NEHEMIA 9:30 - Ombibeli Iyapuki

³⁰ Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

NEHEMIA 9:30 ပူးပေါင်းရင်းမြစ်များ

2 EEHAMBA 18:11

Nohamba yaAsiria ya twala Ovaisraeli moukwatwa muAsiria, ndele va tula muHalag nopomunghulo waHabor, omulonga waGosan nomoilando yomuMedia,

2 EEHAMBA 21:10

Opo nee Omwene e va popififa ovapiya vaye ovaxunganeki ndele ta ti:

2 OMAFIMBO 24:19

Ndele Ye okwe va tumina ovaxunganeki ve va alule kOmwene. Ndele ove va londwela, ndelenee inave va uda.

ESRA 9:10

Ndele paife Kalunga ketu hatu ti shike omolwoinima ei? Osheshi twa efa oipango yoye,

NEHEMIA 9:20

Ndele we va pa Omhepo yoye iwa, i va longe, omakanya avo ino a anyena omanna, ndele we va pa omeva menota lavo.

NEHEMIA 9:26

Ndele inava dulika vo ve ku twila ondubo nova ekela omhango yoye kombuda yavo. Novaxunganeki voye ovo ve va londwela, ve va alulile kwoove, ve va dipaa ndele va ninga oinima inene yoixuna yokusheka Kalunga.

NEHEMIA 9:29

Ndele Ove we va londwela va aluke komhango yoye, ndelenee ve linenepeka ndele inava pwilikina oipango yoye, ndele va nyona keenghedimhango doye, nande: omunhu ou te di diinine, ota ka kala e nomwenyo molwado. Ndelenee vo ove ku pilamena, ve ku pa ombuda ndele va kukutika eefingo davo ndele inava pwilikina.

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

OMAPSALOME 95:10

Omido omilongo ine onda li nda tondifwa kepupi olo, opo nda tya: ‘Oshiwana eshi shi nomitima da puka; ndele vo inava hala okushiiva eendjila dange.’

JESAJA 28:10

Oshipango okoshipango, oshipango okoshipango, onghedi okonghedi ikwao, onghedi okonghedi ikwao, oku kanini, kwinya kanini!”

JESAJA 42:24

Olyelye a yandja Jakob a luwe naIsrael a tinhwe? E he fi Omwene, ou twa nyona kuye. Ndele vo inava hala okweenda neendjila daye, noinava hala okudulika komhango yaye.

JESAJA 48:9

Molwedina lange mwene ohandi poleke ehandu lange, nohandi lididimikile efimano lange molwoku ku ningila ouwa, ndihe ku dime po sheke.

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

JEREMIA 25:4

Nomwene ina loloka oku mu tumina ovapiya vaye aveshe ovaxunganeki, ndelenee nye inamu pwilikina ngaashi inamu pakaleka omatwi eni mu ude ko.

JEREMIA 44:22

Opo Omwene ina dula vali oku li lididimikila owii woilonga yeni nomolwoixuna mwe i longa, onghee oshilongo sheni osha ninga omakulukuma nomaputu nondjovo yefingano shihe novanhu, ngaashi shi li nena eli.

JEREMIA 44:4

Ndele Ame onde mu tumina ovapiya vange ovaxunganeki efimbo keshe ndele nda tya: Inamu longa oixuna oyo, handi i tondo.

JEREMIA 44:5

Ndelenee vo inava pwilikina nongaashi inava ameka omatwi avo kwaame, va aluke kowii wavo nova efe okuxwikila oikalunga imwe omayambo.

JEREMIA 7:25

Okudja kefiku olo ooxokulu va tembuka medu laEgipiti fiyo onena, onde mu tumina ovapiya vange aveshe ovaxunganeki, omafiku nomafiku, inandi fya ounye.

OMAIMBILOKEMO 2:17

Omwene okwa shakenifa eshi Ye e shi nuninine. Ondjovo yaye okwe i wanifa, ei Ye e i tongele pomafiku onalenale; okwe shi ngumauna po ke nonghenda, nomutondadi okwe mu hafifa molwoye, nokwa yelulila pombada oluvinga lomunaita naave.

DANIEL 9:6

Ndele fye inatu pwilikina ovapiya voye ovaxunganeki, ava va popya medina loye keehamba detu nokovakulunhu vetu nokootate vetu nokovanhu aveshe vomoshilongo.

SAKARIA 7:12

Ova kukutika omitima davo ngaashi emanya ladiamande, vaha ude ko omhango neendjovo odo, Omwene womatanga ovakwaita, e di tuma neenghono dOmhepo yaye naado da dile movaxunganeki vonale. Osho hano ehandu linene lOmwene womatanga ovakwaita le uya.

SAKARIA 7:13

Onghee hano ngaashi ye e va ifana, ndele vo inava uda ko, osho yo otava ka ifana, ndele itandi ka uda ko, Omwene womatanga ovakwaita ta ti.

NUMERI 11:26

Ndelenee ovalumenhu vavali va fyaala monhanda. Edina laumwe Eldad nedina lamukwao Medad. NOmhepo ye uya nokombada yavo, shaashi vo yo ova shangelwa mo vo nande inava ya ketwali. Ndele vo ova xunganeka monhanda.

OILONGA YOVAYAPOSTOLI 13:18

Ndele okwe lididimikila eenghedi davo mombuwa efimbo li fike lwopomido omilongo ine,

OILONGA YOVAYAPOSTOLI 28:25

Opo nee vo eshi vaha li kumwe, ove lihana Paulus eshi a popya ondjovo ei nokutya: “Oda yuka odo Omhepo Iyapuki ya tongifa okanya komuxunganeki Jesaja, eshi a lombwela ooxo,

OILONGA YOVAYAPOSTOLI 7:51

“Ovakwandudi nye, ava mokupitetanda inamu li pita komitima nokomatwi, alushe nye mwa twa ondubo nOmhepo Iyapuki, ngaashi ooxo, osho nanye yo.

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

1 PETRUS 1:11

va konakona efimbo lilipi ile la tya ngahelipi Omhepo yaKristus yomuvo ye li hepaulula, eshi va xunganeka okuhepekwa kwaKristus nefimano tali shikula.

2 PETRUS 1:21

osheshi inapa etwa nande ouxunganeki kehalo lomunhu, ndelenee ovanhu ovayapuki ova popya odo ve di pewa kuKalunga nokuwilikwa kOmhepo Iyapuki.

2 PETRUS 3:9

Omwene ina fya ounye okuwanifa eudaneko laye, ngaashi vamwe hava diladila nokutya, okwa fya ounye, vati, ndelenee ohe mu tale onheni, osheshi ina hala pa kane nande umwe, ndelenee aveshe ve lialulukile melidilululo.