NUMERI 13:29 - Ombibeli Iyapuki

²⁹ Ovaamaleki hava kala moshilongo shokoumbuwanhu, ndelenee Ovaheti, Ovajebusi, nOvaamori hava kala keemhunda, Ovakaanan hava kala pEfuta Lopokati nolanghele lwokuJordan.”

NUMERI 13:29 ပူးပေါင်းရင်းမြစ်များ

GENESIS 14:7

Opo nee vo va aluka tave uya kuEn-Mispat nokutya, Kades, ndele tava teya oshilongo ashishe shOvaamaleki nosho yo shOvaamori ava va li muHaseson-Tamar.

NEHEMIA 9:8

Ndele wa mona omutima waye wa li omudiinini koshipala shoye, ndele wa ninga naye ehangano, nokutya u pe oludalo laye edu lOvakaanan nOvaheti nOvaamori nOvaperesi nOvajebusi nOvagirgasi; ndele wa wanifa eendjovo doye, osheshi Ove omuyuki.

OMAPSALOME 83:7

Gebal naAmmoni naAmalek, Ovafilisti pamwe nOvatirus.

EXODUS 3:17

Onghee hano onda tokola mwaame kutya: ‘Ame onda hala oku mu pitifa mo moudjuu womuEgipiti noku mu twala medu lOvakaanan nolOvaheti nolOvaamori nolOvaperesi nolOvahevi nolOvajebusi, moshilongo shi yadi omashini nomaadi eenyiki.’

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.

NUMERI 13:17

Ndele Moses okwe va tumine okulava edu laKaanan, ndee ta ti kuvo: “Indeni ko kombinga yokoumbuwanhu moshilongo mu ka londe keemhunda.

NUMERI 13:30

Opo nee Kaleb a hetekela okungungumaneka oshiwana sha li shi nondubo naMoses, ndee ta ti: “Natu yeni ko tu li nangale; osheshi fye ohatu li dulu shili.”

NUMERI 14:25

Ndelenee Ovaamaleki nOvakaanan eshi hava kala momalufilulongo, nye pilukeni mongula mu shune kombuwa nondjila yEfuta Litilyana.”

NUMERI 14:43

Osheshi Ovaamaleki nOvakaanan oko ve li komesho yeni ndele nye otamu ka dipawa keongamukonda, shaashi mwe liteeka kOmwene. Onghee hano Omwene ita ka kala pamwe nanye.”

NUMERI 14:45

Opo nee Ovaamaleki nOvakaanan ava va kala keemhunda ove uya ndele ve va taataa ndele ve va halakanifa fiyo okuHorma.

NUMERI 24:20

Ndele ye eshi a tala Amalek, okwa tumbula etumbulo eli ndee ta ti: “Amalek sha li shotete shomoiwana, ndelenee exulilo lasho ehanauno.”

DEUTERONOMION 20:17

Ndelenee ove u noku va komba po sheke: Ovaheti nOvaamori nOvakaanan, nOvaperesi nOvahevi nOvajebusi, ngaashi Omwene Kalunga koye e ku lombwela.

DEUTERONOMION 7:1

“Omwene Kalunga koye ngeenge te ku twala medu omo to i u ke li nangele ndele Ye ota taataa komesho yoye oiwana ihapu: Ovaheti nOvagirgasi nOvaamori nOvakaanan nOvaperesi nOvahevi nOvajebusi, oiwana iheyali, i ku dule mouhapu nomeenghono,

JOSUA 10:5

Osho ngaha hano eehamba nhano dOvaamori oda ongala ndele da fikama: ohamba yaJerusalem, ohamba yaHebron, ohamba yaJarmut, ohamba yaLakis, ohamba yaEglon, odo pamwe nomatanga ado ovakwaita aveshe. Do oda fitikinina Gibeon ndele de shi lwifa.

JOSUA 10:6

Ndelenee ovalumenhu vomuGibeon va tuma kuJosua konhanda yomuGilgal va tya: “Ino kufa po omake oye povapiya voye. Ila diva kufye u tu xupife ndele u tu kwafe, osheshi eehamba adishe dOvaamori odo di li meemhunda, ova ongala ve tu lwife.”

JOSUA 3:10

Josua okwa tya vali: Opo tuu opo nye otamu ka shiiva nokutya, Kalunga omunamwenyo e li mokati keni eshi Ye ta ka taataa shilishili komesho yeni Ovakaanan nOvaheti nOvahevi nOvaperesi nOvagirgasi nOvaamori nOvajebusi.

JOSUA 5:1

Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.

JOSUA 9:1

Ndele eehamba adishe odo da kala mouninginino waJordan, keemhunda nokepumbu nomomunghulo aushe wEfuta Lopokati kombinga yokuLibanon nokutya, Ovaheti, Ovaamori, Ovakaanan, Ovaperesi, Ovahevi nOvajebusi, eshi ve shi uda,

OVATOKOLIPANGELI 3:5

Osho ngaha hano ovana vaIsrael va kala mokati kOvakaanan nOvaheti nOvaamori nOvaperesi nOvahevi nOvajebusi,

OVATOKOLIPANGELI 6:3

Osheshi alushe Ovaisraeli ngeenge va kuna, Ovamidian nOvaamaleki novanhu vokoushilo ve uya, ndele ve va homona,

1 SAMUEL 14:48

Ye okwa li ependa: okwa taataa Amalek ndele ta xupifa Israel momake omufininiki washo.

1 SAMUEL 27:8

Ndele David okwa fikama novalumenhu vaye ndele va homona Ovagesuri nOvagirsi nOvaamaleki, osheshi vo ova li nale oonakukalamo voshikandjo langhele kwinya yaSur fiyo okedu laEgipiti.

1 SAMUEL 30:1

Nefiku etitatu David novalumenhu vaye eshi ve uya kuSiklag, Ovaamaleki va li va homona oshilongo shokoumbuwanhu waSiklag, ndele va teya Siklag ndele ve shi xwika po.

1 SAMUEL 7:14

Noilando yOvafilisti ve i kufa kOvaisraeli ya aluka kuIsrael okudja kuEkron fiyo okuGat nomikunda dayo Ovaisraeli va kufa momake Ovafilisti. Nombili ya kala pokati kOvaisraeli nOvaamori.