NUMERI 10:9 - Ombibeli Iyapuki

⁹ “Ndele nye medu leni ngeenge tamu hangika koita ndee tamu i mu ka lwife ovatondadi ava ve mu tondokela, nye mu nokushika omanghuma okukuwa onghuwo, opo nee tamu dimbulukiwa koshipala shOmwene, Kalunga keni, ndee tamu ka xupifwa kovatondadi veni.

NUMERI 10:9 ပူးပေါင်းရင်းမြစ်များ

GENESIS 8:1

Ndele Kalunga okwa dimbulukwa Noa noifitukuti aishe noimuna aishe ei ya li pamwe naye mongulu yomomeva. Ndele Kalunga okwa pepifa omhepo kombada yedu opo omeva a oholoke,

2 OMAFIMBO 13:12

Ndele taleni, pamwe nafye, heeno, omupitili komesho yetu Oye Kalunga, novapristeli pamwe nomanghuma onghuwo oku mu shikila onghuwo. Ovana vaIsrael, inamu lwifa Omwene Kalunga kooxo, osheshi itamu ka kala nelao.”

2 OMAFIMBO 13:14

NOvajuda eshi va punguluka, olwoodi la li komesho yavo nokonima yavo. Ndele va kuwa kOmwene, fimbo ovapristeli va shika omanghuma.

OMAPSALOME 106:4

Omwene, dimbulukwe nge molwefilonghenda eli ho ningile oshiwana shoye. Talele nge po nekwafo loye.

OMAPSALOME 106:42

Ovatondi vavo ove va inda unene moshipala, fiyo ve va findila momhango yavo.

OMAPSALOME 136:23

Oye tuu ou, e tu dimbulukwa mediniko letu, osheshi alushe ouwanghenda waye tau kala po.

JESAJA 18:3

Taleni, ovakwaunyuni nye amushe, noonakukala kombada yedu, taleni epandela fiku tali yelulwa pombada keemhunda! Pwilikineni enghuma ngeenge tali shikwa.

JESAJA 58:1

Ingida mokule momunino, ino lifitika, ondaka yoye nai kuwaane ngaashi enghuma. Novanhu vange va shiivifila etauluko lavo, neumbo laJakob omatimba avo.

JEREMIA 4:19

Akutu, onhulo yange, onhulo yange! Ame handi kakamifwa kehaluko! Oikololo yomutima wange, omwenyo wange wa tukuluka, itandi dulu okumwena, osheshi ove omwenyo wange wa uda omanghuma taa kuwaana nonghuwo yolwoodi tai kuu!

JEREMIA 4:21

Fiyo onaini ndi nokutala epandela nondi nokuuda ekuwaano lomanghuma?

JEREMIA 4:5

Udifileni mu Juda nye mu shiivifile muJerusalem mu tye: Shikeni omanghuma moshilongo ashishe! Ingideni pombada mu tye: Ongaleni, tu yeni moilando i nohotekuma ya pama.

JEREMIA 49:2

Onghee hano tala, omafiku otae uya, Omwene osho ta ti, oshilando shaRabba shOvaammoni ohandi ke shi udifa onghuwo yolwoodi, ndele tashi ka ninga oikulukuma ihe novanhu. Nomikunda dasho otadi ka xwikwa po nomundilo. Opo nee Israel ota ka tambululula osho e shi kufilwe, Omwene osho ta ti.

JEREMIA 6:1

MuJerusalem djeni onhapo, onye Ovakwabenjamin! Shikeni enghuma muTekoa, nye mu dikile muBet-Hakerem edidiliko lomundilo, osheshi koumbangalanhu otaku di oshiponga nehanauno lidjuu!

JEREMIA 6:17

Ndele Ame onde mu nangekela ovanangeli, onda tya: Pwilikineni oshihomo shomanghuma. Ndelenee vo ova nyamukula, Inatu hala okupwilikina.

HESEKIEL 7:14

Enghuma tali shikwa, naashishe tashi longekidwa, ndelenee kape na nande umwe ta fikama a ka homone. Osheshi ehandu lange tali uya kombada yongudu aishe tai uyaana.

HOSEA 5:8

Shikileni omanghuma muGibea, ndele shikeni enghuma loshikushu muRama. Kuweni onghuwo yoita muBet-Aven. Ve uya ve li konima yoye, Benjamin.

LEVITIKUS 23:24

a lombwele ovana vaIsrael a tye: “Mohani onhiheyali efiku lotete lohani olo efiku letulumuko leni, efiku ledimbulukifo neshiko lomanghuma, efiku loshiongalele shiyapuki.

AMOS 3:6

Enghuma otali shikwa tuu moshilando noonakukalamo inava haluka? Omupya otau uya tuu moshilando, ngeenge Omwene ine u tuma.

SEFANIA 1:16

efiku leshiko lenghuma loita okukuwila oilando ya pama, neehoteshungo dile domashakeneno.

NUMERI 31:6

Ndele Moses okwe va tuma koita, eyovi limwe lomepata keshe, vo pamwe naPinehas, omona womupristeli Eliaser, koita pamwe noinima iyapuki nomanghuma onghuwo.

1 OVAKORINTO 14:8

Nosho tuu enghuma, ngeenge tali yandje ewi inali yela, olyelye te lilongekidile okuya koita?

DEUTERONOMION 20:1

“Ove ngeenge to ka homona koita okulwifa omutondadi woye ndele to mono eenghambe nomatemba oita, novanhu vahapu ve ku dule, ino va tila. Osheshi Omwene Kalunga koye, e ku pitifa mo medu laEgipiti, e li pamwe naave.

JOSUA 6:5

Ndele vo ngeenge tava shiki omanghuma eembinga deedi deemhedi mokutwaalela, nye ngeenge tamu udu ondaka yomanghuma, ovanhu aveshe ve nokuyelula ondaka nokwiingida pombada. Opo nee ohotekuma yoshilando tai ka ngumauka po monhele yayo. Novanhu ve nokutotela mo, keshe umwe ta yukilile.”

OVATOKOLIPANGELI 10:12

nOvasidoni nOvaamaleki nOvamaoniti, eshi ve mu hepeka, ndele nye mwa kuwa kwaame, inandi mu xupifa hamba momake avo?

OVATOKOLIPANGELI 10:8

Ndele vo ova fininika nokuhepeka ovana vaIsrael omudo winya. Omido omulongo nahetatu ova hepeka Ovaisraeli aveshe venya va li kombada yaJordan medu lOvaamori muGilead.

OVATOKOLIPANGELI 2:18

Ndele alushe Omwene ngeenge e va pendulila ovatokolipangeli, Omwene okwa li pamwe nomutokolipangeli oku va xupifa mo momake ovatondadi vavo momafiku aeshe omutokolipangeli, osheshi Omwene okwa li e va uditile olukeno, vo eshi va kema omolwovafininiki novahepeki vavo.

OVATOKOLIPANGELI 3:27

Ndele ye eshi a fika ko, okwa shika enghuma lodi omhedi keemhunda daEfraim novana vaIsrael va londoloka keemhunda pamwe naye, ye okwe va kwatela komesho.

OVATOKOLIPANGELI 6:34

NOmhepo yOmwene ya yada muGideon. Ndele ye okwa shika enghuma lodi yomhedi, nOvaabieser va ifanwa ve mu shikule.

OVATOKOLIPANGELI 6:9

Ndele nde mu xupifa momake Ovaegipiti nomomake ovafininiki veni aveshe, ndele nde va taataa komesho yeni, ndele nde mu pa oshilongo shavo.

1 SAMUEL 10:18

ndele ta ti kovana vaIsrael: Omwene Kalunga kaIsrael ta ti ngaha: Ame nda pitifa Israel muEgipiti nde va xupifa momake Ovaegipiti nomomake oilongo aishe oyo ye va fininika.