NUMERI 16:9 - Ombibeli Iyapuki

⁹ Inashi mu wanena, Kalunga kaIsrael eshi e mu tongola mo meongalo laIsrael, opo mu itavelelwe okweehena kuye mu wanife eyakulwalonga letwali liyapuki lOmwene nokukala ofika moipafi yeongalo, nye mu va yakule?

NUMERI 16:9 ပူးပေါင်းရင်းမြစ်များ

GENESIS 30:15

Ndelenee ye okwa nyamukula ndele ta ti kuye: “Inashi wana ngeno, eshi wa kufa nge omulumenhu wange, eshi wa hala okukufa vali oiimati yohole yomumwange?” Ndele Rakel okwa tya: “Ondi na shike, na nangale naave oufiku wonena molwomidi dohole yomumwoye.”

2 SAMUEL 7:19

Ndelenee eshi oshinima shinini natango momesho oye, Omwene Kalunga, onghee wa popya nomupiya woye oinima tai ka ningilwa epata laye komesho.

2 OMAFIMBO 35:3

Nokwa lombwela Ovalevi ava va longa Ovaisraeli aveshe ndele ovo va li ve liyapulila Omwene: “Tuleni oshikefa shiyapuki mongulu oyo Salomo yaDavid, ohamba yaIsrael, e i tunga. Itamu pumbwa vali oku shi humbata komapepe. Longeleni paife Omwene Kalunga keni novanhu vaye Ovaisraeli.

NEHEMIA 12:44

Ndele mefiku tuu olo ovalumenhu va tulwa po okupashukila omalimba, omo mwa li eeshaliyambo, noshipe noitimulongo. Vo va li ve nokwoongela pamhango oitukulwa oyo yovapristeli noyOvalevi ava ve li moshilonga, tai ongelwa komapya oilando, osheshi Juda sha hafela ovapristeli nOvalevi ava va li moshilonga.

JESAJA 7:13

Ndele ye okwa tya: “Pwilikineni, nye eumbo laDavid! Inashi wana, eshi nye hamu lolokifa ovanhu, mwa hala yo okulolokifa Kalunga?

HESEKIEL 34:18

Inashi mu wanena, nye eshi tamu li oulifilo munyenye, eshi tamu lyataula nomakondo eni oulifilo wa xupa po? Ndele tamu nu omeva mayela, ndele tamu dongele nomakondo eni omeva a xupa po?

HESEKIEL 44:16

Vo ohava i motembeli yange, ndele vo hava ehene koshitaafula shange va longele nge nokudiinina oilonga tai longelwa nge.

NUMERI 1:53

Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”

NUMERI 16:13

Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu!

NUMERI 16:8

Moses okwa lombwela vali Kora: “Pwilikineni tuu nye ovana vaLevi!

NUMERI 3:6

“Epata laLevi li ehenifa li kale moipafi yomupristeli Aron, opo vo va shiive oku mu yakula.

NUMERI 3:9

NOvalevi u noku va yandja kuAron nokovana vaye. Vo aveshe vomovana vaIsrael ova yandjwa kuye.

OILONGA YOVAYAPOSTOLI 13:2

Ndele fimbo tava ningi elongelokalunga lokulongela Omwene nove lidilika eendja, Omhepo Iyapuki oya tya kuvo: “Yoololelei nge Barnabas naSaulus va ka longe oshilonga osho nde shi va ifanena.”

1 OVAKORINTO 4:3

Ndelenee oshinima shinini kwaame ngeenge handi tokolwa kunye, ile ketokolo lopanhu; naame mwene itandi litokola,

DEUTERONOMION 10:8

Mefimbo tuu olo Omwene okwa tongola mo epata laLevi, opo li humbate oshikefa shehangano lOmwene, ndele va kale koshipala shOmwene noku mu longela nokunangeka noupuna medina laye fiyo onena.

1 SAMUEL 18:23

Ovapiya vaSaul va lombwela hano David eendjovo odo. Ndelenee okwa pula: “Oshinima shinini hamba okuninga oshitenya shohamba, shaashi ame omulumenhu ohepele nomuxupinhu?”