NUMERI 18:2 - Ombibeli Iyapuki

² Novakweni yo, epata laLevi, epata laxo yeni, nave uye kwaame pamwe naave, nave mu kalele po noku ku longela fimbo ove novana voye ovamati pamwe naave mu li petwali londobwedi.

NUMERI 18:2 ပူးပေါင်းရင်းမြစ်များ

GENESIS 29:34

Ndele ye okwa ninga vali oufimba ndele okwa dala okaana okamati ndele ta ti: “Paife eshi omulumenhu wange ota ka kala e hole nge, shaashi ame nde mu dalela ounona oumati vatatu.” Onghee hano okwe ka luka Levi.

2 OMAFIMBO 30:16

Ndele va ya va ka kale ofika meenhele davo palombwelo lomhango yaMoses, omulumenhu waKalunga, fimbo ovapristeli va tambula ohonde momake Ovalevi, ndele ve i tila.

HESEKIEL 44:11

Vo ove nokuninga ovapiya motembeli yange, ngaashi ovakeleli poivelo yotembeli, novayakuli moilonga yomotembeli. Vo nava tomenene ovanhu omaxwikiloyambo nomatomenoyambo, ndele nava kale moipafi yavo oku va yakula.

HESEKIEL 44:15

“Ndelenee ovapristeli ovo Ovalevi, oludalo laSadok, ava va diininine oilonga yomotembeli yange mefimbo leliteeko lOvaisraeli, vo nava ehene kwaame va longele nge ndele va kale ofika koshipala shange va yambele nge omaadi nohonde, Omwene Kalunga ta ti.

MALAKIA 2:4

Ndele nye otamu ka shiiva, nokutya Ame onde mu tumina omhango ei, opo ehangano lange naLevi li kale la pama, Omwene womatanga ovakwaita ta ti.

NUMERI 1:53

Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”

NUMERI 16:40

shi dimbulukife ovana vaIsrael nokutya, paha kale nande omuyeni umwe ehe fi omupristeli womepata laAron, ou ta ehene okutwiminina koshipala shOmwene, opo aha ningwe ngaashi Kora nongudu yaye, ngaashi Omwene e mu lombwelele mokanya kaMoses.

NUMERI 17:7

Ndele Moses okwa twala eenhaili koshipala shOmwene metwali londobwedi.

NUMERI 18:4

Vo nava kale pwoove ndele nava longe oilonga yetwali leongalo, oilonga aishe yetwali. Ndele omuyeni aha ehene kunye.

NUMERI 3:5

NOmwene okwa popya naMoses ndee ta ti:

NUMERI 4:15

Aron novana vaye ovamati ngeenge va mane okutuvika etwali liyapuki noinima aishe yetwali, opo nee ovana ovamati vaKohat nave uye va ka humbate. Ndele vo vaha kume oinima iyapuki, opo vaha fye. Oinima oyo tuu oyo yetwali leongalo ovana ovamati vaKohat ve nokuhumbata.

NUMERI 8:19

nOvalevi nde va yandja, heeno, vo va yandjelwa Aron novana vaye ovamati mokati kovana vaIsrael, opo venya va wanife eyakulwalonga lovana vaIsrael metwali leongalo nokukwatakanifa ovana vaIsrael, paha holoke nande oshiponga mokati kovana vaIsrael, ovana vaIsrael eshi tave uya ketwali liyapuki.

NUMERI 8:22

Opo nee Ovalevi ve uya va ka longe eyakulwalonga lavo metwali leongalo moipafi yaAron novana vaye ovamati. Omwene ngaashi a lombwela Moses mokutonga Ovalevi, osho hano vo ve va ningila.

OVAHEBERI 9:6

Ndele oinima ei aishe eshi ya li ya longwa ngaha, ovapristeli ohava i mo efimbo keshe molupale lotete letwali okuwanifa oilongayakulo,