NUMERI 11:10 - Ombibeli Iyapuki

¹⁰ Opo nee Moses okwa uda ovanhu, epata keshe, tali lili, keshe umwe poshivelo shetwali laye. Opo nee Omwene okwa handuka unene. Nomomesho aMoses yo eshi osha li shii.

NUMERI 11:10 ပူးပေါင်းရင်းမြစ်များ

OMAPSALOME 106:25

Ndelenee va ngongota meenhanda davo, ndele inava dulika kondaka yOmwene.

OMAPSALOME 139:21

Ava ovatondi voye, havo nandi tonde yo? Ame mbela ndiha nyonyodolifwe kovakondjifi voye?

OMAPSALOME 78:21

Onghee hano, Omwene eshi e shi uda, okwa keshuka, nomundilo owa xwamenena Jakob, nehandu laye ola wila Israel,

OMAPSALOME 78:59

Kalunga eshi e shi udite, okwa keshuka, ndele ta ekeleshi shili Ovaisraeli.

JESAJA 5:25

Onghee hano ehandu lOmwene ola hanga oshiwana shaye, e shi yelulila eke laye, ndele te shi denge, neemhunda oda kakama noimhu yasho oya li momapandavanda ngaashi oushosho. Ndele mwaaishe ei ehandu laye inali kandulwa po, ndelenee natango eke laye ola yeluka.

JEREMIA 17:4

Ndele ove u nokweefa efyuululo loye, olo nde li ku pele. Ndele ohandi ku twala moupika wovatondadi medu ku li shii, osheshi nye omwa tema omundilo wehandu lange, tau kala wa xwama fiyo alushe.

NUMERI 11:1

Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 11:11

Ndele Moses okwa lombwela Omwene: “Omolwashike wa ningila omupiya woye owii nomolwashike inandi filwa onghenda moipafi yoye, Ove eshi wa twika nge oudjuu wovanhu ava?

NUMERI 11:9

Ndele oufiku omume eshi ya wila monhanda nomanna yo a wila mo.

NUMERI 12:3

Ndelenee Moses okwa li omulumenhu omulininipiki unene e dule ovanhu aveshe kombada yedu.

NUMERI 12:9

Ndele ehandu lOmwene le va xwamena, ndele Ye a dja po.

NUMERI 16:27

Ndele vo ve likufa po pomatwali aKora, Datan naAbiram. Ndelenee Datan naAbiram va li va pita mo ndele va kala ofika poivelo yomatwali pamwe novalikadi vavo novana vavo ovamati nouhanana vavo.

NUMERI 21:5

Novanhu ova popya nokupa Kalunga naMoses oushima, ndee tava ti: “Omolwashike ove we tu kufa muEgipiti, fye tu file mombuwa? Osheshi muyo muhe nomungome nomuhe na nande omeva, neemwenyo detu tadi nyonyodola eendja edi dii.”

MARKUS 10:14

Ndele Jesus eshi e shi mona, okwa umana, ndele ta ti kuvo: “Efeni ounona ve uye kwaame nye inamu va kelela ko, osheshi ouhamba waKalunga owaava ve li ngaashi ava.

MARKUS 3:5

Opo nee Ye okwa keuka e va tala nehandu, okwa nyika oluhodi omolwoukukutu womitima davo, ndele okwa tya komulumenhu ou: “Nana eke loye.” Ye okwe li nana, ndele eke laye ola veluka.

DEUTERONOMION 32:22

Osheshi omundilo wa tema mehandu lange, ndele tau ka xwama fiyo omoshovafi shokoshi, ndele tau ka lungwinifa edu alishe nouyadi walo ndele tau ka tema omakanghameno eemhunda.