NUMERI 15:30 - Ombibeli Iyapuki

³⁰ Ndelenee omunhu ou ta nyono owina, ye ngeenge omudalelwa mo ile omunailongo, ota sheke Omwene, ye e nokudimwa mo moshiwana shavo.

NUMERI 15:30 ပူးပေါင်းရင်းမြစ်များ

GENESIS 17:14

Ndele omulumenhu ou ina pita etanda, e na oshipa shokoxulo youlumenhu waye inashi tetwa ko, omunhu e li ngaha na kombwe mo muvakwao. Ye okwa teya ehangano lange.”

JOB 38:15

Ovahenakalunga tava kufwa ouyelele wavo, nokwooko kwa yeluka taku teyaulwa.

OMAPSALOME 19:13

Osho yo omupiya woye mu amena kovashishimani, ino va efa va pangele nge. Osho ngaha handi kala ndihe noshipo nonda manguluka menyono linene.

OMAPSALOME 69:9

Osheshi ouladi wokukondjela ongulu yoye, oo wa mana nge eenghono; nomasheko aava have ku sheke, a wila nge.

OMAPSALOME 74:18

Omwene, shi dimbulukwa, omutondi eshi te ku sheke, oshiwana sha laipala, otashi dini edina loye.

OMAPSALOME 74:22

Akutu Kalunga, fikama, kondjela oshikondjelwa shoye! Didilika omasheko, eshi to shekwa kovapwidi keshe efiku.

OMAPSALOME 79:12

Ovashiinda vetu, esheko lavo, eli ve ku sheka nalo Omwene, li va shunifila meenhulo davo luheyali.

OMAPSALOME 89:51

Oyaa, ovatondi voye, Omwene, tava sheke nao, omanha omuvaekwa woye otave a sheke nao.

EXODUS 21:14

Ndelenee umwe ngeenge ta nyono kumukwao owina ndele te mu dipaa moku mu kengelela, ove u noku mu kufa koaltari yange a dipawe.

EXODUS 30:33

Keshe umwe ou te liningile sha sha fa omaadi aa ile ta vaeke omunhu, e nokudimwa mo muvakwao.”

OMAYELETUMBULO 14:31

Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke.

HESEKIEL 20:27

“Onghee hano kaana komunhu, lombwela eumbo laIsrael u tye kuvo: Omwene Kalunga ta ti ngaha: ooxo ova sheka nge vali eshi ve liteeka nge.

LEVITIKUS 20:10

Ngeenge ope na ou ta haele omwalikadi womushiinda waye vo aveshe vavali, omulumenhu nomukainhu, ve nokudipawa shili.

LEVITIKUS 20:3

Naame ohandi ke mu taalelifa oshipala shange nehandu, ndele Ame ohandi ke mu dima mo moshiwana shaye. Osheshi ye a yandja ovana vaye kuMolek, opo a nyateke etwali lange liyapuki nokushekifa edina lange liyapuki.

LEVITIKUS 20:6

“Ndele omunhu umwe ngeenge ta ame keemhepo dovafi nokeemhepo deemhule noku di shikula moluhaelo, omunhu tuu ou Ame ohandi ke mu taalelifa oshipala shange shi nehandu noku mu dima mo moshiwana shaye.

NUMERI 15:29

Omhango tuu ei imwe oyeni ava mwa dalelwa mo mokati kOvaisraeli noyomunailongo ha kala punye, ngeenge a nyona mepuko.

NUMERI 9:13

Ndelenee omulumenhu ou a yela ndele ke li moweenda ndee ta anye okudana Opaasa, na dimwe mo moshiwana shavo. Osheshi ye ina etela Omwene eyambo mefimbo la pangelwa. Omulumenhu ou ye e nokuhumbata etimba laye.

MATEUS 12:32

Ndele ngeenge ku na ou ta popi ondjovo a twa ondubo nOmona wOmunhu, otai mu diminwa po, ndele ou ta popi Omhepo Iyapuki, oye ite shi diminwa po nande nomounyuni ou nomwaawinya tau uya.

DEUTERONOMION 1:43

Ndelenee ame eshi nda popya, nye inamu pwilikina nande, ndelenee nye mwa li mu nondubo nelombwelo lOmwene ndele moukukutu weni mwa ya keemhunda.

DEUTERONOMION 32:27

Ame ngeno inandi angala okuhandukifwa komutondadi, ovatondadi vavo ngeno va pilikile eendjovo va tye: Eke letu la yeluka nOmwene ina ninga sha mwaashishe eshi.’

OVAHEBERI 10:26

Osheshi ngeenge hatu nyono owina nande twa shiiva oshili, itapa kala vali eyambo molwomatimba,

OVAHEBERI 10:29

hano otamu ti ngahelipi ehandu olo tali kala li fike peni kwaau ta lyata nomhadi Omona waKalunga nota dini ohonde yehangano, omo a yapulilwa mo ndele ta sheke Omhepo yefilonghenda?

2 PETRUS 2:10

ndele unene tuu ava hava lambalala ombelela meenyata douhalu nohava dini omapangelo, oonakulitanga moulafalafi wavo ihava tila okuyeela omapangelomhepo.

1 JOHANNES 5:16

Omunhu ngeenge ta mono omumwaxe ta longo oulunde kau fi oulunde wokufya, oye ne mu ilikanene, ndele Ye ote mu pe omwenyo nokutya, ava itava longo oulunde wokufya. Oku nomatimba oo okufya, havo handi tongo, va ilikanenwe.

1 SAMUEL 2:25

Omunhu ngeenge ta nyono komukwao ota tokolwa komutokoli, ndelenee omunhu ngeenge ta nyono kOmwene, olyelye ta dulu oku mu popila?” Ndelenee vo inava pwilikina xe yavo, osheshi Omwene okwa li a hala oku va komba po.

1 SAMUEL 3:14

Onghee hano Ame ohandi anene epata laEli. Oshili, oulunde wepata laEli itau ka dimwa po fiyo alushe komatomenoyambo ile keendjayambo.”