NEHEMIA 8:3 - Ombibeli Iyapuki

³ Nokwa lesha mo muyo ponhele ya andjuka komesho yOshivelo shomeva, oketendo leluwa fiyo opokati komutenya moipafi yovalumenhu noyovakainhu ava ve neendunge okushiiva. Nomatwi ovanhu aveshe ve a pakalekela embo lomhango.

NEHEMIA 8:3 ပူးပေါင်းရင်းမြစ်များ

NEHEMIA 10:29

va ama kuvakwao ovalumenhu ovanamadina mokati kavo ndele va ana nokwaanenena nokutya, oshinakuwanifwalonga shavo osho okudiinina omhango yaKalunga ya pelwe Moses, omupiya waKalunga, nokudiinina nokuwanifa oipango aishe yOmwene, Kalunga ketu nomalombwelo aye neenghedimhango daye.

NEHEMIA 13:1

Efiku tuu olo va leshela momatwi ovanhu momhango yaMoses. Ndele omo mwa shangwa nokutya, nande Omuammoni ile Omumoabi umwe ita itavelelwa okuuya fiyo alushe meongalo laKalunga.

NEHEMIA 8:1

Ndele ohani onhiheyali eshi ye uya, Ovaisraeli fimbo va kala moilando yavo, oshiwana ashishe sha ongala ngaashi omunhu umwe ponhele ya andjuka komesho yOshivelo shomeva ndele ovanhu va lombwela Esra, omunongo womishangwa, a ete embo lomhango yaMoses, ei Omwene e i pa Ovaisraeli.

NEHEMIA 8:18

Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

NEHEMIA 8:4

Nomunongo womishangwa Esra okwa kala ofika koshipundi shile shoiti osho ve shi pangelela oshiongalele eshi, ndele puye kolulyo laye pa kala ofika: Matitia naSema naAnaja naUria naHilkia naMaasea. Ndele kolumosho laye: Pedaja naMishael naMalkia naHasum naHasbaddana, Sakaria naMesullam.

NEHEMIA 8:5

Ndele Esra okwa pandja embo moipafi yovanhu aveshe, osheshi ye okwa li a kala ofika a londa e dule ovanhu aveshe. Ndele ye eshi e li pandja, ovanhu aveshe va kala ofika.

MARKUS 12:37

David ye mwene ote mu ifana ngaha Omwene, openi nee hano omona waye?” Ndele ovanhu vahapu ova kala ve mu pwilikina nehafo.

LUKAS 19:48

ndele va nyengwa nhumbi ve mu ninge, osheshi ovanhu aveshe ve mu hokwa ndele ove mu pwilikina.

LUKAS 8:18

Taleni hano nhumbi tamu udu, osheshi ou e kwete, ye ota pewa, ndele ou ehe na, ye ota kufwa naasho e shii e shi kwete.”

OILONGA YOVAYAPOSTOLI 13:15

Ndele omhango novaxunganeki eshi ya leshwa, oovene voshinagoga ova tuma kuvo ndele tava ti: “Ovalumenhu nye ovamwatate, ngeenge mu nondjovo yekumaido yokulombwela ovanhu, popyeni hano.”

OILONGA YOVAYAPOSTOLI 13:27

Osheshi Ovajerusalem novakulunhu vavo eshi inava koneka Jesus, omoku mu tokola, va wanifa yo eendjovo dovaxunganeki, edi hadi leshwa keshe Eshabata.

OILONGA YOVAYAPOSTOLI 15:21

Osheshi Moses e novaudifi vaye noshito nale omoilando aishe, ngaashi omishangwa daye tadi leshwa meeshinagoga omashabata aeshe.”

OILONGA YOVAYAPOSTOLI 16:14

Ndele omukainhu umwe, edina laye Lidia, omushingifi woiyata itilyana wokoshilando shaTiatira, omutilikalunga, okwa li ta pwilikine, ndele Omwene okwa yeulula omutima waye okutambula odo da tongwa kuPaulus.

OILONGA YOVAYAPOSTOLI 17:11

Ndele Ovajuda ava ova li ovanaendunge ve dule venya vokuTessalonika, ova tambula nohokwe eendjovo daKalunga, ndele tava konakona momishangwa omafiku aeshe, va tale, ei ve i lombwelwa, ngeenge oyoshili tuu.

OILONGA YOVAYAPOSTOLI 20:11

Ndele ye okwa londa ko vali, ndele ta tukula omungome, ndele ta li, nokwa twikila okupopya fiyo eluwa la tenda, ndele ye ta i.

OILONGA YOVAYAPOSTOLI 20:7

Ndele mefiku lotete loshivike, eshi twa li twa ongalela okutukula omungome, naPaulus ou a hala oku ka enda mefiku lomongula okwa popya navo, neendjovo daye okwe di twikila fiyo opokati koufiku.

OILONGA YOVAYAPOSTOLI 28:23

Ovo ve mu pa efiku, ndele eshi la fika, vahapu ve dule voshito ove uya kuye monduda yaye. Ndele ye okwe va fatululila ndele te va hepaululile ouhamba waKalunga, ndele te va longo okuhovela ongula fiyo onguloshi, nokwa hetekela oku va tomhifa omhango yaMoses novaxunganeki, va koneke Jesus.

DEUTERONOMION 31:9

Ndele Moses okwa shangela membo omhango ei, nokwe li yandja kovapristeli, Ovalevi, ava va li ve nokuhumbata oshikefa shehangano lOmwene nokovakulunhu vOvaisraeli.

1 OVATESSALONIKI 2:13

Onghee hano nafye yo ohatu pandula Kalunga tuhe nedimbuko, osheshi ondjovo yaKalunga mwe i uda kufye, mwe i tambula hangaashi ondjovo yovanhu, ndelenee ongaashi i li shili ondjovo yaKalunga, ei tai longo yo munye ava mwa itavela.

JOSUA 8:35

Meendjovo odo da tongwa kuMoses inamu kala nande imwe Josua ine i leshela oshiongalele ashishe shaIsrael, pamwe novalikadi nounona novanailongo ava va enda pamwe navo.

EHOLOLO 2:29

Ou e nokutwi, na ude eshi Omhepo tai shi lombwele omaongalo.’

EHOLOLO 3:22

Ou e nokutwi, na ude ko eshi Omhepo tai shi lombwele omaongalo.’ ”