NUMERI 11:18 - Ombibeli Iyapuki

¹⁸ Ndele ove u nokulombwela ovanhu: ‘Ongula liyapuleni, opo nee tamu ka lya ombelela. Osheshi nye mwa lila momatwi Omwene, mwa tya: Olyelye te tu pe ombelela? Osheshi muEgipiti twa li tu li nawa. Onghee hano Omwene te ke mu pa ombelela, ndee tamu ka lya.

NUMERI 11:18 ပူးပေါင်းရင်းမြစ်များ

GENESIS 35:2

Jakob okwa lombwela eumbo laye naaveshe ava va li pamwe naye ndele ta ti: “Ekeleishi oihongwakalunga yokoilongo, ei mu kwete mokati keni, lifeteni nye mu djale oikutu imwe.

JOB 20:13

te u diinine, ina hala oku u efa, ndele te u kakatelifa kondakona yaye,

JOB 20:23

Ye eshi ta yadifa edimo laye, Kalunga ota tumu kombada yaye oupyuhandu waye, Ye ote u mu lokifile eendja daye.

OMAPSALOME 78:20

Heeno, okwa denga emanya, ndele mwa dja omeva mahapu, neefifiya da kunguluka; ndelenee ota dulu tuu mbela okuyandja eendja ile okukongela oshiwana shaye ombelela?”

EXODUS 16:8

Opo nee Moses okwa tya: “Hano opo tuu opo Omwene ngeenge te mu pe onguloshi ombelela yokulya nongula omingome da wana, osheshi Omwene a uda ko eenhangu deni, mwe mu tangunina. Osheshi fye ovashike mbela? Hafye mwa tangunina, ndelenee mwa tangunina Omwene.”

EXODUS 19:10

Omwene okwa lombwela vali Moses ndele ta ti: “Inda kovanhu u va yapule nena nomongula, nava koshe oikutu yavo,

EXODUS 19:15

Ndele ye okwa lombwela ovanhu ta ti: “Kaleni mwe lilongekida mefiku etitatu. Inamu kuma omukainhu.”

EXODUS 19:22

Novapristeli yo ava hava ehene kOmwene, vo ove nokuliyapula voovene, Omwene ehe va nyone po.”

NUMERI 11:1

Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 11:19

Ndee nye itamu ka lya efiku limwe alike ile omafiku avali ile omafiku atano ile omafiku omulongo ile omafiku omilongo mbali,

OILONGA YOVAYAPOSTOLI 7:39

Ndelenee ootate inava hala okudulika kuye, vo ove mu ekelashi ndele momitima davo ova shuna kuEgipiti,

JOSUA 7:13

Penduka! Yapula ovanhu u tye: ‘Liyapuleni ongula, osheshi Omwene Kalunga kaIsrael ta ti ngaha: Mokati keni, Israel, omu noinima ya tokolelwa ehanauno! Nye itamu dulu okulipopila moipafi yovatondadi veni fimbo inamu kufa po mokati keni oshinima sha tongolelwa ehanauno.’

OVATOKOLIPANGELI 21:2

Novakwaita eshi ve uya muBetel, va kala ko fiyo onguloshi koshipala shaKalunga, ndele tava yelula ondaka yavo nokulila unene