NEHEMIA 8:7 - Ombibeli Iyapuki

⁷ Ndele Josua naBani naSerebja, Jamin, Akkub, Sabbetai, Hodia, Maasea, Kelita, Asaria, Josabad, Hanan, Pelaja nOvalevi va longa ovanhu omhango, fimbo ovanhu va kala ofika peenhele davo.

NEHEMIA 8:7 ပူးပေါင်းရင်းမြစ်များ

1 EEHAMBA 8:14

Ovaisraeli aveshe ova li ofika, nohamba ya taalela kuvo ndele tai va indilile enangeko noupuna kuKalunga.

2 OMAFIMBO 30:22

Ndele Hiskia okwa popifa nombili Ovalevi aveshe, ava va wanifa oilonga yavo paunongo wokufimaneka Omwene. Nomafiku aheyali va lya omayambo oshivilo ndele va yamba omapanduloyambo, ndele tava hambelele Omwene Kalunga kooxe.

2 OMAFIMBO 35:3

Nokwa lombwela Ovalevi ava va longa Ovaisraeli aveshe ndele ovo va li ve liyapulila Omwene: “Tuleni oshikefa shiyapuki mongulu oyo Salomo yaDavid, ohamba yaIsrael, e i tunga. Itamu pumbwa vali oku shi humbata komapepe. Longeleni paife Omwene Kalunga keni novanhu vaye Ovaisraeli.

ESRA 8:18

Ndele shaashi eke liwa laKalunga la li kombada yetu, ove tu tumina ovalumenhu ovanaendunge vomovana vaMahli yaLevi yaIsrael nokutya, Serebja pamwe novana vaye novamwaina ovalumenhu omulongo navahetatu;

NEHEMIA 10:18

Hodia, Hasum, Besai,

NEHEMIA 10:2

Seraja, Asaria, Jeremia,

NEHEMIA 11:16

naSabbetai naJosabad, ovakulunhu vOvalevi ova pashukila oilonga yopondje yongulu yaKalunga.

NEHEMIA 11:19

Novanangeli vopoivelo: Akkub, Talmon novamwaina ovalumenhu ava va nangela poivelo va li efele nomilongo heyali navavali.

NEHEMIA 12:33

naAsaria, Esra naMesullam,

NEHEMIA 3:17

Komesho yaye Ovalevi va tungulula: Rehum yaBani; polwamba laye Hasabja, omukulunhu wombinga yoshitukulwa Keila, okwa tungulula onhele yoshitukulwa shaye.

NEHEMIA 3:19

Ndele komesho yaye Eser yaJosua, omukulunhu waMispa, okwa tungulula onhele onhivali ya shaama nonhele oyo omo tamu londwa kongulu yoiti nokutya, okolonela yomekuma.

NEHEMIA 3:23

Komesho yaye Benjamin naHassub va tungulula onhele ya shaama nongulu avo. Komesho yaye Asaria yaMaasea yaAnanja a tungulula pongulu yaye.

NEHEMIA 8:12

Opo oshiwana ashishe sha fikama sha lya ndele sha nwa ndele sha tumina eendja ovo inava telekelwa sha ndele sha dana oshivilo shehafo. Osheshi osho sha li shi udite ko eendjovo she di lombwelwa.

NEHEMIA 8:4

Nomunongo womishangwa Esra okwa kala ofika koshipundi shile shoiti osho ve shi pangelela oshiongalele eshi, ndele puye kolulyo laye pa kala ofika: Matitia naSema naAnaja naUria naHilkia naMaasea. Ndele kolumosho laye: Pedaja naMishael naMalkia naHasum naHasbaddana, Sakaria naMesullam.

NEHEMIA 8:6

Ndele Esra okwa hambelela Omwene Kalunga kanene, oshiwana ashishe osha nyamukula nokuyelula omake asho: “Amen! Amen!” opo ve linyongamena nokwiilikana Omwene, oipala yavo ya twa pedu.

NEHEMIA 8:8

Ndele vo va lesha membo, momhango yaKalunga, va lesha nawa ndele ve i fatulula, opo va kale ve udite ko odo da leshwa.

NEHEMIA 9:3

Ndele va kala ofika peenhele davo ndele va leshelwa membo lomhango yOmwene Kalunga kavo mokafimbo okatine komefiku, ndele va hepaulula omatimba nokwiilikana Omwene Kalunga kavo mokafimbo okatine komefiku.

NEHEMIA 9:4

Ndele mOvalevi Josua naBani, Kadmiel, Sebanja, Bunni, Serebja, Bani, Kenani va londa keenhele dOvalevi opo pa tumba ndele va indila nondaka yopombada Omwene Kalunga kavo.

LEVITIKUS 10:11

ndele nye mu nokulonga ovana vaIsrael eenghedimhango adishe Omwene e di va shiivifila mokanya kaMoses.”

MALAKIA 2:7

Osheshi omilungu domupristeli di nokutuvikila okushiiva nomokanya kaye tamu ka kongwa elongo, osheshi ye omutumwa wOmwene womatanga ovakwaita.

DEUTERONOMION 33:10

Vo otava ka longa Jakob eenghedimhango doye, naIsrael omhango yoye. Vo otava ka tula po moipafi yoye oitwiminifo nokoaltari yoye ouyadiyambo.