NEHEMIA 9:21 - Ombibeli Iyapuki

²¹ Nomido omilongo nhee we va kalela noshisho mombuwa. Vo inava hepa sha. Noikutu yavo inai kulupa neemhadi davo inadi dinda.

NEHEMIA 9:21 ပူးပေါင်းရင်းမြစ်များ

OMAPSALOME 34:10

Eenghoshona odi udite oluhepo noda fya ondjala, ndelenee ou ta kongo Omwene, ye ita hepa sha shiwa nande.

EXODUS 16:35

Ndele Ovaisraeli va lile omanna omido omilongo ine fiyo va fika moshilongo shi novanhu. Vo ova lile omanna fiyo va fika kongaba yedu laKaanan.

AMOS 5:25

Nye eumbo laIsrael, omwa etela nge tuu omatomenoyambo neendjayambo momido adishe omilongo ine mombuwa,

OILONGA YOVAYAPOSTOLI 13:18

Ndele okwe lididimikila eenghedi davo mombuwa efimbo li fike lwopomido omilongo ine,

DEUTERONOMION 2:7

Osheshi Omwene Kalunga koye e ku nangeka noupuna moilonga aishe yomake oye. Ye okwa shiiva okweenda kwoye mombuwa ei inene. Omido omilongo nhee nokuli Omwene Kalunga koye a kala naave. Ove ino pumbwa nande osha.

DEUTERONOMION 29:5

Ndele Ame nde mu endifa mombuwa omido omilongo nhee; oikutu yeni mwe i djala, inai kulupa. Eenghaku deni dokeemhadi inadi kulupa.

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

DEUTERONOMION 8:4

Oikutu yoye inai kulupa neemhadi doye inadi dinda momido odo omilongo nhee.