NEHEMIA 9:17 - Ombibeli Iyapuki

¹⁷ heeno, va anya okudulika noinava dimbulukwa oikumwifalonga yoye, oyo we i va longela mokati kavo. Ndelenee va kukutika eefingo davo ndele moku ku twila ondubo ve lihoololela omukulunhu va shune moupika muEgipiti. Ndelenee Ove Kalunga ho dimi po omatimba, u nonghenda nolune, u nonheni ndele Oove omunene mouwanghenda: Ove wa li ino va ekelashi.

NEHEMIA 9:17 ပူးပေါင်းရင်းမြစ်များ

1 EEHAMBA 6:13

naame ohandi ka kala mokati kovana vaIsrael ndele itandi ka efa ovanhu vange Ovaisraeli.”

1 EEHAMBA 8:57

Omwene, Kalunga ketu na kale pamwe nafye ngaashi a kala pamwe nootate. Ye ehe tu efe nande ile e tu ekeleshi, ahowe,

2 OMAFIMBO 36:13

Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael.

ESRA 9:9

Osheshi fye ovapika. Ndelenee moupika wetu Kalunga ketu ine tu ekelashi, ndele okwe tu fila onghenda koshipala sheehamba daPersia, onghee hano ode tu pa okafudo tu tungulule ongulu yaKalunga ketu nomakulukuma ayo tu a longolole, nokwe tu pa ohotekuma muJuda nomuJerusalem.

NEHEMIA 9:31

Ndelenee omolwefilonghenda loye linene Ove ino va mana po sheke ndele ino va efa, osheshi Oove Kalunga u nefilonghenda nonghenda.

OMAPSALOME 106:13

Ndelenee inava kalela kudimbwa oinenelonga yaye, nomhangela yaye inave i telamena;

OMAPSALOME 106:7

Ootate yetu muEgipiti inava koneka oikumwifalonga yoye, inava dilakana ouhapu womaningilo ouwanghenda woye, va tumhakana mwoou wOkombadambada pEfuta Litilyana;

OMAPSALOME 130:4

Ndelenee pwoove ope nekufilo, opo u tilike.

OMAPSALOME 78:10

Inava kwatelelela mehangano laKalunga nova anya okweenda pamhango yaye,

OMAPSALOME 78:11

ndelenee ova dimbwa oinenelonga yaye noikumwifalonga e i va monifile.

OMAPSALOME 78:38

Ndelenee Ye okwa kala omunalukeno, nowii wavo e u kufa po, nokwa polifa luhapu ehandu laye melididimiko, Ye ina pendula onya yaye aishe;

OMAPSALOME 86:15

Ndelenee Omwene, Oove omunalukeno omunanghenda, nomunanheni, omunene mouwanghenda nomoshili.

OMAPSALOME 86:5

Osheshi Omwene, Ove u nonghedi iwa, u yadi ekufilo, Ove u nolukeno naava have ku ifana.

EXODUS 32:9

Omwene okwa tya vali kuMoses: “Ame nda tala oshiwana eshi, sho oshiwana shi nofingo ikukutu.

OMAYELETUMBULO 1:24

Ame eshi nda ifana nye mwa anya, eshi nda nana eke lange ndelenee nande umwe a pwilikina,

JEREMIA 18:15

Ndele oshiwana shange osha dimbwa nge. Tashi xwikile oikalunga yongaho omayambo. Yo ye shi pundula meendjila dasho, momalila onale, osho ngaha sha puka, hashi ende neendjila dopomunghulo, neendjila inadi kokolwa;

JEREMIA 19:15

Omwene womatanga ovakwaita, Kalunga kaIsrael ota ti ngaha: Tala, Ame ohandi etele kombada yoshilando eshi nokombada yoilando ikwao aishe ei i li mepangelo lasho oshiponga, nde shi shi xunganekela, osheshi ova kukutika eefingo davo, ndele inava pwilikina eendjovo dange.

JEREMIA 7:26

Ndelenee inava uda nge nongaashi inava ameka omatwi avo kwaame, vo ova li ve noshityani ve dule ooxekulu yavo owii.

HESEKIEL 5:6

Ndelenee mokuninga ondubo nomaufo ange, ouhenakalunga washo u dule woiwana yovapaani nomokuninga ondubo neemhango dange shi dule oilongo ye shi dingilila. Osheshi ova ekelashi eemhango dange ndele inava enda meemhango dange.

DANIEL 9:9

Omwene Kalunga ketu Ye oku nefilonghenda nedimepo lomatimba, osheshi fye otwa twa ondubo naye,

JOEL 2:13

Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

LEVITIKUS 26:44

Ndelenee fimbo vo ve li yo medu lovatondadi vavo Ame itandi va ekeleshi, ndele itandi va nyonyodola, ndi va mane po ngeno ile ndi teye po ehangano letu navo, osheshi Aame Omwene Kalunga kavo.

NAHUM 1:3

Omwene Ye omutalanheni e neenghono dihapu. Ndelenee Omwene ita efa okuhandukila. Ondjila yaye otai ende mokafudaela nomoshikungulu. Noilemo oyo ondwi yeemhadi daye.

NUMERI 14:11

Omwene okwa lombwela Moses ndee ta ti: “Oshiwana eshi otashi ka dina nge fiyo onaini? Ndele fiyo onaini hava kala ihava itavele nge, Ame nande nda ninga omadidiliko aa aeshe mokati kavo?

NUMERI 14:41

Ndele Moses e va lombwela: “Omolwashike tamu tauluka vali elombwelo lOmwene, osheshi nye itamu ka dula?

NUMERI 16:14

Navali ino tu twala medu linya li yadi omashini nomaadi eenyiki, ndele ino tu pa omapya noikokola yomaviinyu efyuululo. Ove wa hala mbela okutwiyula mo omesho ovalumenhu ava? Ahowe, fye itatu uya ko.

OILONGA YOVAYAPOSTOLI 7:39

Ndelenee ootate inava hala okudulika kuye, vo ove mu ekelashi ndele momitima davo ova shuna kuEgipiti,

OVAROMA 9:15

Osheshi Oye ta ti kuMoses: “Ohandi ka fila onghenda ou handi mu file onghenda, nohandi ka fila olukeno ou handi mu file olukeno.”

OVAHEBERI 12:25

Taleni hano, muha kandule po ou ta popi, osheshi ngeenge venya va kandula po ou a holola ehalo laKalunga kombada yedu, va nyengwa okuya onhapo, unene tuu fye, ngeenge hatu pilamene ou te li holola e li meulu.

1 SAMUEL 12:22

Osheshi Omwene omolwedina laye linene ina hala okweekelashi ovanhu vaye, osheshi Omwene a hala oku mu ninga oshiwana shaye mwene.