NEHEMIA 9:13 - Ombibeli Iyapuki

¹³ Ove wa londoloka komhunda yaSinai ndele we va popifa, owe va pa omalombwelo a yuka neemhango di shii kulineekelwa, eenghedimhango diwa noipango.

NEHEMIA 9:13 ပူးပေါင်းရင်းမြစ်များ

2 EEHAMBA 17:37

Neenghedimhango nomalombwelo nomhango, oyo Ye e va shangela, ve noku i diinina shili alushe, ndelenee vaha tile oikalunga imwe.

ESRA 7:6

Esra oye tuu ou, a fikama a dja muBabilon. Ye okwa li omunongo womishangwa, omukoneki womhango yaMoses, oyo ya yandjwa kOmwene, Kalunga kaIsrael. Nohamba ye mu pa ashishe ye e shi hala, shaashi eke lOmwene, Kalunga kaye, la li kombada yaye.

OMAPSALOME 119:137

Omwene Oove omuyuki, nomatokolo oye okwa yuka.

OMAPSALOME 119:160

Etindi londjovo yoye olo oshili, nakeshe tuu onghedimhango yoye youyuki otai kalelele po fiyo alushe.

OMAPSALOME 119:4

Ove mwene wa pangela eemhango doye, do di diininwe shili.

EXODUS 16:23

Opo nee ye te va lombwele ta ti: “Osho ngaha Omwene a tonga. Mongula efiku letulumuko, Eshabata liyapuki lOmwene. Oyo mwa hala oku i teleka, i telekeni, naayo mwa hala okupaka po, i pakeni po nena. Naaishe ei ya xupa po, i tuvikileni, i xupifileni efiku lomongula.”

EXODUS 19:11

nava kale ve lilongekida mefiku etitatu. Osheshi mefiku etitatu Omwene ote ke uya komhunda yaSinai moipafi yoshiwana ashishe.

EXODUS 20:1

Ndele Kalunga okwa popya eendjovo adishe edi ndele ta ti:

EXODUS 20:22

Ndele Omwene okwa lombwela Moses: “Lombwela Ovaisraeli u tye: Nye vene mwa mona, Ame nde mu popifa meulu.

JESAJA 64:1

Akutu, ngeno u pombaule eulu ndele to kulukile poshi neemhunda ngeno di tengauke koshipala shoye,

JESAJA 64:3

eshi ove to longo oitilifalonga ei inatu i teelela! Akutu ngeno u kulukile poshi opo eemhunda di tengauke koshipala shoye!

HABAKUK 3:3

Kalunga te uya, ta di kuTeman, nomuyapuki komhunda yaParan. Sela. Ounenepangelo waye tau tuvike eulu, nedu li yadi ehambelelo laye.

OVAROMA 7:16

Ndele ngeenge handi longo eshi inandi shi hala, ohandi itavele nokutya, omhango oyo iwa.

DEUTERONOMION 33:2

Ndele ye okwa tile: Omwene okwe uya, a dja kuSinai, ndele okwe va pitila ngetango muSeir. Ye okwe va holokela mouyelele woshinge keemhunda daParan nokwa dja mengafifi lovayapuki omayovi omulongo. Kolulyo laye kwa monika omhango ya xwama omundilo moipafi yavo.

DEUTERONOMION 4:33

Oku na tuu oshiwana sha uda ondaka yaKalunga tai popi momundilo, ngaashi ove wa udile, ndele wa kala nomwenyo?

DEUTERONOMION 4:36

Meulu Ye e ku udifila ondaka yaye, opo e ku longe Ndele kombada yedu Ye e ku talififa omundilo waye munene, ndele ove wa uda eendjovo daye momundilo.

DEUTERONOMION 4:8

Noshiwana shilipipo shinene shi li po ngeno shi neenghedimhango da yuka nomalombwelo ngaashi omhango aishe ei ame handi mu pe nena?

DEUTERONOMION 5:4

NOmwene okwa popya nanye koshipala noshipala momundilo komhunda,