NUMERI 12:6 - Ombibeli Iyapuki

⁶ Opo nee Ye ta ti: “Udeni eendjovo dange. Mokati keni ngeenge omu nomuxunganeki, Ame ohandi mu lihololele memoniko, nohandi popi naye mondjodi.

NUMERI 12:6 ပူးပေါင်းရင်းမြစ်များ

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

GENESIS 20:7

Shunifa hano paife omwalikadi womulumenhu ou, osheshi ye omuxunganeki. Ndele ye ote ke ku ilikanena ove u kale nomwenyo. Ndelenee ove ngeenge ito mu shunifa, kala u shi shii, oto ka fya shili, ove mwene novakweni aveshe.”

GENESIS 28:12

Ndele ye okwa twa ondjodi: vati kombada yedu ku na omhani, oxulo yayo ya twa keulu, novaengeli vaKalunga tava londele ko vo tava londolokele ko.

GENESIS 28:16

Opo nee Jakob okwa papuduka meemhofi daye ndele ta ti: “Oshili, Omwene opo e li apa, ame inandi shi shiiva.”

GENESIS 37:5

Josef okwa twa yo ondjodi, ndee okwe i hepaululila ovamwaxe. Onghee tuu vo ve mu tonda unene.

GENESIS 37:9

Efiku limwe ye okwa twa vali ondjodi imwe, ndele te i hepaululile ovamwaxe ndele ta ti: “Taleni, ame onda twa vali ondjodi: etango nohani neenyofi omulongo naimwe de linyongamena koshipala shange.”

GENESIS 46:2

Ndele Kalunga okwa lombwela Israel memoniko oufiku ndele ta ti: “Jakob, Jakob!” Ndele ye a nyamukula: “Aame ou!”

2 SAMUEL 7:4

Ndelenee oufiku tuu winya ondjovo yOmwene ye uya kuNatan ndele tai ti:

1 EEHAMBA 3:15

Opo nee Salomo a papuduka meemhofi ndele tala, yo oya li ondjodi! Opo nee ye e uya kuJerusalem nokwa kala ofika moipafi yoshikefa shehangano lOmwene ndele ta yambe omaxwikiloyambo nomapanduloyambo nokwa ningila ovapiya vaye aveshe oitelekela.

1 EEHAMBA 3:5

Opo nee Omwene e lihololela Salomo mondjodi oufiku. Ndele Kalunga ta ti: “Indila osho we shi hala ndi shi ku pe!”

JOB 33:15

Mondjodi, memoniko loufiku, ovanhu ngeenge tava wilwa keemhofi didjuu, ndele hava nangala momitala davo,

JOB 4:13

omadiladilo eshi tae linyenge momamoniko omoufiku, eemhofi didjuu eshi da wila ovanhu.

OMAPSALOME 105:15

ndele ta ti: “Inamu kuma nande ovavaekwa vange, nye inamu hepeka ovaxunganeki vange.”

OMAPSALOME 89:19

Shito owa popifile ovayuki voye memoniko, wa tile: “Onda yandja eenghono komuladi e mu kwafe, nde mu tumbila elenga, eli nda hoolola movanhu.

EXODUS 7:1

Ndele Omwene okwa lombwela Moses ta ti: “Tala, Ame ohandi ku tula po ngaashi kalunga kuFarao, nomumwanyoko Aron ota ka kala omuxunganeki woye.

JEREMIA 23:25

Ame onda uda osho ovaxunganeki ovo tave shi tongo, ava hava xunganeke oipupulu medina lange ndele tava ti: Ame onda nangala ondjodi, onda nangala ondjodi!

JEREMIA 23:28

Omuxunganeki ou a nangala ondjodi, na hepaulule ondjodi yaye, ndelenee ou e kwete ondjovo yange, na hepaulule ondjovo yange moshili. Oihati oi na shike noilya, Omwene osho ta ti.

HESEKIEL 1:1

Momudo omutimilongo nhatu mohani onhine, mefiku etitano kohani, fimbo nda li mokati kovapika pomulonga waKebar, eulu la yeuluka ndele ame nda mona omamoniko aKalunga.

DANIEL 10:8

Opo nee aame andike nda kala po, ndele nda mona emoniko eli linene, ndele eenghono da fiya nge po filu, nolutu lange la shituka la shila, ndele kanda li ndi neenghono vali.

DANIEL 2:19

Opo nee Daniel okwa hololelwa memoniko oufiku oshiholekwa eshi. Opo Daniel ta hambelele Kalunga komeulu.

DANIEL 7:1

Momudo wotete waBelsassar, ohamba yaBabilon, Daniel okwa mona emoniko mondjodi, omamoniko omomutwe waye, momutala waye. Opo nee ye a shanga ondjodi nokwa hepaulula efina layo.

DANIEL 8:2

Memoniko ame nda mwene, ondi liwete nda li metungaumbo laSusa, momukunda waElam, ndele onda mona memoniko, nokutya ondi li komunghulo womulonga waUlai.

HOSEA 12:11

MuGilead ngeenge mwa kala omakotokelo aeke, otava ka ninga oinima yongaho. MuGilgal mwa tomenwa eemhedi, onghee hano eealtari davo tadi ka kala ngaashi eenduba domamanya momapya.

JOEL 3:1

“Osheshi tala, pomafiku tuu enya nomefimbo tuu linya, ngeenge handi lundulula okukala kwaJuda nokwaJerusalem,

SAKARIA 1:8

Oufiku ame onda mona emoniko: pa kala omulumenhu a londa onghambe yediya ya kala ofika momiti damirti mefilu. Konima yaye okwa kala eenghambe domadiya noditilyana noditoka.

NUMERI 24:4

Osho ngaha omuudi weendjovo daKalunga ta popi; ou ta mono omamoniko Omunaenghono adishe; ou ta wile poshi ndele e nomesho a pashuka.

MATEUS 1:20

Ndelenee eshi kwa li ta diladila ngaha, tala, omweengeli wOmwene okwe mu holokela mondjodi ndele ta ti: “Josef, omona waDavid, ino tila okweeta kwoove Maria, omukainhu woye, osheshi oufimba ou e u kwete owOmhepo Iyapuki.

MATEUS 2:19

Ndele Herodes eshi a fya, tala, omweengeli wOmwene okwa holokela Josef mondjodi muEgipiti

MATEUS 23:31

Hano opopo otamu lihepaulula, onye ovana vovadipai vovaxunganeki.

MATEUS 23:34

Ndele tala, Ame ohandi tumu kunye ovaxunganeki novanaendunge novanongo vomishangwa. Vamwe vavo otamu va dipaa ndele tamu va valele komushiyakano, vamwe otamu va denge neeshokoto omeeshinagoga deni, ndele tamu va taataa moshilando noshilando;

MATEUS 23:37

“Jerusalem, Jerusalem, ove ho dipaa ovaxunganeki ndele ho dipaa nomamanya ava ve ku tuminwa, olungapi nda hala okwoongela ovamwoye, ngaashi oxuxwa hai ongele ouxuxwena vayo koshi yomavava ayo! Ndele nye inamu hala.

MATEUS 27:19

Ndele fimbo a li omutumba kolukalwatokolo, omwalikadi waye okwa tuma kuye ndele ta ti: “Omulumenhu ou omuyuki ino mu ningila owii, osheshi ame onde mu ehamenwa shili oufiku wonena mondjodi.”

LUKAS 1:11

Opo nee omweengeli wOmwene okwe mu holokela a kala ofika kolulyo loaltari yokutwimina.

LUKAS 1:22

Ndelenee eshi a dja mo, okwa nyengwa okupopya kuvo, ndele vo ova koneka kutya ye okwa mona emoniko motembeli, ye okwe va lapa ndele ta kala a fita ondaka.

LUKAS 20:6

Ndele ngeenge hatu ti: ‘Omovanhu,’ opo ovanhu aveshe otave tu dipaa nomamanya, osheshi vo ove shi shii, Johannes okwa li omuxunganeki.”

OILONGA YOVAYAPOSTOLI 10:11

Ndele okwa mona eulu la yeuluka ndele mwa dja oshikwatelwa, sha fonhanga inene itoka, ya mangwa keembinga dayo nhee, noya kulukifilwa poshi kombada yedu.

OILONGA YOVAYAPOSTOLI 10:17

Ndelenee Petrus okwa li a limbililifwa kemoniko eli a mona kutya, otali ti ngahelipi, ndele tala, ovalumenhu venya va tumwa kuKornelius nokupula eumbo laSimon, ova fikama poshivelo.

OVAEFESO 4:11

Ndele Ye okwa yandja vamwe va ninge ovayapostoli navamwe ovaxunganeki navamwe ovaevaengeliste navamwe ovafita navamwe ovalongindjovo

DEUTERONOMION 18:15

“Mokati keni, movakweni, Omwene Kalunga koye ote ke ku pendulila mo omuxunganeki ngaashi ame. Mu udeni.

DEUTERONOMION 18:18

Omuxunganeki ngaashi ove Ame nda hala oku mu pendulila mokati kavakwao, ndele Ame handi ka tula eendjovo dange mokanya kaye, ndele Ye ote ke mu tongela adishe odo Ame ohandi mu lombwele.

OVAHEBERI 1:1

Kalunga eshi kwa li a popifa mefimbo lonale ootate luhapu nopaenghedi di lili nodi lili movaxunganeki,

EHOLOLO 11:10

Oonakukala kombada yedu otava hafele nokunyakukilwa osho she va hanga ndele tava tuminafana eeshali, osheshi ovaxunganeki ovo vavali okwa li va hepeka oonakukala kombada yedu.

EHOLOLO 11:3

Ndele ame ohandi pe eendobwedi dange mbali okuxunganeka omafiku eyovi limwe nomafele avali nomilongo hamano, va djala eeshako.”

1 SAMUEL 28:6

Ndele Saul okwa pula kOmwene, ndelenee Omwene ine mu nyamukula sha, nande meendjodi ile muUrim ile movaxunganeki.

1 SAMUEL 3:15

Ndele Samuel okwa nangala fiyo ongula. Ndele ye okwa yeulula oivelo yongulu yOmwene. Ndelenee Samuel okwa tila okuhepaululila Eli emoniko olo.

1 SAMUEL 3:21

NOmwene okwa holoka vali muSilo. Osheshi Omwene okwa holokela Samuel muSilo meendjovo dOmwene.