NEHEMIA 6:9 - Ombibeli Iyapuki

⁹ Osheshi vo aveshe va li va hala oku tu mbadapaleka ndele va diladila: “Omake avo taa ka tyololoka okulonga, sho shiha ningwe.” Pameka hano omake ange!

NEHEMIA 6:9 ပူးပေါင်းရင်းမြစ်များ

2 OMAFIMBO 15:7

Ndelenee nye kaleni mwa pama, omake eni aha tyololoke, osheshi oshilonga sheni shi nondjabi.”

2 OMAFIMBO 32:18

Ndele vo ova popya mOshiheberi kovakwaita vomuJerusalem, ve li kekuma lohote, opo va tilifwe nokuhaluka, venya va dule okunangala oshilando shavo.

ESRA 1:6

Novashiinda aveshe vavo va kwafa oinima yoisiliveli noshingoldo noimuna neeshali di nondilo, ponho yaaishe ei ova eta eeshali dehalo liwa.

NEHEMIA 6:14

Kalunga kange, dimbulukwa Tobia naSanballat pailonga ei yavo, nosho yo omuxunganeki omukainhu Noadja novaxunganeki vamwe vo va hala okumbadapaleka nge!

OMAPSALOME 138:3

Eshi nda li nde ku ifana owa uda nge owa dika nge, onyati, omwenyo wange wa mona eenghono.

OMAPSALOME 56:3

Efiku eli handi tilifwa, Ove handi lineekele nokuli.

OMAPSALOME 68:35

Kalunga omutilifi, mouyapuki waye otamu di etilifo. Akutu Israel! Kalunga kaIsrael, Oye ta yandje eenghono nepangelo koshiwana shaye. Kalunga na hambelelwe!

OMAPSALOME 71:1

Kwoove, Omwene, oko handi kongo ouhondameno, ino efa ndi fifwe ohoni nande fiyo alushe.

JESAJA 40:29

Oye ota pe ava va loloka ouladi, ndele ta hapupalifa eenghono daau ehe na eenghono.

JESAJA 41:10

Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.

JEREMIA 38:4

Opo nee ovakulunhu va lombwela ohamba tava ti: “Omulumenhu ou na dipawe, osheshi ota fifa ovakwaita ounye, ava va xupa moshilando ndele ta tyololokifa ovanhu aveshe, eshi te va lombwele eendjovo da tya ngaha. Osheshi omulumenhu ou ita kongo ombili yovanhu ava, ndelenee omupya.”

HESEKIEL 30:24

Ndele Ame ohandi ka pameka omaoko ohamba yaBabilon, ndele eongamukonda lange ohandi ke li tula meke layo, ndelenee omaoko aFarao ohandi ke a teyaula po, opo ye a keme moipafi yayo ngaashi ondjashe tai keme.

SAKARIA 10:12

Ndelenee Ame ohandi ke va pameka mOmwene, nedina laye tali kala elitango lavo, Omwene ta ti.”

2 OVAKORINTO 12:9

Ndelenee Oye okwa lombwela nge: “Efilonghenda lange ole ku wanena, osheshi eenghono dange otadi wanenene pombada omoungone.” Osho hano ohandi litangele oungone wange nehafo, eenghono daKristus opo di kale mwaame.

OVAEFESO 3:16

opo Ye e mu pe paupuna wefimano laye eenghono dokupameka omunhu womeni okOmhepo yaye,

OVAEFESO 6:10

Ndele natango, ovamwatate, lipamekeni mOmwene nomeenghono domepangelonghono laye.

OVAFILIPPI 4:13

Aishe ohandi i dulu omolwaKristus, ou ta pameke nge.

OVAHEBERI 12:12

Pamekeni hano omaoko a wa neengolo da loloka.

1 PETRUS 5:10

Ndele Kalunga kefilonghenda alishe, ou e mu ifanena oshinge shaye shaalushe muKristus Jesus, eshi mwe lididimika okafimbo, Oye ote mu longekida, te mu yambidida, te mu pameke note mu kanghameke.

1 SAMUEL 30:6

Ndele David okwa li moudjuu muhapu, osheshi ovakwaita va popya kutya na dipawe nomamanya. Osheshi eemwenyo dovakwaita aveshe da li di udite ouyehame, keshe umwe molwovana ovamati vaye noukadona vaye. Ndelenee David okwe lipameka mOmwene Kalunga kaye.