NUMERI 16:7 - Ombibeli Iyapuki

⁷ ndele tuleni mo omundilo mu tule kombada yao oitwiminifo koshipala shOmwene. Opo nee omulumenhu ou ta hoololwa kOmwene oye omuyapuki. Hano eshi nashi mu wanene, nye ovana vaLevi.”

NUMERI 16:7 ပူးပေါင်းရင်းမြစ်များ

OMAPSALOME 106:16

Opo nee monhanda ova ngongotela Moses naAron, omupiyayapuki wOmwene;

NUMERI 16:3

Ndele ova ongalela Moses naAron ndee tava ti kuvo: “Sha wana nee paife! Osheshi eongalo alishe oliyapuki. NOmwene oha kala mokati kavo! Omolwashike hano nye tamu linenepekifile kombada yeongalo lOmwene?”

NUMERI 16:5

Ndele ye okwa lombwela Kora nongudu yaye aishe ndee ta ti: “Ongula inene Omwene ta ka holola olyelye waye nalyelye omuyapuki nalyelye te mu itavelele okweehena kuye. Ou Ye ta hoolola Oye te mu itavelele okweehena kuye.

NUMERI 16:6

Ningeni ngaha: Kufeni ko oikwatelwa yomakala nye Kora nongudu yoye aishe,

NUMERI 16:8

Moses okwa lombwela vali Kora: “Pwilikineni tuu nye ovana vaLevi!

OVAEFESO 1:4

ngaashi e tu hoolola muye fimbo ounyuni inau shitwa, tu kale ovayuki notuhe noshipo koshipala shaye mohole,

2 OVATESSALONIKI 2:13

Ndelenee fye otu nokupandula alushe Kalunga molweni, ovamwatate ovaholike vOmwene, ava Kalunga e mu hololela okudja pehovelo exupifo meyapulo lOmhepo nomeitavelo loshili,

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.