NUMERI 15:3 - Ombibeli Iyapuki

³ ndele mwa hala okuyambela Omwene omundiloyambo, exwikiloyambo netomenoyambo mu wanife eudaneko ile ngaashi oshali yehalo liwa ile moivilo yeni mu yambele Omwene edimba liwa leengobe, leedi ile loikombo,

NUMERI 15:3 ပူးပေါင်းရင်းမြစ်များ

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

ESRA 7:17

Onghee hano noimaliwa ei paliudo loye u nokulanda eengobe deemhedi, eedi deemhedi, oudjona, neendjayambo noikunwayambo yado noku i yamba koaltari yongulu yaKalunga muJerusalem.

OMAPSALOME 54:6

Okehalo liwa nda hala oku ku yambela eyambo, nokuhambelela edina loye, Omwene, shaashi oliwa.

EXODUS 29:18

Opo nee u nokuxwika po odi aishe koaltari. Olo exwikiloyambo kOmwene, edimba liwa, heeno, olo omundiloyambo kOmwene.

EXODUS 29:25

Opo nee to i kufa mo momake avo u i xwike po kombada yexwikiloyambo, i ninge edimba liwa koshipala shOmwene. Olo omundiloyambo kOmwene.

EXODUS 29:41

Nodjona ikwao u noku i yamba onguloshi. Ove u noku i longekida panghedi yeendjayambo dongula, noikunwayambo yado ngaashi edimba liwa. Olo eyambo lomundilo kOmwene.

LEVITIKUS 10:13

Onghee hano mu noku di lila monhele iyapuki, osheshi odo oshipewa shoye shovana voye ovamati shokomindiloyambo dOmwene. Eshi osho nda lombwelwa.

LEVITIKUS 27:2

a lombwele ovana vaIsrael a tye kuvo: “Umwe ngeenge e neudaneko e li wanifile Omwene, ove u nokuyeleka ondado yomunhu;

LEVITIKUS 7:16

“Ndelenee ye ngeenge ta eta eyambo ngaashi eudanekoyambo ile omulongeloyambo, nali liwe po efiku tuu olo ye a eta eyambo laye. Nefiku la shikula napa liwe po ei ya xupa po.

NUMERI 28:27

Opo nee mu nokweetela Omwene exwikiloyambo edimba liwa: ongobe imwe onyasha yomhedi odi imwe yomhedi, oudjona vaheyali vomudo umwe;

NUMERI 29:8

Opo nee mu nokweetela Omwene exwikiloyambo edimba liwa: ongobe onyasha imwe yomhedi, odi imwe yomhedi, oudjona vaheyali vomudo umwe vehe noshipo kunye;

NUMERI 6:15

okambale ke noikuki youfila wa nakwa ihe nonhafi, oikuki mwa pilulilwa omaadi, oikuki ya lalakana ihe nonhafi ya vaekwa nomaadi, pamwe neendjayambo nopamwe noikunwayambo.

MATEUS 3:17

Ndele tala, ondaka ya dja meulu ndele tai ti: “Ou Omona wange omuholike, onde mu hokwa.”

2 OVAKORINTO 2:15

Osheshi ofye edimba liwa laKristus kuKalunga mokati kaava tava xupifwa nomwaava tava ka kana;

2 OVAKORINTO 2:16

kwaava edimba lefyo okefyo, ndele kwaavenya edimba lomwenyo olokuyandja omwenyo. Ndele olyelye ou a wanena eshi?

OVAEFESO 5:2

nye mu kale nokweenda mohole ngaashi Kristus kwa li e mu hole nokwe liyandja molwetu oshali, eyambo, edimba liwa, la hokiwa kuKalunga.

DEUTERONOMION 12:11

Opo nee mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo eni mawa, aa tamu ke a udanekela Omwene, konhele oyo Omwene Kalunga keni ta ka hoolola opo edina laye li kale ko. Oko mu nokutwala aishe ei ame handi mu lombwele.

DEUTERONOMION 12:17

Peenhu doye ino lila po oitimulongo yoilya yoye noyomaviinyu oye noyomaadi oye noiveli yeengobe doye noyoimuna yoye nomaudanekoyambo aeshe we a udaneka neeshaliyambo domake oye.

DEUTERONOMION 12:6

Ndele oko mu nokutwala omaxwikiloyambo eni nomatomenoyambo eni noitimulongo yeni neeshaliyambo domomake eni nomaudanekoyambo ehalo liwa noiveli yoimuna yeni.

OVAFILIPPI 4:18

Ndelenee onda tambula aishe, nda wana ndele pa xupa nokuli. Nda mona ehepuluko linene, eshi nda mona kuEpafroditus, osho mwe shi tumina nge, oyo edimba liwa, neyambo liwa la wapalela Kalunga.