NUMERI 1:53 - Ombibeli Iyapuki

⁵³ Ndelenee Ovalevi ve nokwoonga onhanda keembinga adishe detwali liyapuki, ehandu liha holoke kombada yovana vaIsrael. Osho ngaha hano Ovalevi ve nokuyakula moilonga yetwali liyapuki.”

NUMERI 1:53 ပူးပေါင်းရင်းမြစ်များ

1 OMAFIMBO 23:32

Osho ngaha hano va li ve nokudiinina oilonga yometwali leongalo noilonga yomotembeli, noilonga oyo oludalo laAron ya li li na mongulu yOmwene.”

2 OMAFIMBO 13:10

Ndelenee Kalunga ketu Oye Omwene, ndele inatu mu efa. Otu na ovapristeli, Ovaaron nOvalevi, ava tava longele Omwene.

2 OMAFIMBO 13:11

Ndele vo ohava yambele Omwene omaxwikiloyambo ongula keshe nonguloshi keshe, noitwiminifo yedimba liwa, ndele hava kala noshisho shomingome detaliko dokoshitaafula shoshingoldoelela noshoshikwatelwalamba shoshingoldo neelamba dasho, opo di temwe onguloshi keshe. Osheshi fye hatu diinine eenghedimhango dOmwene Kalunga ketu, ndelenee nye mwe mu efa.

JEREMIA 23:15

Onghee hano Omwene womatanga ovakwaita mokupopya ovaxunganeki ta ti: “Tala, Ame ohandi va lifa oimbodi ilula nohandi va nwefa omeva oudiyo. Osheshi movaxunganeki Ovajerusalem omwa dja edinokalunga la tandavela noshilongo ashishe.”

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

LEVITIKUS 10:6

Opo nee Moses okwa lombwela Aron novana vaye ovamati Eliaser naItamar: “Taleni, muha efele eexwiki dokomutwe di endjelele, ndele inamu pombaula oikutu yeni, opo muha fye, nehandu laye liha hange eongalo alishe. Ndelenee ovamwaxo, eumbo alishe laIsrael nali lilile epeya eli la temwa kOmwene.

NUMERI 1:50

ndelenee Ovalevi va tula moshilonga shetwali liyapuki noshoinima aishe yalo naaishe i li mo. Vo ove nokuhumbata etwali liyapuki naaishe ei i li mo ndele vo ve nokuyakula moilonga yomulo nokwoonga onhanda keembinga adishe detwali liyapuki.

NUMERI 1:54

Novana vaIsrael ve shi ninga naanaa Omwene ngaashi a lombwela Moses, osho va ninga.

NUMERI 16:46

Ndele Moses okwa lombwela Aron: “Kufa oshikwatelwa shomakala u teme ko omundilo woaltari, tula ko oitwiminifo, ndele endelela u shi twale keongalo u li kwatakanife, osheshi ehandu la dja kOmwene, oshiponga osha hovela nokuli.”

NUMERI 16:9

Inashi mu wanena, Kalunga kaIsrael eshi e mu tongola mo meongalo laIsrael, opo mu itavelelwe okweehena kuye mu wanife eyakulwalonga letwali liyapuki lOmwene nokukala ofika moipafi yeongalo, nye mu va yakule?

NUMERI 17:7

Ndele Moses okwa twala eenhaili koshipala shOmwene metwali londobwedi.

NUMERI 2:17

Opo nee etwali leongalo tali fikama: onhanda yOvalevi tai i pokati keenhanda neenhanda. Ngaashi hava ongo eenhanda davo, nosho yo ve nokufikama, keshe epata monhele yalo pashikulafano lomangafifipandela avo.

NUMERI 3:23

Epata lOvagerson li nokwoonga Onhanda konima yetwali liyapuki langhele kouninginino.

NUMERI 3:29

Omapata ovana vaKohat nava onge onhanda kombinga yokoumbuwanhu wetwali liyapuki.

NUMERI 3:35

Ndele Suriel yaAbigail e nokuninga omukulunhu wongudu yomapata Ovamerari. Vo ve nokwoonga onhanda kombinga yokoumbangalanhu wetwali liyapuki.

NUMERI 3:38

Ndelenee komesho yetwali liyapuki, kombinga yokoushilo, kepito letango, oko Moses naAron hava ongo onhanda novana vavo ava hava longo metwali liyapuki nokutya, oilonga ponhele yovana vaIsrael. Ndelenee omuyeni ou ta ehene po, e nokudipawa.

NUMERI 31:30

Ndele kufa mo moshitukulwa shovana vaIsrael oshitukulwa shimwe shomoitukulwa omilongo nhano, movanhu, meengobe, meendongi, meedi, moinamwenyo aishe. Ndele u noku i yandja kOvalevi ava hava diinine oshilonga metwali liyapuki lOmwene.”

NUMERI 31:47

Metata eli tali i kovana vaIsrael Moses okwa kufa mo oshitukulwa shimwe shomoitukulwa omilongo nhano movanhu nomoinamwenyo ndele ye e i pa Ovalevi, ava hava diinine oshilonga petwali liyapuki lOmwene, Omwene ngaashi a lombwela Moses.

NUMERI 8:19

nOvalevi nde va yandja, heeno, vo va yandjelwa Aron novana vaye ovamati mokati kovana vaIsrael, opo venya va wanife eyakulwalonga lovana vaIsrael metwali leongalo nokukwatakanifa ovana vaIsrael, paha holoke nande oshiponga mokati kovana vaIsrael, ovana vaIsrael eshi tave uya ketwali liyapuki.

2 TIMOTEUS 4:2

udifa ondjovo; shi ninga mefimbo liwa nomefimbo lii; hanyena, vela ombedi, kumaida monheni nokulonga,

1 SAMUEL 6:19

NOmwene okwa dipaa ovanhu moonakukalamo muBet-Semes. Osheshi Ye okwa dipaa movanhu ovalumenhu omilongo heyali, shaashi va tala oshikefa shOmwene. Novanhu ova nyika oluhodi shaashi Omwene okwa dipaa vahapu vomuvo.