NEHEMIA 9:32 - Ombibeli Iyapuki

³² “Hano paife Kalunga ketu, munene, omunamapangelo, Kalunga onakutilika, ou ho diinine ehangano loye nouwanghenda woye: oupyakadi oo aushe, uhe u tale oo unini, we tu hanga ko neehamba detu novakulunhu vetu novapristeli vetu novaxunganeki vetu, ootate novanhu voye aveshe, okudja komafimbo eehamba daAsiria fiyo okefiku eli.

NEHEMIA 9:32 ပူးပေါင်းရင်းမြစ်များ

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

2 EEHAMBA 15:19

Pul, ohamba yaAsiria, okwa homona oshilongo, ndele Menahem okwa yandja kuPul eekilograma omayovi omilongo nhatu nomayovi ane doisiliveli, opo ye e mu kwafe nokupameka epangelo momake aye.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

2 EEHAMBA 17:23

fiyo Omwene okwa ekelashi Ovaisraeli koshipala shaye, ngaashi a popya nomakanya ovapiya vaye aveshe ovaxunganeki. NOvaisraeli va kufwa moshilongo shavo, va twalwa moukwatwa kOvaasiria fiyo onena eli.

2 EEHAMBA 17:3

Salmaneser, ohamba yaAsiria, ye mu homona ndele Hosea a ninga omupiya wayo nokwe i pa oifendela.

2 EEHAMBA 17:6

Momudo omutimugoi waHosea, ohamba yaAsiria ya nangala Samaria, ndele ya twala Israel moukwatwa kuAsiria. Ndele ye va tula muHalag nopuHabor omulonga womuGosan, nomoilando yomuMedia.

2 EEHAMBA 23:29

Pomafiku aye Farao Neko, ohamba yaEgipiti, ya homona ohamba yaAsiria komulonga waEufrat. Ohamba Josia oye ke mu shakeneka ko, Ndelenee Farao okwe mu dipaa muMegido divadiva, eshi ye mu mona.

2 EEHAMBA 25:7

Ndele va dipaa ovana vaSedekia moipafi yaye. Ndele vo ova twiyula omesho aye, ndele ve mu manga nomalyenge oshikushu ndele ve mu twala kuBabilon.

ESRA 4:10

noiwana imwe oyo ya kufwa po kuAsnappar omunene nomutumbalekwa ndele ve i tula moshilando shaSamaria nomeenhele dimwe mouninginino waEufrat.”

ESRA 4:2

ove uya kuSerubbabel nokovakulunhu ndele tava ti kuvo: “Natu tungeni pamwe, osheshi ngaashi nye osho nafye hatu kongo Kalunga keni, ndele hatu mu yambele okudja komafiku enya aEsar-Haddon, ohamba yaAsiria, oyo ye tu tuma oku.”

ESRA 9:13

Ndele konima yoinima aishe oyo ye uya kombada yetu molwoilonga yetu ii nomolwombedi yetu inene, osheshi Ove Kalunga ketu ino tu valela pawii wetu twe u lilongela, ndele we tu pa natango ovamangululwa vahapu ve fike opo.

NEHEMIA 1:5

ndele handi ti: “Akutu Omwene Kalunga komeulu, Oove Kalunga munene u nokutilika, ou ho diinine ehangano nonghenda kwaava ve ku hole ndele hava diinine oipango yoye,

OMAPSALOME 47:2

Osheshi Omwene omunene wOkombadambada, a tilika, ohamba inene kombada yedu alishe.

OMAPSALOME 66:3

Tyeni kuKalunga: “Oilonga yoye ikumwifa oi fike peni! Molwouyadi weenghono doye, ovatondi voye otave linyongamene kwoove.

OMAPSALOME 66:5

Ileni, mu tale oilonga yaKalunga, ou ta kumwifa mokukala kwaye kombada yovanhu.

EXODUS 18:8

Opo nee Moses okwa hepaululila xemweno ashishe eshi Kalunga a ningila Farao nOvaegipiti omolwaIsrael nomaudjuu aeshe ve a mona mondjila nonhumbi Omwene e va xupifa.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

DANIEL 9:4

Ndele ame onda ilikana Omwene, Kalunga kange, ndele nda hepaulula nda tya: “Akutu Omwene, Kalunga kanene nowa tilika, Ove ou to diinine ehangano nouwanghenda kwaava ve ku tila nokuwanifa oipango yoye.

DANIEL 9:6

Ndele fye inatu pwilikina ovapiya voye ovaxunganeki, ava va popya medina loye keehamba detu nokovakulunhu vetu nokootate vetu nokovanhu aveshe vomoshilongo.

DANIEL 9:8

Omwene, fye neehamba detu novakulunhu vetu nootatekulu, ohatu fyohoni, osheshi fye otwa nyona kwoove.

LEVITIKUS 26:18

“Ndele nye natango tuu ngeenge itamu pwilikine nge, opo Ame ohandi mu handukile luheyali molwomatimba eni.

LEVITIKUS 26:21

“Ndele nye ngeenge tamu lundukile nge ndele itamu pwilikine nge, Ame ohandi ka hapupalifa luheyali oiponga kombada yeni molwomatimba eni.

LEVITIKUS 26:24

naame yo ohandi ke mu anya yo noku mu denga luheyali omolwomatimba eni.

LEVITIKUS 26:28

Ame ohandi ke mu anya moupyuhandu ndele Ame ohandi ke mu handukila luheyali omolwomatimba eni.

DEUTERONOMION 7:12

“Ndele nye ngeenge tamu udu eenghedimhango edi ndele tamu di wanifa, Omwene Kalunga keni ote ke mu diininina ehangano nouwanghenda ou, Ye e u anenene ooxo,

DEUTERONOMION 7:13

ndele Ye ote ke ku hola noku ku nangeka noupuna noku ku hapupalifa; Ye ota ka nangeka noupuna oludalo lomolutu loye, noiimati yomepya loye, noilya yoye nomaviinyu oye nomaadi oye olumono loye, oludalo leengobe doye noludalo leedi doye medu tuu olo Ye e li udanekela nokwaana oku li pa ooxo.

DEUTERONOMION 7:21

Ino va haluka, osheshi Omwene Kalunga koye oku li pwoove, Oye Kalunga omunene noha tilika.

DEUTERONOMION 7:9

Kala u shi shii hano nokutya, Omwene Kalunga, Oye Kalunga koye, Kalunga omudiinini, ou ta diinine ehangano laye nouwanghenda kwaava ve mu hole ndele tava diinine oipango yaye, komaludalo eyovi.