NEHEMIA 9:12 - Ombibeli Iyapuki

¹² Ndele we va kwatela komesho omutenya moluudi loshilemo ndele oufiku moluudi lomundilo u va minikilile ondjila nayo va li ve nokweenda.

NEHEMIA 9:12 ပူးပေါင်းရင်းမြစ်များ

NEHEMIA 9:19

Ove omolwefilonghenda loye linene ino va efa mombuwa. Oluudi loshilemo inali kanduka po puvo omutenya, le va endifa nondjila, noluudi lomundilo yo oufiku le va minikilila ondjila vo va li ve nokweenda nayo.

OMAPSALOME 105:39

Ye okwe va uvikila noshilemo ngaashi onhanga, nomundilo wokuminikila oufiku;

OMAPSALOME 107:7

ndele e va endifa mondjila ya yuka, vo va fike koshilando va kale mo,

OMAPSALOME 143:8

Ngeenge taku shi, uditile nge ouwanghenda woye, osheshi Oove nde lineekela. Udikile nge ondjila, ame ndi ende nayo, osheshi kwoove, oko handi yelula omwenyo wange.

OMAPSALOME 78:14

Omutenya okwe va endifa moshilemo, noufiku aushe onomutemo womundilo.

EXODUS 15:13

Ndele mouwanghenda woye ove wa endifa oshiwana shoye we shi kulila; neenghono doye we va fikifa konhele yoye iyapuki.

HESEKIEL 20:6

Mefiku tuu linya Ame nde va yelulila eke lange, ndi va pitife mo muEgipiti noku va twala koshilongo, nde shi va kongela, oshilongo shi yadi omashini nomaadi eenyiki, osho efimano mokati koilongo aishe.

NUMERI 9:16

Osho ngaha sha kala alushe: oshilemo she li tuvika, ndele oufiku oluudi lomundilo.

NUMERI 9:21

Ndele pomafimbo amwe oshilemo osha kala po okudja konguloshi fiyo okonguloshi ikwao, ndele shamha oshilemo she litumbu po ongula, vo ohava fikama po. Ngee nee omutenya ile oufiku oshilemo she litumba po, ohava fikama po.

DEUTERONOMION 1:33

ou e mu tetekelela nondjila oku mu kongela onhele yokwoonga onhanda yeni, oufiku momundilo opo mu mone ondjila tamu ende nayo, nomomutenya moshilemo.