NUMERI 14:2 - Ombibeli Iyapuki

² Novana aveshe Ovaisraeli va ngongotela Moses naAron, neongalo alishe le va lombwela: “Akutu, ngeno twa filile medu laEgipiti! Ile ngeno twa lilile mombuwa ei!

NUMERI 14:2 ပူးပေါင်းရင်းမြစ်များ

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

JOB 3:11

Omolwashike inandi fila mo mekolo lameme? Omolwashike inandi fuda mo omhepo yange mokudja kwange medimo?

OMAPSALOME 106:24

Opo nee va dina oshilongo shinya shiwa unene, neendjovo daye inave di itavela.

OMAPSALOME 106:25

Ndelenee va ngongota meenhanda davo, ndele inava dulika kondaka yOmwene.

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

EXODUS 14:11

Ndele vo va pula Moses, tava ti: “MuEgipiti inamu monika eembila hamba, eshi ove we tu ongela noku tu eta oku, tu file mombuwa? Ove we tu ninga ngahelipi eshi we tu kufa muEgipiti?

EXODUS 15:24

Opo nee ovanhu va tangunina Moses, ndele tava ti: “Ohatu nu shike?”

EXODUS 17:3

Ndelenee ovanhu va li ve nenota nova tangunina Moses ndele tava ti: “Omolwashike ove we tu pitifa mo muEgipiti, fye noludalo letu noimuna yetu i fye kenota?”

JONA 4:3

Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.”

JONA 4:8

Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.”

NUMERI 11:1

Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 11:15

Ndele Ove ngeenge wa hala okuningila nge ngaha, shi dule Ove to dipaa nge, ngeenge nda mona onghenda momesho oye, opo ndi efwe ndiha tale omupya ou.”

NUMERI 11:5

Fye hatu dimbulukwa eeshi twe di lile ngaho muEgipiti noihenda yomatanga, omanuwa, ombidi, eenyanga nomakunde.

NUMERI 14:1

Opo nee eongalo alishe la hovela okupopyaana nokukema novanhu va lila oufiku aushe.

NUMERI 14:22

ovalumenhu aveshe venya va mona oshinge shange nomadidiliko ange oo, nde a ninga muEgipiti nomombuwa, ndelenee paife vo va shinda nge efimbo alishe, ndele inava pwilikina ondaka yange,

NUMERI 16:13

Inashi wana hamba, ove eshi we tu kufa mo medu li yadi omashini nomaadi eenyiki, opo tu file mombuwa. Ove wa hala okukala omupangeli wetu!

NUMERI 16:41

Ndelenee efiku lomongula eongalo alishe laIsrael la ngongotela Moses naAron, ndee tali ti: “Nye mwa dipaa ovanhu vOmwene.”

NUMERI 17:6

Opo nee Moses okwa popya novana vaIsrael novakulunhu vavo aveshe ve mu pa eenhaili, keshe omukulunhu wepata onhaili imwe, hano pamapata eenhaili omulongo nambali. Nonhaili yaAron ya li yo mokati keenhaili davo.

NUMERI 20:2

Ndelenee eongalo la li lihe nomeva. Opo nee va ongalela Moses naAron.

NUMERI 20:3

Novanhu va twa eemhata naMoses, ndele vo va popya, tava ti: “Akutu, ngeno twa file pamwe navakwetu, vo eshi va fila koshipala shOmwene!

NUMERI 20:4

Nomolwashike nye mwa eta eongalo lOmwene mombuwa ei, opo fye noimuna yetu tu fye po?

NUMERI 21:5

Novanhu ova popya nokupa Kalunga naMoses oushima, ndee tava ti: “Omolwashike ove we tu kufa muEgipiti, fye tu file mombuwa? Osheshi muyo muhe nomungome nomuhe na nande omeva, neemwenyo detu tadi nyonyodola eendja edi dii.”

1 OVAKORINTO 10:10

Ndele nye inamu ngongota yo ngaashi vamwe vomuvo va ngongotele, nova nyonwa po komunyonauni.

DEUTERONOMION 1:27

Ndele nye omwa ngongota momatwali eni ndele tamu ti: ‘Omwene eshi te tu tondo, onghee hano okwe tu pitifa mo medu laEgipiti e tu yandje momake Ovaamori, opo tu hanaunwe po.

DEUTERONOMION 9:23

NOmwene eshi e mu tuma muKades-Barnea neendjovo edi: ‘Fikameni, mu ye mu ka nangale oshilongo nde shi mu pa,’ nye mwa li omhinge nelombwelo lOmwene Kalunga keni, ndele inamu itavela ndele inamu dulika kondaka yaye.

OVAHEBERI 3:16

Oolyelye hano ava va udile ndele ve mu handukifa? Havaava aveshe va tembulwa kuMoses muEgipiti?

JUDAS 1:16

Ovo tuu ava ovanaenyamukudi alushe nohava ngongotele oipewa yavo ei ve i na, ndele tava kala nokushikula omauhalu avo, nomakanya avo taa popi eendjovo dounhwa ndele tava heke ovanhu nokukonga shavo vene.