NUMERI 15:4 - Ombibeli Iyapuki

⁴ hano ou ta etele Omwene eyambo e nokweeta eendjayambo oufila wa nakwa wokilograma imwe, mwa pilulilwa omaadi olita.

NUMERI 15:4 ပူးပေါင်းရင်းမြစ်များ

ESRA 7:17

Onghee hano noimaliwa ei paliudo loye u nokulanda eengobe deemhedi, eedi deemhedi, oudjona, neendjayambo noikunwayambo yado noku i yamba koaltari yongulu yaKalunga muJerusalem.

EXODUS 29:40

pamwe noufila wa nakwa u fike pokilograma imwe wa pilulilwa omaadi a yengwa e fike polita imwe, ndele ngaashi oshikunwayambo omaviinyu e fike polita imwe.

JESAJA 66:20

Ndele vo otava ka eta kOmwene ovamwaxo ngaashi eyambo vomoiwana aishe, va londa keenghambe nokomatemba nomoipundi tai humbatwa nokomamula nokeengamelo komhunda yange iyapuki kuJerusalem, Omwene osho ta ti; ngaashi ovana vaIsrael tava etele motembeli yOmwene eendjayambo moshitoo shiyela.

HESEKIEL 46:14

Nongula keshe mu nokulongekida vali kulo ngaashi eendjayambo eekilograma mbali doufila, nolita imwe omaadi okushashamina oufila utoka. Oyo eendjayambo kOmwene; eenghedimhango daalushe fiyo okondongolondongo.

LEVITIKUS 1:13

Ndelenee omandjadja nomakondo e noku a kosha nomeva, nomupristeli e noku a eta aeshe noku a xwikila po koaltari. Olo exwikiloyambo nokutya, omundiloyambo wedimba liwa kOmwene.

LEVITIKUS 14:10

Ndele mefiku etihetatu e nokukufa oudjona vavali vehe noshipo nokadjona okakadi komudo umwe kehe noshipo ndele e nokukufa oufila wa nakwa u fike peekilograma nhatu ngaashi eendjayambo mwa pilulilwa omaadi, nomaadi oshitatu sholita.

LEVITIKUS 2:1

“Ndele umwe ngeenge a hala okweetela Omwene eendjayambo, eyambo laye li nokukala oufila wa nakwa. Ye e noku u tila omaadi nokutula ko vali oitwiminifo,

LEVITIKUS 2:15

Ndele ove u nokutula po omaadi noitwiminifo. Olo eendjayambo.

LEVITIKUS 23:13

nongaashi eendjayambo dalo oufila wa nakwa u fike peekilograma mbali, wa lumbakanifwa omaadi ngaashi omundiloyambo wOmwene edimba liwa; naavali oikunwayambo yalo omaviinyu e fike polita imwe.

LEVITIKUS 3:7

Ye ngeenge ta eta odi onghadi eyambo, ye e noku i eta koshipala shOmwene

LEVITIKUS 6:14

Nomhango yeendjayambo oyo ei: “Ovana ovamati vaAron ve noku di eta koshipala shOmwene poaltari.

MALAKIA 1:11

Osheshi edina lange otali kala linene mokati kovapaani kokudja kepito letango fiyo okokuningina kwalo. Ndele monhele keshe tamu twiminwa efimano ledina lange notamu etwa eyambo la koshoka. Osheshi edina lange otali kala linene mokati kovapaani, Omwene womatanga ovakwaita ta ti.

NUMERI 28:12

Noufila wa nakwa weekilograma nhatu, mwa pilulilwa omaadi, eendjayambo kongobe keshe; oufila weekilograma mbali mwa pilulilwa omaadi, kodi imwe yomhedi.

NUMERI 28:4

Odjona imwe mu noku i yamba ongula, nodjona ikwao mu noku i yamba onguloshi,

NUMERI 29:6

ponho yexwikiloyambo lohani ipe neendjayambo dalo nexwikiloyambo lomafiku aeshe neendjayambo dalo, noikunwayambo yalo papukululomhango layo i ninge edimba liwa, omundiloyambo kOmwene.

NUMERI 7:13

Eyambo laye oleli: oshiyaxa oshisiliveli, ondjele yasho okilograma netata, neholo loshisiliveli, ondjele yasho eegrama omafele ahetatu, pandjele yosekeli yetwali liyapuki. Aishe ivali i yadi oufila wa nakwa wa pilulilwa omaadi eendjayambo.

OVAROMA 15:16

opo ndi kale omupiya waKristus Jesus mokati kovapaani, omoilonga iyapuki yopaupristeli yokuudifa evaengeli laKalunga, opo ovapaani va ninge eyambo la wapala, la yapulwa kOmhepo Iyapuki.

OVAHEBERI 13:16

Inamu dimbwa okulonga ouwa nokutukula mwaayo mu i kwete, osheshi omayambo a tya ngaha Kalunga e a hokwa.

OVATOKOLIPANGELI 9:9

Ndelenee olumono le va lombwela: ‘Ame ndi efe mbela omaadi ange molwao oikalunga novanhu tava pandula nge, ndi ye ngeno ndi linyenganyenge kombada yomiti?’