NUMERI 14:9 - Ombibeli Iyapuki

⁹ Hano inamu twa ondubo nOmwene ndele inamu kala nokutila ovanhu vomoshilongo shinya, osheshi vo ohatu ke va pona po. Omupopili wavo e va efa, ndelenee Omwene e li pamwe nafye. Inamu va tila!”

NUMERI 14:9 ပူးပေါင်းရင်းမြစ်များ

GENESIS 48:21

Ndele Israel okwa lombwela Josef ta ti: “Ame ondi li pokufya, ndelenee Kalunga ota kala pamwe nanye, ndele te mu shunifa koshilongo shooxokulu.

2 OMAFIMBO 13:12

Ndele taleni, pamwe nafye, heeno, omupitili komesho yetu Oye Kalunga, novapristeli pamwe nomanghuma onghuwo oku mu shikila onghuwo. Ovana vaIsrael, inamu lwifa Omwene Kalunga kooxo, osheshi itamu ka kala nelao.”

2 OMAFIMBO 15:2

nokwa fikama a ka shakeneke Asa ndele ta ti kuye: “Pwilikinei nge, Asa nOvajuda nOvabenjamin aveshe! Omwene ota kala pamwe nanye, ngeenge tamu kala pamwe naye, ndele ngeenge tamu mu kongo, otamu ke mu mona. Ndelenee ngeenge tamu mu efa, naye yo ote ke mu efa.

2 OMAFIMBO 20:17

Hanye tamu ka lwa. Fikameni, kaleni mu li ofika ndele taleni nhumbi Omwene te mu xupifa, nye Ovajuda noonakukalamo muJerusalem.’ Inamu tila ndele inamu haluka. Mongula fikameni mu va homone, nOmwene ta ka kala pamwe nanye.”

2 OMAFIMBO 32:8

Puyo ope nokwooko kwombelela, ndelenee pufye ope nOmwene Kalunga ketu te tu kwafa mokulwa moita yetu!” Novakwaita ve lineekela eendjovo daHiskia, ohamba yaJuda.

NEHEMIA 4:14

Ndele eshi nda tala nokukonakona ashishe, ame nda kala ofika nonda lombwela ovanamadina novakomesho novanhu vamwe: “Inamu va tila. Dimbulukweni Omwene nonakutilika, ndele kondjeleni vakweni novana veni ovamati noukadona, novalikadi veni neengulu deni.”

OMAPSALOME 106:24

Opo nee va dina oshilongo shinya shiwa unene, neendjovo daye inave di itavela.

OMAPSALOME 121:5

Omwene Oye omwaameni woye, Omwene Oye omudile woye wokolulyo loye,

OMAPSALOME 14:4

Ovahenouyuki ava aveshe kave neendunge nande mboli, ava hava li ovanhu vange ngaashi hava li omungome? Vo ihava ifana kOmwene.

OMAPSALOME 46:11

Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela

OMAPSALOME 46:7

Omwene weengudu dovakwaita oku li pamwe nafye, Kalunga kaJakob Oye ohotemanya yetu ya pama. Sela

OMAPSALOME 46:8

Ileni, mu tale oilonga yOmwene, ou ta longo oitilifalonga kombada yedu.

OMAPSALOME 74:14

Oove ou, wa tetaulile omitwe daLeviatan, ndele to di pe oifitukuti yomofuka, di liwe po.

OMAPSALOME 91:1

Ou e li omutumba meameno laau wOkombadambada, ndele ta kala momudidimbe wOmunaenghono adishe,

EXODUS 14:13

Ndelenee Moses okwa nyamukula ovanhu, ndele ta ti: “Inamu tila nande! Kaleni mu neyombamo mu tale exupifo li fike peni Omwene te li mu ningile nena eli. Osheshi ngaashi tamu mono ko Ovaegipiti nena eli, itamu ke va mona ko vali fiyo alushe.

EXODUS 33:16

Osheshi omoshike ngeno mwa shiivika nokutya, ame nda filwa onghenda momesho oye, ame noshiwana shoye? Hakusho ngeno, Ove eshi ho ende pamwe nafye? Osho ngaha hano ame noshiwana shoye twa tongoka moiwana aishe yokombada yedu.”

JESAJA 1:2

Akutu omaulu, udeni, nedu ove, tula momatwi oye, osheshi Omwene ota popi: “Ame onda tekula ounona nonde va kulifa, ndele vo ova twa ondubo naame.

JESAJA 32:2

Ndele keshe umwe wamuvo ta ka kala ngaashi oshikelelifo shokukelela omhepo nongaashi ehondameno lokuyaama oshikungulu ngaashi omakungulukilo omeva medu loluteni nomudidimbe wemanya lile medu lenotelo.

JESAJA 41:10

Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.

JESAJA 41:14

Ino tila, einyo o ove, Jakob, okamhunga o ove Israel: “Ame ohandi ku kwafa, Omwene osho ta ti, nOmukulili woye Oye Omuyapuki waIsrael.

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

JEREMIA 1:19

Ndele vo otave ke ku lwifa, ndelenee itave ku dulu nande, osheshi Ame ondi li pwoove nohandi ku xupifa,” Omwene osho ta ti.

JEREMIA 42:11

Inamu tila ohamba yaBabilon, ngaashi mwe mu tila nale. Inamu tila, osho Omwene ta ti, osheshi Ame ohandi kala punye ndi kwafe nondi mu xupife momake aye.

JEREMIA 48:45

Momudile waHesbon omu novainhapo va loloka. Osheshi omundilo wa dja muHesbon nomuSihon mwa dja elaka lomundilo, lo ola lungwinifa ombadu yaMoab noluwewe lovalumenhu va weelela.

DANIEL 9:5

Ofye otwa nyona, twa ninga eshi inashi yuka, twa kolokosha, ndele twa lundakana, ndele twa yapuka mo moipango yoye nomeenghedimhango doye.

DANIEL 9:9

Omwene Kalunga ketu Ye oku nefilonghenda nedimepo lomatimba, osheshi fye otwa twa ondubo naye,

NUMERI 13:30

Opo nee Kaleb a hetekela okungungumaneka oshiwana sha li shi nondubo naMoses, ndee ta ti: “Natu yeni ko tu li nangale; osheshi fye ohatu li dulu shili.”

NUMERI 17:6

Opo nee Moses okwa popya novana vaIsrael novakulunhu vavo aveshe ve mu pa eenhaili, keshe omukulunhu wepata onhaili imwe, hano pamapata eenhaili omulongo nambali. Nonhaili yaAron ya li yo mokati keenhaili davo.

NUMERI 20:2

Ndelenee eongalo la li lihe nomeva. Opo nee va ongalela Moses naAron.

NUMERI 24:8

Kalunga ou e mu pitifa mo muEgipiti, a ninga kuvo ngaashi eembinga domhuulu. Vo otava ka mana po oiwana, ovatondadi vavo nokutetaula omakipa avo noku va tyuula noikuti yavo.

MATEUS 1:23

“Tala, okakadona taka ningi oufimba, ndele taka dala okamati, edina lako nali lukwe Immanuel,” olo tali ti: Kalunga pamwe nafye.

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

DEUTERONOMION 1:21

Taleni, Omwene Kalunga keni e mu pa oshilongo osho. Fikameni, shi nangaleni, Omwene Kalunga kooxo ngaashi e mu lombwela. Inamu tila, inamu limbililwa.’

DEUTERONOMION 1:26

“Ndelenee nye mwa li inamu hala okuya ko, ndelenee mwa twila elombwelo lOmwene Kalunga keni ondubo.

DEUTERONOMION 1:29

“Opo nee ame nde mu lombwela: ‘Inamu tila, nye inamu mbadapala omolwavo.

DEUTERONOMION 31:6

Kala wa pama nokunyatipala. Ino tila. Ino va haluka. Osheshi Omwene Kalunga koye ta ende pamwe naave. Ye ite ku efa ndele ite ku fii po.”

DEUTERONOMION 31:8

NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”

DEUTERONOMION 32:42

Oikuti yange tai ka kolwa kohonde, neongamukonda lange tali ka lya ombelela; okohonde yomudipawa noyonghwate okomitwe dovakulunhu vovatondadi vange.’

DEUTERONOMION 7:18

Ino kala to i tila. Dimbulukwa alushe osho Omwene Kalunga koye a ningila Farao naEgipiti alishe,

DEUTERONOMION 7:21

Ino va haluka, osheshi Omwene Kalunga koye oku li pwoove, Oye Kalunga omunene noha tilika.

DEUTERONOMION 9:7

Dimbulukwa ndele ino shi dimbwa, ove nhumbi wa handukifa Omwene Kalunga koye mombuwa. Okudja kefiku tuu olo ove wa dja medu laEgipiti fiyo mwe uya konhele tuu ei, nye omwa twa ondubo nOmwene.

OVAFILIPPI 1:27

Kaleni ashike nokweenda nokuwapalela evaengeli laKristus, opo ngeenge nde uya ko, ndi mu mone ile ngee ndi li kokule, ndi mu ude, mu li momhepo imwe, nye mu li omukoo umwe mokukondjela eitavelo levaengeli pamwe naame,

JOSUA 1:5

Kape nomunhu ta dulu okulipopila koshipala shoye momafiku aeshe omokukala kwoye. Ngaashi Ame nda kala naMoses, osho Ame ohandi ka kala naave. Ame itandi ku efa ndele itandi ku fii po.

JOSUA 14:12

Pe nge hano eemhunda odo da tongwa kOmwene, osheshi ove mwene we shi uda mefiku linya, nokutya Ovaanaki va kala ko, noko kwa li oilando inene i neehotekuma. Kashiimba Omwene e li pamwe naame, ndi shiive oku va taataa, ngaashi Omwene a tonga.”

OVATOKOLIPANGELI 1:22

Neumbo laJosef ola fikama yo va ye kuBetel, nOmwene okwa kala pamwe navo.