NEHEMIA 9:34 - Ombibeli Iyapuki

³⁴ Neehamba detu novakulunhu vetu novapristeli vetu nootate vetu inava wanifa omhango yoye ndele inava dulika koipango yoye nokeendobwedi doye we tu londola nado.

NEHEMIA 9:34 ပူးပေါင်းရင်းမြစ်များ

2 EEHAMBA 17:13

NOmwene okwa londwela Israel naJuda nomuxunganeki keshe nonomumonikokule keshe, ndele ta ti: “Lialulukeni keendjila deni inadi yuka, ndele diinineni oipango yange, neenghedimhango dange, pamhango oyo nde i pa ooxo, nayo nde i mu lombwelifa kovapiya vange, ovaxunganeki, ovo nde mu tumina.”

2 EEHAMBA 17:15

Ndele va ekelashi eenghedimhango daye nehangano laye, Ye e li ninga nooxe, neendobwedi nado Ye e va londwela, ndele va shikula oikalunga yongaho ndele voovene yo va ninga vongaho. Ndele va shikula oiwana tai va dingilile, molwayo Omwene e va lombwelele, vaha ninge ngaashi inya.

2 OMAFIMBO 29:6

Osheshi ootate va nyona ndele va ninga osho inashi yuka moipafi yOmwene Kalunga ketu, ndele ve mu efa ndele va pilamena otembeli yOmwene ndele ve i pa ombuda.

ESRA 9:10

Ndele paife Kalunga ketu hatu ti shike omolwoinima ei? Osheshi twa efa oipango yoye,

NEHEMIA 9:30

Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

NEHEMIA 9:33

Ndelenee Ove omuyuki mwaashishe she tu hanga, osheshi Ove wa li omudiininini moilonga yoye, ndelenee fye twa li ovahenakalunga.

NEHEMIA 9:35

Ndele nande va kala moshilongo shavo vene nomouyadi weeshali doye, odo we di va pele, ndele va kala medu la tandavela noli nouwa, vo inava aluluka moilonga yavo ii.

JEREMIA 29:19

osheshi inava pwilikina eendjovo dange, Omwene osho ta ti, eshi Ame inandi fya ounye efiku nefiku moku va tumina ovapiya vange ovaxunganeki. Ndelenee nye inamu pwilikina, Omwene ta ti.’

JEREMIA 44:17

Ndelenee fye ohatu ka wanifa eudaneko letu keshe olo la dja momakanya etu, fye tu xwikile ohamba omwalikadi yomeulu omayambo notu i tilile oikunwayambo ngaashi twa ninga, fye nootate, neehamba detu novakulunhu vetu moilando yaJuda nomomapandavanda aJerusalem, opo nee fye otwa li twa kuta omungome notwa li tu udite ouwa nongaashi inatu mona nande oshiponga.

JEREMIA 44:4

Ndele Ame onde mu tumina ovapiya vange ovaxunganeki efimbo keshe ndele nda tya: Inamu longa oixuna oyo, handi i tondo.

HESEKIEL 5:6

Ndelenee mokuninga ondubo nomaufo ange, ouhenakalunga washo u dule woiwana yovapaani nomokuninga ondubo neemhango dange shi dule oilongo ye shi dingilila. Osheshi ova ekelashi eemhango dange ndele inava enda meemhango dange.

DANIEL 9:6

Ndele fye inatu pwilikina ovapiya voye ovaxunganeki, ava va popya medina loye keehamba detu nokovakulunhu vetu nokootate vetu nokovanhu aveshe vomoshilongo.

DEUTERONOMION 31:21

Ndele oiponga ihapu noluhepo, eshi tali uya kombada yavo, eimbilo eli tali ka ninga ondobwedi moipafi yavo oku va pa oushima, osheshi itali ka dimbuwa mo momakanya oludalo lavo, osheshi omadiladilo avo Ame ondi a shii, aa tave a diladila nonena eli nokuli, fimbo inandi va twala moshilongo nde shi va udanekela nokwaana.”