NUMERI 13:32 - Ombibeli Iyapuki

³² Osho ngaha hano vo ova tandavelifa mokati kovana vaIsrael oinima ii yedu linya, vo va li ve li lava, eshi tava ti: “Edu twe li lavele olo edu tali li ovanhu valo. Novanhu aveshe twe va mona mo, ova li ovalumenhu vanene.

NUMERI 13:32 ပူးပေါင်းရင်းမြစ်များ

2 SAMUEL 21:20

Ndele pa li vali oita muGat. Noko kwa li omulumenhu mule unene, e nominwe hamano meke keshe nominwe hamano omhadi keshe, omuvalu wado kumwe omilongo mbali nanhee. Naye yo okwa li womovana vaRefaim.

1 OMAFIMBO 20:6

Ndele pa li vali olwoodi puGat, ndele oko kwa li omulumenhu mule unene e nominwe hamano meke keshe nomomhadi keshe, kumwe ominwe omilongo mbali nanhee. Naye yo okwa li womoludalo lOvarefai.

OMAPSALOME 106:24

Opo nee va dina oshilongo shinya shiwa unene, neendjovo daye inave di itavela.

HESEKIEL 36:12

Ndele kombada yeni Ame ohandi ka endifila ovanhu, oshiwana shange Israel; ndele vo otave ku tambula u ninge wavo, ndele ove oto ka ninga efyuululo lavo, ndele ito va nyeka vali oludalo lavo.

AMOS 2:10

Nosho yo nde mu kufa medu laEgipiti ndele nde mu endifa omido omilongo ine mombuwa, opo mu nangale edu lOvaamori.

AMOS 2:9

“Ndele Ame nda hanauna po moipafi yavo Ovaamori, ava va li vale ve fike poule womisederi, ndele va li va pama ngaashi omiandi. Ndelenee Ame nda hanauna po oiimati yaye pombada nomidi daye domedu.

NUMERI 13:28

Ndelenee ovanhu venya ve li moshilongo shinya, ove neenghono, noilando yavo oya pamekwa neehotekuma noya kula. Ndele otwa ko mona yo oludalo laAnak.

MATEUS 23:13

“Woo nye, ovanongo vomishangwa nOvafarisai, ovanaihelele nye, eshi tamu idilile po ovanhu oshivelo shOuhamba wokeulu. Osheshi onye vene itamu i mo, ndele tamu kelele ovo va hala okuya mo.

DEUTERONOMION 1:28

Openi hatu i? Ovakwetu ova mbadapaleka omitima detu, vo eshi va tile: Ovanhu venya ovahapu ve tu dule, nomifika davo odile di tu dule. Oilando oya kula ndele ya pamekwa neehotekuma fiyo okeulu. Noko twa mona yo oludalo laAnak.’