NEHEMIA 9:37 - Ombibeli Iyapuki

³⁷ Oshishipo shasho tashi pewa eehamba odo we di tula po di tu pangele omolwomatimba etu, ndele do otadi pangele omalutu etu noimuna yetu pahalo lavo, ndele fye otu li moudjuu munene.”

NEHEMIA 9:37 ပူးပေါင်းရင်းမြစ်များ

ESRA 4:13

Ohamba nai kale i shi shii, oshilando nge sha tungululwa neehotekuma nge da pwa okutungwa, vo itava ka futa oimaliwa, noilya ile okuyandja efuto longaba, osho ngaha eehamba tadi lumbulwa emona.

ESRA 6:8

Naame ohandi mu lombwele, osho mu noku shi ningila ovakulunhu vOvajuda fimbo tava tungu ongulu yaKalunga, nokutya: Moimaliwa yefendelo lohamba moshilongo shokouninginino waEufrat namu dje diva ofuto yovanhu venya paha xupe sha nande, nokweendelela.

ESRA 7:24

Ndele ohatu mu shiivifile nokutya kaku na ou ta dulu okufendelifa ovapristeli nOvalevi aveshe novaimbi novanangeli poivelo novayakuli votembeli ile ovapiya vongulu ei yaKalunga: oimaliwa ile oilya ile efuto longaba.

NEHEMIA 5:8

ndele handi ti kuvo: “Paenghono detu twa kulila Ovajuda vakwetu, ovo va landwa po kovapaani. Ndele nye otamu landifa po ovamwaxo, vo ove nokulilandifa po kufye?” Ndele vo ova mwena, va nyengwa okunyamukula sha.

OMAIMBILOKEMO 5:5

Ovahepeki vetu ove li kofingo yetu, fye twa loloka, ndele ihatu pewa etulumuko.

LEVITIKUS 26:17

Ndele oshipala shange Ame ohandi ke shi mu taalelifila nehandu, opo nye mu tewatewe kovatondadi veni. Novatondadi veni tave ke mu pangela, ndele nye otamu ke litwala onhapo nande pehe na ou te mu taataa.

JOHANNES 8:33

Opo vo ve mu nyamukula: “Fye oludalo laAbraham, tuhe na apa twa li ovapika vomunhu. Oto ti ngahelipi hano, ‘otamu ka mangululwa?’ ”

DEUTERONOMION 28:33

Oiimati yomomapya oye, nakeshe eshi we shi lilongela, otashi ka liwa kovanhu uhe va shii. Ndelenee ove to ka kala wa fininikwa nokuhepekwa efimbo alishe.

DEUTERONOMION 28:39

Ove to ka twika nokulonga oikokola yomiviinyu, ndelenee ito ka nwa omaviinyu ile oku a tuvikila. Osheshi omainyo tae ke di tuka.

DEUTERONOMION 28:48

u nokulongela omutondadi woye, ou te ku tuminwa kOmwene mondjala nomenota nolutu longaho nokuhepa ashishe; ndele ye ota ka tula ondjoko yoshivela kofingo yoye fiyo ye te ku mane po.

DEUTERONOMION 28:51

ndele vo otava ka lya oludalo loimuna yoye noiimati yomepya loye fiyo ove wa xula po. Vo itave ku fiile nande oilya, omaviinyu ile omaadi, eenhana deengobe doye ile oudjona veedi doye, fiyo vo ve ku mana po.