NEHEMIA 9:25 - Ombibeli Iyapuki

²⁵ Ndele va nangala oilando i neehotekuma nedu liwa, nova tinha eengulu di yadi oinima iwa i lili nai lili, eendungu da pandwa memanya, oikokola yomiviinyu nomiti domalumono nomiti dihapu doiimati. Ova lya ndele va kuta ndele va ondoka nova kala ve noshishipo omolwouwa woye munene.

NEHEMIA 9:25 ပူးပေါင်းရင်းမြစ်များ

1 EEHAMBA 14:9

Ndelenee ove wa longa owii muhapu u dule aveshe venya ve ku tetekela. Ove wa ya ndele we li ningila oikalunga imwe, oitelekwafano, ndele wa handukifa nge nokweekelashi nge konima yombuda yoye.

1 EEHAMBA 8:66

Mefiku etihetatu ye okwa lekela ovanhu, ndele vo ova nangeka noupuna ohamba ndele va ya komatwali avo, nokuhafa nokushambukwa meemwenyo omolwoinima aishe iwa Omwene a ningila omupiya waye David noshiwana shaye Israel.

NEHEMIA 9:35

Ndele nande va kala moshilongo shavo vene nomouyadi weeshali doye, odo we di va pele, ndele va kala medu la tandavela noli nouwa, vo inava aluluka moilonga yavo ii.

OMAPSALOME 105:44

opo nee e va pa oilongo yovapaani, nolukongo loiwana yoilongo, eli ye likongelele, vo ve li kwata,

OMAPSALOME 65:11

Omudo oto u wapeke nouwa woye, noshikoti shoye oto shi shishifile omaadi.

OMAYELETUMBULO 30:9

opo ngeenge nda kutilila, ndihe ku lidimbike nokutya: ‘Omwene olyelye?’ Nongeenge nda fya oluhepo, ndiha vake, nondi nyone kedina laKalunga kange.”

JESAJA 6:10

Kukutika omutima woshiwana eshi, fitika omatwi asho, twikifa omesho asho, opo shiha mone ko nomesho asho, shiha ude ko nomatwi asho, shiha koneke komutima washo, opo shihe lidilulule noshi ha velulwe.”

JESAJA 63:7

Ame nda hala okuudifa omauwanghenda Omwene, oilongatumbalo yOmwene, aishe ei Omwene e tu ningila, nouwa waye muhapu keumbo laIsrael, ouwa ou e tu hololela pafilonghenda laye, nopaunene womauwanghenda aye.

JEREMIA 2:7

Ndele Ame onde mu eta medu eli loikunino mu lye oiimati nounyenye wayo. Ndelenee nye eshi mwe uya mo mwa nyateka edu lange nefyuululo lange mwe li ninga oixuna.

JEREMIA 31:14

Ndele ohandi ka hekeleka eemwenyo dovapristeli neloolo, novanhu vange ohandi va kutifa nouwa wange, Omwene osho ta ti.”

JEREMIA 32:23

Ndelenee vo eshi ve uya mo nove li nangala, inava pwilikina ondaka yoye noinava shikula omhango yoye, nongaashi inava wanifa ei aishe we va lombwela ve i wanife. Onghee wa efa va hangike komupya ou aushe.

HESEKIEL 20:6

Mefiku tuu linya Ame nde va yelulila eke lange, ndi va pitife mo muEgipiti noku va twala koshilongo, nde shi va kongela, oshilongo shi yadi omashini nomaadi eenyiki, osho efimano mokati koilongo aishe.

DANIEL 11:24

Mokuvakela ote uya momikunda diwa doshishipo domoshilongo, ndele ye ota ka ninga osho inashi ningwa nale kooxe nokooxekulu. Oitinhwa noixuulwa noupuna ye ota ka tukulila ovanhu vaye, ndele e nomadiladilo okutotela eehotengulu, ndelenee fiyo okefimbo eli la tokolwa.

HOSEA 13:6

Ova kuta paulifilo wavo. Ndele eshi va kuta, momitima davo ve linenepeka. Onghee hano va dimbwa nge.

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

DEUTERONOMION 3:5

Oilando ei aishe ya li i neehotekuma dile, noivelo noiidilifo, nopa li yo omikunda dihe nomakuma.

DEUTERONOMION 32:13

Oye okwe mu endifa koikulundudu yedu ndele ye okwa lya oilya yomapya. Ndele okwe mu nyamifa omaadi eenyiki memanya nomaadi omomamanya makukutu,

DEUTERONOMION 32:14

omaadi eengobe nomashini eedi, pamwe nomakaadi oudjona needi deemhedi. Eengobe deemhedi domuBasan noikombo pamwe nounyenye woilya. Ove wa nwa ohonde yeeviinyu, omaviinyu taa eta onhutu.

DEUTERONOMION 32:15

“Opo nee Jesurun okwa ondoka nokwa umba omalunha, ove wa ondoka, wa pama, wa nyina, ndele ye okwa efa Kalunga, ou e mu ninga, nokwa dina emanya laye lexupifo.