NUMERI 18:23 - Ombibeli Iyapuki

²³ Ndelenee Ovalevi ve nokulonga eyakulwalonga petwali leongalo, ndee vo ve nokuhumbata omanyonauno avo. Eshi nashi kale onghedimhango yaalushe momaludalo avo. Ndele mokati kovana vaIsrael vaha kale ve noshitukulwafyuululwa.

NUMERI 18:23 ပူးပေါင်းရင်းမြစ်များ

EXODUS 27:21

Metwali lokwoongalela mo kombinga yopondje yoshiyatatukulifo eshi shi li komesho yoshikefa shoundobwedi, Aron novana vaye ovamati nave i kalele noshisho i kale ya tema okudja onguloshi fiyo ongula moipafi yOmwene. Eshi nashi kale onghedimhango yaalushe komaludalo nomaludalo kombinga yOvaisraeli.

HESEKIEL 44:10

Ndelenee Ovalevi ava va ya kokule naame meliteeko laIsrael, vo va puka mo mwaame, va shikula oikalunga yavo, vo nava humbate oulunde wavo.

NUMERI 18:1

NOmwene okwa lombwela Aron ndee ta ti: “Ove novana voye ovamati nepata laxo, nye otamu pulwa omanyonauno etwali liyapuki ndele nye novana voye ovamati otamu pulwa omanyonauno oupristeli.

NUMERI 18:20

Omwene okwa lombwela yo Aron: “Ove ito ka kala u noshitukulwafyuululwa medu lavo, ndele ino kala u noshitukulwa edu mokati kavo: Aame mwene oshitukulwa shoye nefyuululo loye mokati kovana vaIsrael.”

NUMERI 19:21

Oyo onghedimhango yaalushe kunye. Ndele ou ta shamine omashaminomeva, ye e nokukosha oikutu yaye. Ndele ou ta kumu omalifetifomeva, e nokukala ina yela fiyo onguloshi.

NUMERI 26:62

Novalumenhu aveshe vavo va valwa, ava va wanifa ohani imwe naava va koya po, ova li ve fike pomayovi omilongo mbali naatatu. Ndelenee vo inava valwa mokati kovana vaIsrael, osheshi vo inava pewa oshitukulwafyuululwa mokati kovana vaIsrael.

NUMERI 3:7

Vo nava diinine oilonga yaye noilonga yeongalo alishe komesho yetwali leongalo, va wanife oiyakulwalonga yetwali liyapuki.

NUMERI 35:29

Oyo nai ninge onghedimhango mokutokola momapata eni meenhele deni adishe.

DEUTERONOMION 10:9

Onghee hano Levi ehe noshitukulwa ile oshifyuululwa pamwe novamwaxe. Omwene Ye oshitukulwafyuululwa shaye, Omwene Kalunga koye ngaashi e mu udanekela.

JOSUA 13:14

Epata laLevi alike Moses ine li pa oshitukulwafyuululwa: omindiloyambo dOmwene Kalunga kaIsrael, oye oshitukulwafyuululwa shalo, ngaashi Ye e li udanekela.