NEHEMIA 9:14 - Ombibeli Iyapuki

¹⁴ Owe va shiivifila Eshabata loye liyapuki ndele we va pefifa omupiya woye Moses, oipango neenghedimhango.

NEHEMIA 9:14 ပူးပေါင်းရင်းမြစ်များ

GENESIS 2:3

Ndele Kalunga okwa nangeka noupuna efiku etiheyali nokwe li yapula, shaashi Ye omo a tulumukwa koilonga yaye aishe e i shita noku i ninga.

NEHEMIA 1:8

Dimbulukwa hano ondjovo we i lombwela omupiya woye Moses nokutya: ‘Ngeenge tamu liteeka, Ame ohandi ke mu halakanifila mokati koiwana,

NEHEMIA 10:32

Ndele twa udafana oshinakuwanifwa eshi, nokutya tu yandje momudo keshe okatitatu kosekeli molweyakulo lomotembeli yaKalunga.

EXODUS 16:23

Opo nee ye te va lombwele ta ti: “Osho ngaha Omwene a tonga. Mongula efiku letulumuko, Eshabata liyapuki lOmwene. Oyo mwa hala oku i teleka, i telekeni, naayo mwa hala okupaka po, i pakeni po nena. Naaishe ei ya xupa po, i tuvikileni, i xupifileni efiku lomongula.”

EXODUS 16:29

Taleni, Omwene e mu pa Eshabata, onghee te mu pe omungome womafiku avali mefiku etihamano. Keshe umwe na fyaale apa e li mefiku etiheyali, ye ina pita mo monhele yaye.”

EXODUS 24:12

Ndele Omwene okwa lombwela Moses: “Londa komhunda u uye kwaame u menekele po, opo ndi shiive oku ku pa oipelende yomamanya nomhango noipango nde i shangela mo oku va longa.”

HESEKIEL 20:11

Ndele Ame nde va pa eenghedimhango dange, ndele nde va shiivifila omalombwelo ange, omunhu ou te a diinine, ta kala e nomwenyo molwao.

HESEKIEL 20:12

Nomashabata ange, Ame nde e va pa, a ninge edidiliko pokati ketu navo, opo va shiive nokutya, Aame Omwene ohandi va yapula.

HESEKIEL 20:20

ndele yapuleni omashabata ange. Ndele oo taa ka ninga edidiliko pokati ketu nanye, opo mu shiive nokutya, Aame Omwene Kalunga keni.

LEVITIKUS 19:3

Keshe umwe e nokutila ina naxe nokudiinina omashabata ange. Aame Omwene Kalunga keni.

LEVITIKUS 27:34

Oyo hano oipango Omwene e i pa Moses komhunda yaSinai e i lombwele ovana vaIsrael.

JOHANNES 1:17

Osheshi omhango ya yandjwa kuMoses; efilonghenda noshili olo la etwa kuJesus Kristus.

DEUTERONOMION 4:45

Odo eendobwedi neenghedimhango nomalombwelo, Moses e a lombwela ovana vaIsrael mokudja kwavo muEgipiti,

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

DEUTERONOMION 5:31

Ndelenee ove kala ofika apa pwaame, opo ndi shiive oku ku lombwela oipango aishe neenghedimhango nomalombwelo, aa ove u noku e va longa, vo opo va shiive oku a wanifa medu olo Ame handi ke va pa, ve li nangale.’