha nyata. Nomunhu ou te mu kumu, ota ka kala ina yela fiyo onguloshi.”

NUMERI 19:8

Nosho winya a xwika po ondema, e nokukosha oikutu yaye momeva nokukosha olutu laye momeva. Ndele ye ota kala ina yela fiyo onguloshi.

OVAHEBERI 13:11

Osheshi ohonde yoinamwenyo ei tai twalwa komupristeli omukulunhu mouyapukielela omolwomatimba, ndelenee omalutu ayo otaa xwikilwa pondje yeenhanda.