NUMERI 18:8 - Ombibeli Iyapuki

⁸ Omwene okwa popya vali naAron ndee ta ti: “Ame mwene nde ku pa oshilonga sheeshaliyambo dange. Eeshali adishe diyapuki dovana vaIsrael Ame ohandi di ku pe oshitukulwa shoye noshovana voye ovamati, eshi onghedimhango yaalushe.

NUMERI 18:8 ပူးပေါင်းရင်းမြစ်များ

2 EEHAMBA 12:16

Oimaliwa yokuvelombediyambo noimaliwa yetimbayambo inai etwa kongulu yOmwene, osheshi oyo ya ninga yovapristeli.

2 OMAFIMBO 31:4

Ndele ya lombwela ovanhu, oonakukalamo muJerusalem nokutya, ve nokuyandja kovapristeli nokOvalevi oitukulwayandjiwa yavo, opo va shiive okuyapulila omhango yOmwene eenghono davo adishe.

2 OMAFIMBO 31:5

Noshipango osho eshi sha tandavela, ovana vaIsrael va yandja oshipe shihapu shomoilya noshomaviinyu noshomaadi, noshomaadi eenyiki noshoinima aishe yomepya, ndele va eta oitimulongo ihapu yomoinima aishe.

EXODUS 28:43

NaAron novana vaye ovamati ve noku va djala mokuya kwavo metwali liyapuki ile ngeenge tava ehene koaltari, va longe eyakulolonga metwali, opo vehe litwike etimba nokufya. Eshi onghedimhango yaalushe kuye nokoludalo laye tali shikula.

EXODUS 29:21

Opo nee kufa mo mohonde ei i li koaltari nomomaadi okuvaeka noku i shamina kuAron nokoikutu yaye ngaashi yo kovana vaye ovamati, nokoikutu yovana vaye ovamati pamwe naye, opo ye a shiive okukala omuyapuki noikutu yaye yo novana vaye ovamati noikutu yavo yo pamwe naye.

EXODUS 29:28

Ndele sho shi nokuningilwa Aron novana vaye ovamati ngaashi onghedimhango yaalushe kombinga yovana vaIsrael, osheshi osho eyelulwayambo lovapristeli. Noshi nokukala eyelulwayambo kombinga yovana vaIsrael lomomapanduloyambo avo nokutya, eyelulwayambo lavo kOmwene.

EXODUS 29:29

“Oikutu iyapuki yaAron nai ninge yovana vaye ovamati konima yaye, va kale ve i djala vo ngeenge tava vaekwa notava yapulilwa oshilonga shoupristeli.

EXODUS 40:13

Dika Aron oikutu iyapuki, ndele u mu vaeke noku mu yapula, opo a shiive okulongela nge moshilonga shoupristeli.

EXODUS 40:15

Va vaeka ngaashi wa vaeka xe, opo va shiive okulongela nge moshilonga shoupristeli. Evaeko lavo li nokukala kuvo oupristeli waalushe koludalo noludalo.”

JESAJA 10:27

“Ndele mefiku tuu olo omutengi waye otau di ko kepepe loye nondjoko yaye omofingo yoye; nondjoko otai teka omolweondo.”

LEVITIKUS 21:10

“Nomupristeli ou a ninga omukulunhu mokati kavakwao, oo komutwe waye kwa tilwa omaadi evaeko, ndele a hoololwa a djale oikutu iyapuki, ye aha efe eexwiki daye dokomutwe di endjelele nodiha pombaule oikutu yaye.

LEVITIKUS 23:20

nomupristeli e noku i dungadungifa edungadungifwayambo koshipala shOmwene pamwe nomungome woshipe needi mbali. Odo nadi kale diyapuki kOmwene ndele tadi ningi domupristeli.

LEVITIKUS 6:16

Naashi tashi xupu po, nashi liwe po kuAron novana vaye. Shi nokuliwa shihe nonhafi monhele iyapuki, mehale lokomesho letwali leongalo vo ve noku shi lya.

LEVITIKUS 6:18

Ovalumenhu aveshe vomovana vaAron nave u lye. Yo onghedimhango yaalushe komaludalo avo oshitukulwa shokomundiloyambo wOmwene. Vamwe ve lili tave shi kumu tava nyono ouyapuki.

LEVITIKUS 6:20

“Olo eyambo laAron novana vaye ovamati ve noku li etela Omwene mefiku tuu olo ye ta ka vaekwa: okilograma youfila wa nakwa eendjayambo defiku keshe. Etata lado ongula netata onguloshi.

LEVITIKUS 6:26

Omupristeli ou ta eta etimbayambo, ne li lye po. Monhele iyapuki li nokuliwa mehale lokomesho yetwali leongalo.

LEVITIKUS 7:14

Ndele ye e nokweetela Omwene oshikuki shimwe shomoshali keshe oshaliyambo. Osho tashi ningi shomupristeli ou ta tile ohonde yepanduloyambo koshiyambelo.

LEVITIKUS 7:28

Omwene okwa popya vali naMoses ndele ta ti:

LEVITIKUS 7:6

Ovalumenhu vomovapristeli nave li lye. Lo oli na okuliwa monhele iyapuki. Lo oliyapukielela.

LEVITIKUS 8:30

Moses okwa kufa yo momaadi okuvaeka nomohonde ei ya kala koaltari, nokwe i shamina Aron noikutu yaye novana vaye ovamati noikutu yavo. Osho ngaha hano okwa yapula Aron noikutu yaye, novana vaye ovamati noikutu yavo.

NUMERI 18:9

Meeshali diyapukielela odo itadi xwikwa po, otadi ningi doye: omayambo avo aeshe nokutya, eendjayambo keshe, etimbayambo keshe nokuvelombediyambo keshe lavo, aa tava etele nge, oo naa kale ngaashi mayapukielela kwoove nokovana voye ovamati.

NUMERI 5:9

“Neyambo keshe lomeeshaliyambo diyapuki dovana vaIsrael tave di eta komupristeli, li nokuninga laye.

1 OVAKORINTO 9:13

Onye kamu shi shii, ava hava longo oilonga yotembeli, otava li ei yomotembeli, naava tava longo oilonga poaltari, otava mono oipewa yavo poaltari?

DEUTERONOMION 12:11

Opo nee mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo eni mawa, aa tamu ke a udanekela Omwene, konhele oyo Omwene Kalunga keni ta ka hoolola opo edina laye li kale ko. Oko mu nokutwala aishe ei ame handi mu lombwele.

DEUTERONOMION 12:6

Ndele oko mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo ehalo liwa noiveli yoimuna yeni.

DEUTERONOMION 18:1

“Ovapristeli Ovalevi, epata alishe laLevi, lihe nefyuululo pamwe naIsrael. Osheshi oshipewa shavo omaxwikiloyambo Omwene ove nokulya moshitukulwafyuululwa shaye.

DEUTERONOMION 26:13

Ndele ove u nokutya koshipala shOmwene Kalunga koye: ‘Oinima iyapuki onde i kufa meumbo, ndele nde i yandja yo kOmulevi nokomunailongo nokofiye nokomufiyekadi, oyo aishe pashipango shoye, ove we shi lombwela nge. Ame inandi tauluka noinandi dimbwa oshipango shoye nande shimwe.

OVAHEBERI 1:9

Ove owa kala u hole ouyuki ndele wa tonda oumbudi; Onghee hano Kalunga, Kalunga koye, e ku vaeka nomaadi ehafo u dule vakweni.”

1 JOHANNES 2:20

Ndele nye omu nevaeko okOmuyapuki, nanye amushe omu neshiivo.

1 JOHANNES 2:27

Ndele evaeko eli mwe li pewa kuye, otali kala munye, ndele itamu pumbwa mu longwe nande kuumwe; ndelenee ngaashi evaeko laye hali mu longo aishe, nosho yo elongo olo loshili kali fi oipupulu nongaashi le mu longa, hano osho kaleni muye.