NEHEMIA 9:16 - Ombibeli Iyapuki

¹⁶ Ndelenee venya, nokutya ootate, va li va shishimana nova kukutika eefingo davo ndele inava dulika koipango yoye,

NEHEMIA 9:16 ပူးပေါင်းရင်းမြစ်များ

2 EEHAMBA 17:14

Ndelenee inava pwilikina ndele va kukutika eefingo davo, ngaashi eefingo dooxe ovo inave lineekela Omwene Kalunga kavo.

2 OMAFIMBO 29:6

Osheshi ootate va nyona ndele va ninga osho inashi yuka moipafi yOmwene Kalunga ketu, ndele ve mu efa ndele va pilamena otembeli yOmwene ndele ve i pa ombuda.

2 OMAFIMBO 30:8

Inamu kukutika eefingo deni ngaashi ooxo; yandjeni kOmwene omake ndele ileni kotembeli yaye, Ye e i yapula fiyo alushe, mu longele Omwene Kalunga keni, opo oupyuhandu waye u dje po punye.

2 OMAFIMBO 36:13

Ye okwe liteeka yo ohamba Nebukadnesar, nande yo oye mu anifa puKalunga. Ndelenee ye okwa li e nofingo ikukutu nokwa kukutika omutima waye, onghee hano ina ama kOmwene Kalunga kaIsrael.

NEHEMIA 9:10

Ndele Farao novapiya vaye aveshe novanhu aveshe vomoshilongo shaye we va ningila omadidiliko noikumwifalonga. Osheshi wa li u shi shii, nokutya vo ove va hepeka mokulinenepeka, Ove we liningila edina ngaashi li li nena eli.

NEHEMIA 9:29

Ndele Ove we va londwela va aluke komhango yoye, ndelenee ve linenepeka ndele inava pwilikina oipango yoye, ndele va nyona keenghedimhango doye, nande: omunhu ou te di diinine, ota ka kala e nomwenyo molwado. Ndelenee vo ove ku pilamena, ve ku pa ombuda ndele va kukutika eefingo davo ndele inava pwilikina.

OMAPSALOME 106:6

Fye nootate, atushe otwa nyona, twe livilikita ndele twa longa oidinifikalunga.

OMAPSALOME 81:8

Oshiwana shange, pwilikine nge: onda hala ndi ku londwele, Israel, ngeno u ude nge!

EXODUS 15:26

ndele ta ti: “Ove ngeenge to pwilikine nokudiinina ondaka yOmwene Kalunga koye ndele to longo eshi sha yuka momesho aye, ndele to dulika koipango yaye nokeenghedimhango daye, opo nee itandi ku undulile oshiponga nande shimwe sha fa oyo Ame nda undwila kombada yoshilongo shOvaegipiti. Osheshi Aame Omwene ou te ku velula.”

EXODUS 32:9

Omwene okwa tya vali kuMoses: “Ame nda tala oshiwana eshi, sho oshiwana shi nofingo ikukutu.

OMAYELETUMBULO 29:1

Omulumenhu ou a handukilwa shili ndele ta kukutike ofingo yaye, ota teywa po divadiva ehe nekwafo.

JESAJA 48:18

Akutu, ngeno ove wa li wa diinina oipango yange, ngeno ombili yoye oya kala ngaashi omulonga tau tondoka, nouyuki woye ngaashi omakufikufi omefuta;

JESAJA 48:4

Osheshi ame onda li ndi ku shii, oove omulundakani, nofingo yoye oi nomifipa doivela noshipala shoye oshikushu,

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

JEREMIA 19:15

Omwene womatanga ovakwaita, Kalunga kaIsrael ota ti ngaha: Tala, Ame ohandi etele kombada yoshilando eshi nokombada yoilando ikwao aishe ei i li mepangelo lasho oshiponga, nde shi shi xunganekela, osheshi ova kukutika eefingo davo, ndele inava pwilikina eendjovo dange.

JEREMIA 2:31

Akutu, oludalo nye, pwilikineni ondjovo yOmwene! Aame ombuwa kuIsrael vati, ile edu lomilaulu? Omolwashike hano ovanhu vange tava ti: ‘Fye hatu lipangele fye vene, itatu uya vali kwoove.’

JEREMIA 7:26

Ndelenee inava uda nge nongaashi inava ameka omatwi avo kwaame, vo ova li ve noshityani ve dule ooxekulu yavo owii.

HESEKIEL 5:6

Ndelenee mokuninga ondubo nomaufo ange, ouhenakalunga washo u dule woiwana yovapaani nomokuninga ondubo neemhango dange shi dule oilongo ye shi dingilila. Osheshi ova ekelashi eemhango dange ndele inava enda meemhango dange.

OILONGA YOVAYAPOSTOLI 7:51

“Ovakwandudi nye, ava mokupitetanda inamu li pita komitima nokomatwi, alushe nye mwa twa ondubo nOmhepo Iyapuki, ngaashi ooxo, osho nanye yo.

OVAROMA 2:5

Ndelenee melikukutiko loye nomokuhelidilulula kwomutima woye, oto lihapupalifile ehandu mefiku lehandu noleholoko liyuki laKalunga,

DEUTERONOMION 31:27

Osheshi okwaanya kwoye noukukutu wofingo yoye ondi u shii. Nye eshi mwa li mu nondubo nOmwene nena, fimbo ame ndi nomwenyo, otamu ka kala mwa tya ngahelipi ame ngeenge nda fi?

DEUTERONOMION 32:15

“Opo nee Jesurun okwa ondoka nokwa umba omalunha, ove wa ondoka, wa pama, wa nyina, ndele ye okwa efa Kalunga, ou e mu ninga, nokwa dina emanya laye lexupifo.

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

DEUTERONOMION 9:13

“Omwene okwa popya vali naame ndele ta ti: ‘Ame nda tala oshiwana eshi, ndele tala, sho oshiwana shikukutu.

DEUTERONOMION 9:27

Dimbulukwa ovapiya voye Abraham, Isak naJakob. Ino tala oukukutu wovanhu ava ile oukolokoshi wavo ile omatimba avo,

DEUTERONOMION 9:6

“Kala u shi shii hano nokutya, Omwene Kalunga koye ite ku pe edu eli liwa u li nangale molwouyuki woye, osheshi ove oshiwana sha lundakana.

OVAHEBERI 3:13

Ndelenee kumaidafaneni keshe efiku manga tapa tiwa “nena,” paha kale nande oumwe womunye ta kukutikwa kekotokelo loulunde.

OVAHEBERI 3:15

Eshi tapa tiwa: “Nena eli ngeenge tamu udu ondaka yaye, inamu kukutika omitima deni ngaashi sha ningilwe meluliko.”