NUMERI 12:2 - Ombibeli Iyapuki

² Ndele vo ova tya: “Omwene okwa popya ngeno naMoses aeke? Ina popya mbela nafye yo?” Ndele Omwene okwe di uda.

NUMERI 12:2 ပူးပေါင်းရင်းမြစ်များ

GENESIS 29:33

Ndele ye okwa ninga vali oufimba nokwa dala okaana okamati ndele ta ti: “Oshili, Omwene okwa uda nokutya, ame omudinwa, nokwa pa nge vali ou.” Ndele ye okwe ka luka Simeon.

2 SAMUEL 11:27

Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.

2 EEHAMBA 19:4

Kashiimba Omwene Kalunga koye ta udu eendjovo adishe daRabsake, ou a tumwa komwene waye, ohamba yaAsiria, opo a sheke Kalunga, ndele Ye ote mu handukile omolweendjovo odo Omwene Kalunga koye a uda. Yelula hano eindilo molwoshixupe osho shi li po natango.”

EXODUS 4:14

Opo nee ehandu lOmwene la xwamena Moses ndele Ye ta ti: “Omumwanyoko Aron, Omulevi, oko e li ndi shii. Ondi shi shii ye e shii okupopya nawa. Ndele ye ote ku shakeneke. Noye eshi te ku mono omutima waye tau ka hafa.

EXODUS 4:30

NaAron okwa hepaulula eendjovo adishe odo Omwene e di lombwela Moses, nomadidiliko okwe a ninga moipafi yovanhu.

EXODUS 5:1

Ndele Moses naAron ova ya kuFarao ndele tava ti kuye: “Omwene Kalunga kaIsrael ta ti ngaha: ‘Lekela oshiwana shange, shi ka ningile nge oshivilo mombuwa.’ ”

EXODUS 7:10

Opo nee Moses naAron va ya kuFarao ndele va ninga ngaashi Omwene e va lombwela: Aron okwa ekela onhaili yaye poshi moipafi yaFarao noyovapiya vaye, ndele ya ninga eyoka.

OMAYELETUMBULO 13:10

Elinenepeko tali eta eemhata. Ndelenee pwaava hava tambula omapukululo, ope nounongo.

JESAJA 37:4

Pamwe Omwene Kalunga koye ta udu eendjovo daRabsake, ou a tumwa komwene waye, ohamba yaAsiria, e mu tuma okusheka Kalunga omunamwenyo, ndele te mu handukilile eendjovo odo Kalunga koye e di uda. Ndele ove yelula eindilo molwoshixupe osho shi li po natango.”

MIKA 6:4

Heeno, Aame tuu nde ku pitifa mo muEgipiti nomeumbo loupika onde ku kulila, ndele Ame nda tuma Moses, Aron naMirjam ve ku kwatele komesho.

NUMERI 11:1

Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 11:29

Ndelenee Moses okwe mu lombwela: “Ove u nefupandubo molwange? Akutu, ovanhu aveshe vOmwene ngeno ovaxunganeki, Omwene opo a yandje omhepo yaye kombada yavo!”

NUMERI 12:3

Ndelenee Moses okwa li omulumenhu omulininipiki unene e dule ovanhu aveshe kombada yedu.

NUMERI 16:3

Ndele ova ongalela Moses naAron ndee tava ti kuvo: “Sha wana nee paife! Osheshi eongalo alishe oliyapuki. NOmwene oha kala mokati kavo! Omolwashike hano nye tamu linenepekifile kombada yeongalo lOmwene?”

OVAROMA 12:10

Mokuhola ovamwaxo filafaneni olukeno, mokufimanekafana paafaneni oshihopaelelwa.

OVAROMA 12:3

Osheshi kefilonghenda olo nde li pewa ohandi mu lombwele, keshe umwe mokati keni muhe lidiladilile kombada yaashi she mu yeleka, ndele kendabaleni okudiladila pandjele, keshe tuu ou pauhapu weitavelo laye, olo Kalunga e li mu pa.

OVAFILIPPI 2:14

Aishe i longeni muhe nomapulapulo nomu he nomalimbililo,

OVAFILIPPI 2:3

nye muha longe nande sha kokulihola nokukonga efimano longaho, ndelenee omelininipiko keshe umwe na tale omukwao e li komesho yaye mwene,

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”