NUMERI 18:13 - Ombibeli Iyapuki

¹³ Oshipe shakeshe eshi tashi mene moshilongo shavo, eshi tave shi etele Omwene, shi nokuninga shoye. Keshe umwe a yela meumbo loye ne shi lye.

NUMERI 18:13 ပူးပေါင်းရင်းမြစ်များ

2 EEHAMBA 4:42

Nomulumenhu umwe womuBaal-Salisa e uya ndele ta etele omulumenhu waKalunga omingome doilya ipe; omingome omilongo mbali domufimbaxwa, noilya ya fengwa moshimbaba, ndele Elisa ta ti: “Yandja kovanhu va lye!”

2 OMAFIMBO 31:5

Noshipango osho eshi sha tandavela, ovana vaIsrael va yandja oshipe shihapu shomoilya noshomaviinyu noshomaadi, noshomaadi eenyiki noshoinima aishe yomepya, ndele va eta oitimulongo ihapu yomoinima aishe.

EXODUS 22:29

“Ino ongaonga okuyandja oiyandjiwa yoilya noyomaviinyu. “Oshiveli okamati u noku shi pa nge.

EXODUS 23:19

“Eshi shiwelela shomoshipe shepya loye u noku shi eta mongulu yOmwene Kalunga koye. “Okakombwena ino ka telekela momashini aina yako.

EXODUS 34:26

“Eshi shiwelela shomoiimati yomepya loye u noku shi etela kongulu yOmwene, Kalunga koye. “Ino teleka okakombwena momashini aina yako.”

JEREMIA 24:2

Oshimbale shimwe osha li shi neenghwiyu dinyenye diwa ngaashi eedive noshimbale shikwao osha li shi neenghwiyu dii unene dihe shii kuliwa.

HESEKIEL 44:30

Nakeshe eshi shotete shokomaludi keshe, sha wapala, sha wapalelela, nokeshe eshi shomayambo, oshomayambo eni aeshe naa ninge ovapristeli. Noufila weni muwa u dule mukwao mu nokuyandja komupristeli, opo enangeko noupuna li kale meumbo loye.

HOSEA 9:10

“Onda hanga Israel ngaashi eeviinyu mofuka, nonda hanga ooxekulu yavo ngaashi eedive domukwiyu pehovelo lao. Ndelenee ove uya kuBaal-Peor, ndele ve liyapulila kalunga kohoni, ndele va ninga oitondifa ngaashi omuholike oo wavo.

LEVITIKUS 22:7

Ndelenee etango ngeenge la ningina, ye ota ka kala a yela. Opo nee ta shiiva okulya eeshali diyapuki, osheshi odo eendja daye.

LEVITIKUS 23:17

Oko tamu kala nye mu nokweeta omingome mbali dokudungadungifwayambo, da telekwa noufila wa nakwa u fike peekilograma mbali, da telekwa di nonhafi ngaashi oshipe kOmwene.

MIKA 7:1

Woo ame, osheshi ame nda ningwa ngaashi mefimbo loiimati ye likolwa nongaashi mefimbo omashila omiviinyu a pupudululwa. Kape na vali nande eeviinyu dokulya, neenghwiyu dokulombo edi omwenyo wange we di hala.

DEUTERONOMION 18:4

Oshipe shoilya yoye noshomaviinyu oye noshomaadi oye nolududi leedi doye mokukulula kwotete ove u noku mu pa.

DEUTERONOMION 26:2

opo nee ove u nokukufa moiimati aishe yotete yomomapya oye to i toola moshilongo eshi Omwene Kalunga koye te ke shi ku pa, ndele u noku i tula moshimbale, ndele ove u nokuya konhele oyo tai ka hoololwa kOmwene Kalunga koye, opo edina laye li kale mo,