NUMERI 11:1 - Ombibeli Iyapuki

¹ Ndelenee ovanhu va ngongota, sho osha li shii momatwi Omwene. NOmwene eshi e shi uda, ehandu laye la xwama nomundilo wOmwene wa tema mokati kavo, ndele wo wa lungwinifa po eenhanda dokomunghulo.

NUMERI 11:1 ပူးပေါင်းရင်းမြစ်များ

GENESIS 38:10

Ndele eshi sha ningwa kuye, oshii momesho Omwene. Onghee Ye okwe mu efa a fye.

2 SAMUEL 11:27

Efimbo laye lokulila eefya eshi la umbuka, David okwa tuma ve ke mu tale ko ndele te mu tambula meumbo laye. Ndele ye a ninga omwalikadi waye nokwe mu dalela okaana okamati. Ndelenee oshinima eshi David e shi ninga, sha li shii momesho Omwene.

2 EEHAMBA 1:12

Opo nee Elia ta nyamukula ndele ta ti kuvo: “Ame ngeenge omulumenhu waKalunga, omundilo nau kuluke poshi nau dje keulu, ndele nau ku lungwinifa po pamwe navoye omilongo nhano.” Nomundilo waKalunga wa kuluka poshi, wa dja keulu, ndele tau mu lungwinifa po pamwe navaye omilongo nhano.

JOB 1:16

Fimbo ta popi, umwe okwe uya vali ndele ta ti: “Omundilo waKalunga wa wa keulu ndele wa xwika po eedi novapiya ndele we va lungwinifa po. Ndele aame andike nda xupa po ndi shi ku shiivifile.”

OMAPSALOME 106:18

nomundilo owa xwika ongudu yavo, omitemo oda mana po ovakolokoshi.

OMAPSALOME 78:21

Onghee hano, Omwene eshi e shi uda, okwa keshuka, nomundilo owa xwamenena Jakob, nehandu laye ola wila Israel,

OMAPSALOME 78:63

Ovamati vaye ova lafwa po komundilo, novafuko vaye ova lumbulwa omaimbilo omhoko.

EXODUS 16:7

Nongula inene tamu ka mona oshinge shOmwene, shaashi Ye okwa uda okutangunina kweni Omwene, osheshi fye ovashike mbela mu tu tangunine?”

EXODUS 16:9

Ndele Moses okwa lombwela Aron: “Eongalo alishe lOvaisraeli li lombwela: Eheneni oku koshipala shOmwene, shaashi Ye okwa uda eenhangu deni.”

JESAJA 10:17

Ndele ouyelele waIsrael otau ka ninga omundilo nOmuyapuki waye omutemo womundilo, ndele tau ka lungwinifa po omano neeshosholo noku i mana po mefiku limwe alike.

JESAJA 30:33

Osheshi ediko ola pwa okulongekidwa nale, la longekidilwa yo ohamba Molek. Mokule ola fewa la mbwalangadja, mulo omwa tulwa omundilo noikuni ihapu. Nomufudo wOmwene ngaashi ekunguluko losulfuri otau li xwameke.

JESAJA 33:14

Ovalunde vomuSion otava haluka novanaihelele otava hangwa kekakamo. Ohava ti: “Olyelye womakati ketu ta dulu okukala po pomundilo hau lyana, nolyelye ta dulu okukala pomutemo alushe?”

OMAIMBILOKEMO 3:39

Oshike omunhu ta keme mokukala kwaye. Keshe umwe na keme molwoulunde waye.

HESEKIEL 20:36

Ngaashi nda tokolele ooxo mombuwa yedu laEgipiti, nosho yo Ame ohandi ke mu tokolela, Omwene Kalunga ta ti.”

LEVITIKUS 10:2

Opo nee omundilo wa dja koshipala shOmwene, ndele we va lungwinifa po, nova fila koshipala shOmwene.

NAHUM 1:5

Eemhunda otadi kakama koshipala shaye noikulundudu tai diluka. Edu tali litumbu koshipala shaye, heeno, ounyuni noonakukalamo aveshe.

HABAKUK 3:5

Oudu wolutapo tau mu tetekele, oshidu shepupyalo tashi mu shikula.

NUMERI 10:33

Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.

NUMERI 11:18

Ndele ove u nokulombwela ovanhu: ‘Ongula liyapuleni, opo nee tamu ka lya ombelela. Osheshi nye mwa lila momatwi Omwene, mwa tya: Olyelye te tu pe ombelela? Osheshi muEgipiti twa li tu li nawa. Onghee hano Omwene te ke mu pa ombelela, ndee tamu ka lya.

NUMERI 12:2

Ndele vo ova tya: “Omwene okwa popya ngeno naMoses aeke? Ina popya mbela nafye yo?” Ndele Omwene okwe di uda.

NUMERI 14:2

Novana aveshe Ovaisraeli va ngongotela Moses naAron, neongalo alishe le va lombwela: “Akutu, ngeno twa filile medu laEgipiti! Ile ngeno twa lilile mombuwa ei!

NUMERI 14:22

ovalumenhu aveshe venya va mona oshinge shange nomadidiliko ange oo, nde a ninga muEgipiti nomombuwa, ndelenee paife vo va shinda nge efimbo alishe, ndele inava pwilikina ondaka yange,

NUMERI 14:27

“Oshiwana eshi shii shi nondubo tashi ngongotele nge fiyo onaini? Ame nda uda omangongoto ovana vaIsrael, vo eshi va kala nokungongotela nge,

NUMERI 14:28

va lombwela: ‘Oshili, ngaashi Ame ndi nomwenyo, Omwene ta ti, oshili ngaashi va popya momatwi ange, osho handi ke va ningila.

NUMERI 16:11

Onghee hano ove nongudu yoye aishe, nye ovanhu tamu ongalele Omwene oku mu twila ondubo. Osheshi Aron oye omushike, eshi tamu mu ngongotele?”

NUMERI 16:35

Ndelenee omundilo wa dja kOmwene ndele wa lungwinifa po ovalumenhu venya Omafele avali nomilongo nhano ava va eta oitwiminifo.

NUMERI 17:5

Nonhaili yomulumenhu ou Ame handi hoolola mo, otai ka tutuma. Ndele Ame ohandi ka mweneka engongoto lovana vaIsrael, tave mu ngongotele.”

NUMERI 21:5

Novanhu ova popya nokupa Kalunga naMoses oushima, ndee tava ti: “Omolwashike ove we tu kufa muEgipiti, fye tu file mombuwa? Osheshi muyo muhe nomungome nomuhe na nande omeva, neemwenyo detu tadi nyonyodola eendja edi dii.”

1 OVAKORINTO 10:10

Ndele nye inamu ngongota yo ngaashi vamwe vomuvo va ngongotele, nova nyonwa po komunyonauni.

DEUTERONOMION 25:18

nhumbi ye kwa li ehe netilokalunga, ove eshi wa li wa loloka ndele to funga, navakweni aveshe va li va loloka, va tukauka, va fyaala konima, e va tondokela, ndele e va tukula mwoove.

DEUTERONOMION 32:22

Osheshi omundilo wa tema mehandu lange, ndele tau ka xwama fiyo omoshovafi shokoshi, ndele tau ka lungwinifa edu alishe nouyadi walo ndele tau ka tema omakanghameno eemhunda.

DEUTERONOMION 9:22

Nosho mwa handukifa Omwene muTabera nomuMassa nomuKibrot-Hattava.

OVAHEBERI 12:29

Osheshi Kalunga ketu Oye omundilo hau lungwinifa.

JAKOB 5:4

Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita.

JUDAS 1:16

Ovo tuu ava ovanaenyamukudi alushe nohava ngongotele oipewa yavo ei ve i na, ndele tava kala nokushikula omauhalu avo, nomakanya avo taa popi eendjovo dounhwa ndele tava heke ovanhu nokukonga shavo vene.