NUMERI 10:12 - Ombibeli Iyapuki

¹² Novana vaIsrael va tumba po, va enda konhele nonhele nokudja mo mombuwa yaSinai, ndele oshilemo osha kanghama mombuwa yaParan.

NUMERI 10:12 ပူးပေါင်းရင်းမြစ်များ

GENESIS 14:6

nOvahori keemhunda davo Seir fiyo okuEl-Paran shi li pomunghulo wofuka.

GENESIS 21:21

Ye okwa kala mofuka yaParan. Naina okwe mu kongela omwalikadi medu laEgipiti.

1 EEHAMBA 11:18

Ndele va dja kuMidian, ve uya kuParan, ndele muParan va kufa ovalumenhu pamwe naavo, ndele ve uya kuEgipiti kuFarao, ohamba yaEgipiti. Oyo ye mu pa ongulu ndele ye mu pa eendja nepya.

EXODUS 13:20

Osho hano va fikama muSukkot ndele va onga onhanda muEtam, pomunghulo wombuwa.

HABAKUK 3:3

Kalunga te uya, ta di kuTeman, nomuyapuki komhunda yaParan. Sela. Ounenepangelo waye tau tuvike eulu, nedu li yadi ehambelelo laye.

NUMERI 1:1

Mefiku lotete lohani onhivali momudo omutivali, vo eshi va pita mo medu laEgipiti, Omwene okwa popya vali naMoses metwali leongalo mombuwa yaSinai, ndele ta ti:

NUMERI 10:33

Ndele vo ova enda omafiku atatu va dja komhunda yOmwene. Ndele oshikefa shehangano lOmwene oshe va kwatela komesho omafiku atatu oku va kongela onhele yetulumuko.

NUMERI 12:16

Ndelenee komesho ovanhu va fikama po muHaserot, ndele va onga onhanda mombuwa yaParan.

NUMERI 13:26

Ndele ova enda ndele va fika kuMoses naAron nokeongalo alishe lovana vaIsrael mombuwa yaParan muKades. Ndele vo ova hepaululila eongalo alishe eenghundana, ndele vo ve va ulikila oiimati yoshilongo shinya.

NUMERI 13:3

Ndele Moses okwe va tuma ko va dja mombuwa yaParan palombwelo lOmwene. Ovalumenhu aveshe venya va li ovakulunhu vovana vaIsrael.

NUMERI 2:34

Novana vaIsrael osho va ninga naanaa Omwene ngaashi a lombwela Moses. Osho va onga eenhanda davo pomangafifipandela avo nosho onhanda yavo oya fikama keshe umwe pepata laye, peumbo laye.

NUMERI 9:1

Ndele momudo omutivali mohani yotete vo eshi va dja kuEgipiti, Omwene okwa popya naMoses mombuwa yaSinai ndee ta ti:

NUMERI 9:17

Ndele shamha oshilemo she litumbu ko kombada yetwali, ovana vaIsrael ohava fikama po. Ndele ponhele apa oshilemo sha kanghama, opo Ovaisraeli hava ongo onhanda yavo,

NUMERI 9:5

Ndele vo va dana Opaasa mombuwa yaSinai mefiku etimulongo netine lohani yotete, onguloshi. Naanaa Omwene ngaashi a lombwela Moses, osho ovana vaIsrael va ninga.

DEUTERONOMION 1:1

Eendjovo edi Moses okwe di lombwela Israel ashishe moushilo waJordan mombuwa, momaluhaela a shaama naSuf, pokati kaParan naTofel naLaban naHaserot naDi-Sahab.

DEUTERONOMION 1:19

“Opo nee fye twa fikama kuHoreb, ndele twa tauluka ombuwa aishe oyo inene noya tilika, oyo mwe i mona moweenda weni nondjila yeni yokeemhunda dOvaamori, Omwene Kalunga ketu ngaashi e tu lombwela. Ndele fye otwa fika kuKades-Barnea.

DEUTERONOMION 1:7

Fikameni, djeni po, mu ye keemhunda dOvaamori nokeenhele adishe domoushiinda wavo, nokutya komaluhaela nokeemhunda nokedu la lalakana nokoshikandjo shoumbangalanhu nokomunghulo wEfuta Lopokati, oshikandjo shOvakaanan naLibanon fiyo okomulonga omunene waEufrat.

DEUTERONOMION 33:2

Ndele ye okwa tile: Omwene okwe uya, a dja kuSinai, ndele okwe va pitila ngetango muSeir. Ye okwe va holokela mouyelele woshinge keemhunda daParan nokwa dja mengafifi lovayapuki omayovi omulongo. Kolulyo laye kwa monika omhango ya xwama omundilo moipafi yavo.

1 SAMUEL 25:1

Ndele Samuel okwa fya. NOvaisraeli aveshe va ongala ndele va lila eefya daye, ndele ve mu paka meumbo laye muRama. Ndele David okwa fikama nokwa ya kombuwa yaParan.