NUMERI 16:13 - Ombibeli Iyapuki

¹³ Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu!

NUMERI 16:13 ပူးပေါင်းရင်းမြစ်များ

OILONGA YOVAYAPOSTOLI 7:35

“Moses tuu ou ve mu dina, eshi va tile: ‘olyelye e ku lenga u kale omupangeli nomutokoli wetu’, oye tuu ou Kalunga e mu tuma a kale omupangeli nomumangululi okekwafo lomweengeli ou e mu lihololela moshixwa sheno.

NUMERI 11:5

Fye hatu dimbulukwa eeshi twe di lile ngaho muEgipiti noihenda yomatanga, omanuwa, ombidi, eenyanga nomakunde.

EXODUS 16:3

NOvaisraeli ve va lombwela tava ti: “Ngeno twa file muEgipiti keke lOmwene, fimbo twa kala omutumba peembiya dombelela ndele twa lile omingome da wana! Ndelenee onye mwe tu eta kombuwa tuu ei, opo eongalo alishe eli linene li fye kondjala.”

EXODUS 2:14

Ndele ye okwa nyamukula ta ti: “Olyelye e ku tula po u kale omwene nomutokoli wetu? Wa hala ngeno okudipaa nge, ngaashi wa dipaa Omuegipiti?” Ndele Moses okwa tila ndele ta ti: “Oshili, oshinima sha shiivika.”

LUKAS 19:14

Ndelenee ovanhu vomoshilongo ove mu tonda ndele ove mu shikulifa ovatumwa ve mu lombwele: ‘Ou inatu mu hala e tu pangele.’

NUMERI 14:2

Novana aveshe Ovaisraeli va ngongotela Moses naAron, neongalo alishe le va lombwela: “Akutu, ngeno twa filile medu laEgipiti! Ile ngeno twa lilile mombuwa ei!

EXODUS 17:3

Ndelenee ovanhu va li ve nenota nova tangunina Moses ndele tava ti: “Omolwashike ove we tu pitifa mo muEgipiti, fye noludalo letu noimuna yetu i fye kenota?”

EXODUS 2:23

Ndele efimbo lile eshi la pita po, ohamba yaEgipiti oya fya. NOvaisraeli ova kuwa nokulila omolwoupika. Ndele onghuwo yavo molwoupika wavo oya fika kuKalunga.

EXODUS 1:22

Opo nee Farao okwa lombwela ovanhu vaye aveshe, ndele ta ti: “Ovana aveshe ovamati ava tava dalwa ve nokweekelwa muNil, ndelenee oukadona aveshe nava efuwe ve nomwenyo.”

EXODUS 1:11

Opo nee vo ova pewa ovapashukili oku va hepeka noilonga idjuu. Ndele vo ova tungila Farao oituvikilwalando Pitom naRamses.

NUMERI 11:4

Ndele ehalo la penduka mokati kovashakati venya ve litula kuvo. Opo nee ovana vaIsrael yo va hovela vali okulila, ndee tava ti: “Olyelye te tu pe ombelela okulya?

NUMERI 14:3

Omolwashike Omwene te tu twala kedu linya tu dipawe keongamukonda? Ovalikadi vetu novana vetu tava ka ninga oshihakanwa shovatondadi. Ngeno shi dule fye tu shune kuEgipiti.”

NUMERI 16:12

Ndele Moses okwa ifana Datan naAbiram, ovana vaEliab. Ndelenee vo va tya: “Ahowe, fye itatu uya ko.

HESEKIEL 34:18

Inashi mu wanena, nye eshi tamu li oulifilo munyenye, eshi tamu lyataula nomakondo eni oulifilo wa xupa po? Ndele tamu nu omeva mayela, ndele tamu dongele nomakondo eni omeva a xupa po?

NUMERI 11:20

ndelenee ohani aishe fiyo tai di mo momayulu eni tamu i nyonyodola, shaashi mwa dina Omwene ou a kala mokati keni ndele mwa lila koshipala shaye ndee tamu ti: Omolwashike fye twa dja muEgipiti.’ ”

NUMERI 13:27

Ndele vo ove mu hepaululila ndee tava ti: “Fye otwa fikile kedu linya, ove we tu tumine ko. Heeno, oshili otali tondoka omashini nomaadi eenyiki, noiimati yalo ei.