NUMERI 17:3 - Ombibeli Iyapuki

³ Nedina laAron li shangela monhaili yepata laLevi, shaashi ope nokukala onhaili imwe yomukulunhu wepata keshe.

NUMERI 17:3 ပူးပေါင်းရင်းမြစ်များ

EXODUS 6:16

Nomadina ovana ovamati vaLevi oyaa pamapata avo: Gerson naKohat naMerari. Nomido daLevi, edi a kala nomwenyo, odo efele nomilongo nhatu nomido heyali.

EXODUS 6:20

Ndele Amram okwa hombola Johobed, omumwaina waxe, ndele ye okwe mu dalela Moses naAron. Nomido daAmram da li efele nomilongo nhatu nomido heyali.

JEREMIA 42:20

Osheshi nye omwe lipukifa nye vene, eshi mwa tuma nge kOmwene Kalunga keni, eshi mwa tya: ‘Tu ilikanena kOmwene Kalunga ketu; naadishe odo Omwene Kalunga ketu ta popi, di tu hololela, opo tu di wanife.’

HESEKIEL 37:16

“Ndele ove, kaana komunhu, kufa oshiti u shangele mo: ‘KuJuda nokOvaisraeli,’ ndele kufa vali oshiti shimwe u shangele mo: ‘KuJosef. Oshiti shaEfraim nokOvaisraeli,’

NUMERI 17:2

“Popya novana vaIsrael ndele tambula kuvo, kepata keshe, onhaili imwe, kovakulunhu aveshe vomapata, eenhaili omulongo nambali. Monhaili keshe shangela mo edina lepata.

NUMERI 17:4

Ndele di tula metwali leongalo komesho yoshikefa shondobwedi, oko Ame handi shakene nanye.

NUMERI 18:1

NOmwene okwa lombwela Aron ndee ta ti: “Ove novana voye ovamati nepata laxo, nye otamu pulwa omanyonauno etwali liyapuki ndele nye novana voye ovamati otamu pulwa omanyonauno oupristeli.

NUMERI 18:7

Ndelenee ove novana voye ovamati pamwe naave mu nokulonga oshilonga shoupristeli weni moinima aishe yoaltari naashi shi li meni loshitukulifoyata, omo tamu longo oilonga yeni. Oshilonga sheni shoupristeli ohandi shi mu pe oshali. Nomuyeni ou ta ehene po e nokudipawa.”

NUMERI 26:10

Nedu la makula okanya kalo ndele le va pona po pamwe naKora, eengudu eshi da fya, omundilo eshi wa dipaa ovalumenhu omafele avali nomilongo nhano. Ndele vo va ninga edidiliko.