NEHEMIA 9:5 - Ombibeli Iyapuki

⁵ NOvalevi Josua naKadmiel, Bani, Hasabneja, Serebja, Hodia, Sebanja, Petahja tava ti: “Kaleni ofika! Hambeleleni Omwene Kalunga keni alushe fiyo omoukwaalushe! Edina loye la fimana nali hambelelwe, lo ola yeluka kombada omapandulo nomahambelelo aeshe!”

NEHEMIA 9:5 ပူးပေါင်းရင်းမြစ်များ

1 EEHAMBA 8:14

Ovaisraeli aveshe ova li ofika, nohamba ya taalela kuvo ndele tai va indilile enangeko noupuna kuKalunga.

1 EEHAMBA 8:15

Ndele oya tya: “Omwene, Kalunga kaIsrael na hambelelwe, omake aye a wanifa osho a udanekela tate David eshi a tile:

1 EEHAMBA 8:22

Salomo eshi a ehena po, a kala ofika koaltari yOmwene moipafi yeongalo alishe laIsrael nokwa yelula omake aye keulu

1 EEHAMBA 8:27

Ndelenee Kalunga, oto dulu ngaho shili okukala kedu? Eshi neulu loovene itali ku wanene okukala mo, hano oto wana ngahelipi motembeli ei nda tunga?

1 OMAFIMBO 16:36

Omwene, Kalunga kaIsrael na hambelelwe alushe fiyo alushe.” Novanhu aveshe tava ti: “Amen!” nova hambelela Omwene.

1 OMAFIMBO 29:11

Omwene, ounene owoye, neenghonopangelo odoye, noshinge oshoye, nouyelele owoye, nepangelofimano oloye, heeno, aishe yomeulu nokombada yedu oyoye. Oshilongo oshoye Omwene, ndele Oove Omupangeli waaishe!

1 OMAFIMBO 29:13

Ndele paife, Kalunga ketu, hatu ku hambelele ndele hatu fimaneke edina loye noshinge shalo.

1 OMAFIMBO 29:20

Opo nee David a lombwela oshiongalele ashishe: “Paife hambeleleni Omwene, Kalunga keni.” Opo nee oshiongalele ashishe sha hambelela Omwene, Kalunga kooxe. Ndele ve linyongamena ndele tava wile eombe koshipala shOmwene nokoshipala shohamba.

2 OMAFIMBO 20:13

NOvajuda aveshe va kala ofika koshipala shOmwene pamwe nounona vavo novalikadi vavo novana vavo ovamati.

2 OMAFIMBO 20:19

NOvalevi vomovana Ovakohati novomovana Ovakora, va kala ofika va hambelele Omwene, Kalunga kaIsrael nondaka inene.

ESRA 3:11

Ndele va hovela okuhambelela nokupandula Omwene: “Shaashi Ye omuwa, nouwanghenda waye tau kalelele kOvaisraeli fiyo alushe.” Novanhu va hafa nokunyakukwa unene, vo eshi va hambelela Omwene, shaashi ekanghameno longulu yOmwene la tungwa.

NEHEMIA 9:4

Ndele mOvalevi Josua naBani, Kadmiel, Sebanja, Bunni, Serebja, Bani, Kenani va londa keenhele dOvalevi opo pa tumba ndele va indila nondaka yopombada Omwene Kalunga kavo.

NEHEMIA 9:6

Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

JOB 1:21

ndele ta ti: “Hamunghele nda dja medimo lameme, hamunghele ohandi ka shuna ko. Omwene okwa pele nge, nOmwene okwa kufa nge. Edina lOmwene nali hambelelwe!”

OMAPSALOME 106:2

Olyelye mbela ta dulu okutonga oinenelonga yOmwene, e i fikife po, ye a shiivife ngeno efimano laye alishe?

OMAPSALOME 134:1

Yambukeni, hambeleleni Omwene, ovapiya vaye nye amushe, ava hamu kala ofika meumbo lOmwene oufiku.

OMAPSALOME 145:2

Keshe efiku onda hala, ndi ku tange, nokuhambelela edina loye alushe fiyo alushe.

OMAPSALOME 145:5

Onda hala okupopya oshinge shefimano loye, ame ndi imbe oikumwifalonga yoye.

OMAPSALOME 146:2

Onda hala okutanga Omwene omafiku ange aeshe, nokwiimbila Kalunga kange, fimbo ndi li po.

OMAPSALOME 16:2

Onda tya kuKalunga: “Oove Omwene wange, nghi na nande ouwa umwe, uhe fi Ove.”

OMAPSALOME 66:2

Imbileni efimano ledina laye ehambelelo, neimbilopandulo laye nali mone etumbaloshinge.

OMAPSALOME 99:3

Nava fimaneke edina laye eli linene, litilifa, Oye Omuyapuki,

EXODUS 15:11

“Akutu Omwene, olyelye e li ngaashi Ove mokati koikalunga? Olyelye e li ngaashi Ove omufimanekwa mouyapuki, onakutilika moilonga ya fimana, Ove ho longo oikumwifa.

EXODUS 15:6

“Akutu Omwene, eke loye la fimana molweenghono. Eke loye lokolulyo, akutu Omwene, lo tali teyaula omutondadi.

DANIEL 2:20

Opo nee Daniel a popya ndele ta ti: “Edina laKalunga nali hambelelwe alushe fiyo alushe, osheshi ounongo neenghono odaye.

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

DEUTERONOMION 28:58

“Ove ngeenge ito diinine shili eendjovo adishe domhango ei, da shangelwa mo membo eli, opo u tile edina la fimana nola tilika lOmwene Kalunga koye,

1 PETRUS 1:3

Kalunga naXe yOmwene wetu Jesus Kristus na hambelelwe, Oye ou, e tu dalululila pafilonghenda laye linene eteelelo li nomwenyo okokunyumuka kwaJesus Kristus movafi,

OVATOKOLIPANGELI 13:18

Nomweengeli wOmwene ta ti kuye: “Omolwashike to pulile nge edina lange, osheshi lo olikumwifa?”