NUMERI 10:10 - Ombibeli Iyapuki

¹⁰ Momafiku eni ehafo ngaashi yo moivilo yeni nopehovelo leehani deni dipe, nye mu nokushika omanghuma pomaxwikiloyambo eni nopomapanduloyambo eni. Oo otae mu dimbulukifa koshipala shaKalunga keni. Aame Omwene Kalunga keni.”

NUMERI 10:10 ပူးပေါင်းရင်းမြစ်များ

2 EEHAMBA 4:23

Ndele ye ta ti: “Omolwashike to i kuye nena? Nena kape nohani ipe ile Eshabata.” Ndele e mu nyamukula: “Ino kala noshisho!”

1 OMAFIMBO 15:24

Novapristeli Sebanja naJosafat naNetanel naAmasai naSakaria naBenaja naElieser, va shika omanghuma, va li komesho yoshikefa shaKalunga. Ndele Obed-Edom naJehia va li ovanangeli voivelo yoshikefa.

1 OMAFIMBO 15:28

NOvaisraeli aveshe va ya va ka tale ko oshikefa shehangano lOmwene nehafo nokushika omanghuma nomanghuma oshikushu nousimbale, fimbo vakwao hava shiki eenyalilo nouxumbafeta.

1 OMAFIMBO 16:42

Ndele Heman naJedutun va diinina omanghuma noushandje vovashiki nouxumba vamwe molwomalwiimbo okufimaneka Kalunga. Ndelenee ovana ovamati vaJedutun va li poshivelo.

2 OMAFIMBO 29:26

NOvalevi va kala ofika noishikomwa yaDavid, novapristeli ve nomanghuma oshikushu.

2 OMAFIMBO 29:28

Noshiongalele ashishe she linyongamena, eimbilo la udika, nomanghuma a shikwa, fiyo exwikiloyambo la pwa.

2 OMAFIMBO 7:6

fimbo ovapristeli va kala ofika meenhele davo nOvalevi yo noishikomwa yOmwene oyo ya ningwa kohamba David okuhambelela Omwene nomaimbilohambelelo aDavid nokutya ouwanghenda waye tau kalelele fiyo alushe. Ovapristeli va kala ofika ve va taalela ndele va shika omanghuma oshikushu, nOvaisraeli aveshe va kala ofika.

ESRA 3:10

Ovatungi eshi va hovela okutunga ekanghameno lotembeli yOmwene, ovapristeli va tulwa po va djala oikutu yavo youpristeli ve nomanghuma oshikushu, nOvalevi, ovana vaAsaf, ve nomanghuma eembinga, va hambelele Omwene pashipango shaDavid, ohamba yaIsrael.

NEHEMIA 12:35

novana ovalumenhu vovapristeli ve nomanghuma, Sakaria yaJonatan yaShemaia yaMattanja yaMikaia yaSakkur yaAsaf,

OMAPSALOME 150:3

Mu tangeni neshiko lomanghuma, mu tangeni nonyalilo nokaxumbafeta!

OMAPSALOME 81:3

Kokamwedjona, shikeni omanghuma, nomohani i li momutootoo okefiku loshivilo shetu.

OMAPSALOME 81:4

Osheshi oyo onghedi yomuIsrael, oshipango shaKalunga kaJakob.

OMAPSALOME 89:15

Oshiwana shi nelao, osheshi shi udite oshivilohafo, eshi hashi ende mouyelele woshipala shoye, Omwene.

EXODUS 28:29

Osho ngaha hano Aron e nokuhumbata omadina ovana vaIsrael kombada yomutima mokapapa koponhulo komanyamukulo, ye ngeenge ta i metwali liyapuki, opo e va dimbulukifife koshipala shOmwene alushe.

EXODUS 30:16

Kufa hano efuto lekwatakanifo kovana vaIsrael u li longife meyakulo lometwali leongalo, opo lo li dimbulukifife ovana vaIsrael koshipala shOmwene okukwatakanifa eemwenyo davo.”

JESAJA 27:13

Ndele mefiku tuu olo enghuma linene otali ka shikwa, naaveshe ovo va kanena medu laAsiria naava va twalelwe kuEgipiti, otava alukile keumbo lavo, ndele tave ke linyongamena Omwene komhunda iyapuki muJerusalem.

LEVITIKUS 23:24

a lombwele ovana vaIsrael a tye: “Mohani onhiheyali efiku lotete lohani olo efiku letulumuko leni, efiku ledimbulukifo neshiko lomanghuma, efiku loshiongalele shiyapuki.

NUMERI 10:9

“Ndele nye medu leni ngeenge tamu hangika koita ndee tamu i mu ka lwife ovatondadi ava ve mu tondokela, nye mu nokushika omanghuma okukuwa onghuwo, opo nee tamu dimbulukiwa koshipala shOmwene, Kalunga keni, ndee tamu ka xupifwa kovatondadi veni.

NUMERI 28:11

“Ndele pehovelo leehani deni dipe nye mu nokweetela Omwene exwikiloyambo: eengobe eenyasha mbali deemhedi nodi imwe yomhedi, oudjona vaheyali vomudo umwe vehe noipo.

NUMERI 29:1

“Ndele mohani onhiheyali mefiku lotete lohani nye mu nokwoongala moshiongalele sheni shiyapuki. Inamu longa sha shomoilonga yeni. Olo nali ninge kunye efiku lokushika enghuma.

MATEUS 11:28

“Ileni kwaame, nye amushe hamu longo nomwa lolokifwa, Ame ohandi mu pe etulumuko.

OILONGA YOVAYAPOSTOLI 10:4

Ndele ye okwe mu tala, a tila, ta ti: “Omwene, oshike?” Omweengeli ta ti kuye: “Omailikano oye noikwafa yoye oya fika koshipala shaKalunga noya dimbulukiwa.

1 OVAKORINTO 15:52

Divadiva, mepakumo leisho, omokushikwa kwenghuma laxuuninwa, osheshi enghuma otali ka shikwa, novafi otava nyumuka, ndele itava xulu po vali, ndele ofye ohatu shitululwa.

1 OVATESSALONIKI 4:16

Osheshi Omwene Ye mwene ota ka londoloka keulu neingido lelombwelo nondaka yomweengeli omukulunhu nekweno lenghuma laKalunga, ovafi ovo va fila muKristus, otava ka nyumuka tete,

1 OVATESSALONIKI 4:18

Hano lihekelekeni neendjovo edi.

JOSUA 4:7

Nye mu noku va lombwela: Osheshi omeva aJordan a tukuka komesho yoshikefa shehangano lOmwene mokutauluka kwasho Jordan, omeva aJordan a tukuka. Onghee hano omamanya aa a ninga edidiliko kovana vaIsrael fiyo alushe.”

JOSUA 6:4

Novapristeli vaheyali ve nokuhumbata omanghuma aheyali eembinga deedi deemhedi komesho yoshikefa. Ndelenee efiku etiheyali nye mu nokudingilila oshilando luheyali. Novapristeli ve nokushika omanghuma.

EHOLOLO 22:17

Omhepo nomuvalekwa otava ti: “Ila!” Naau te shi udu, na tye: “Ila!” Naau ta fi enota, ne uye, naau a hala, na tambule omeva omwenyo oshali.

1 SAMUEL 20:5

Opo nee David ta ti kuJonatan: “Tala, mongula ohani ipe, naame ondi nokukala omutumba shili pamwe nohamba poshililo. Ndelenee efe nge ndi ye ndi ka hondame moluhaela fiyo onguloshi yomongheleinya.