NEHEMIA 8:2 - Ombibeli Iyapuki

² Ndele omupristeli Esra okwa eta omhango komesho yoshiongalele shovalumenhu noshovakainhu naaveshe ve neendunge oku i uda. Eshi osha ningwa mefiku lotete mohani onhiheyali.

NEHEMIA 8:2 ပူးပေါင်းရင်းမြစ်များ

NEHEMIA 10:29

va ama kuvakwao ovalumenhu ovanamadina mokati kavo ndele va ana nokwaanenena nokutya, oshinakuwanifwalonga shavo osho okudiinina omhango yaKalunga ya pelwe Moses, omupiya waKalunga, nokudiinina nokuwanifa oipango aishe yOmwene, Kalunga ketu nomalombwelo aye neenghedimhango daye.

NEHEMIA 13:1

Efiku tuu olo va leshela momatwi ovanhu momhango yaMoses. Ndele omo mwa shangwa nokutya, nande Omuammoni ile Omumoabi umwe ita itavelelwa okuuya fiyo alushe meongalo laKalunga.

NEHEMIA 8:18

Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

NEHEMIA 8:9

Opo nee omupangeli Nehemia naEsra omupristeli nomunongo womishangwa nOvalevi ovo va longa oshiwana nokulombwela oshiwana ashishe tava ti: “Efiku eli ola yapulilwa Omwene Kalunga keni. Inamu nyika oluhodi nye inamu lila!” Osheshi oshiwana ashishe sha lila, eshi sha uda eendjovo domhango.

NEHEMIA 9:1

Ndele mefiku etimilongo mbali netine lohani ei ovana vaIsrael va ongala ndele ve lidilika va djala oikutu yeefya ndele ve liunda edu komitwe davo.

JESAJA 28:9

“Oolyelye mbela ta diladila oku va pukulula? Oolyelye ngeno te va longo nomaudifo aye? Mbela vo opo va tova, va kufwa komavele oina?

LEVITIKUS 23:24

a lombwele ovana vaIsrael a tye: “Mohani onhiheyali efiku lotete lohani olo efiku letulumuko leni, efiku ledimbulukifo neshiko lomanghuma, efiku loshiongalele shiyapuki.

MALAKIA 2:7

Osheshi omilungu domupristeli di nokutuvikila okushiiva nomokanya kaye tamu ka kongwa elongo, osheshi ye omutumwa wOmwene womatanga ovakwaita.

NUMERI 29:1

“Ndele mohani onhiheyali mefiku lotete lohani nye mu nokwoongala moshiongalele sheni shiyapuki. Inamu longa sha shomoilonga yeni. Olo nali ninge kunye efiku lokushika enghuma.

OILONGA YOVAYAPOSTOLI 15:21

Osheshi Moses e novaudifi vaye noshito nale omoilando aishe, ngaashi omishangwa daye tadi leshwa meeshinagoga omashabata aeshe.”

DEUTERONOMION 17:18

Ndele yo ngeenge tai kala omutumba kolukalwapangelo layo, yo i nokulishangela omushangululwamhango womomhango ei womembo li li momake ovapristeli Ovalevi.

JOSUA 8:35

Meendjovo odo da tongwa kuMoses inamu kala nande imwe Josua ine i leshela oshiongalele ashishe shaIsrael, pamwe novalikadi nounona novanailongo ava va enda pamwe navo.