NEHEMIA 6:6 - Ombibeli Iyapuki

⁶ Omo mwa shangwa: “Moiwana hamu popiwa, ngaashi Gesem ta ti: Ove nOvajuda tamu diladila okutwila ohamba ondubo. Onghee ove to tungu ohotekuma, ndele wa hala u ninge ohamba yavo, osho taku tiwa.

NEHEMIA 6:6 ပူးပေါင်းရင်းမြစ်များ

ESRA 4:12

“Ohamba tai shiivifilwa nokutya, Ovajuda, ovo va dja kwoove, ve uya kufye, ova fika kuJerusalem. Vo otava tungulula oshilando shii noshi nondubo. Otava tungulula eehotekuma ndele tava vandeke ekanghameno.

ESRA 4:15

nokutya, mu konakone membo lomafimbo ooxo. Ndele ove to ka mona membo lomafimbo nokudimbulukwa nokutya, oshilando osho sha li oshilando shi nondubo tashi twifa eehamba eemhata, ndele tashi pongeke oilongo, ndele noshito nale nokuli mwa tukulukifwa omapiyaano. Onghee hano oshilando sha hanaunwa po.

NEHEMIA 2:19

Ndelenee Sanballat, Omuhoroni, naTobia, omupiya Omuammoni, naGesem, Omuarabi, eshi ve shi uda, vo ove tu dina noku tu sheka ndele tava ti: “Oshike osho tamu ningi? Mwa hala hamba okutwa ondubo nohamba?”

NEHEMIA 6:13

Okwa pewa ombubo opo a mbadapaleke nge, ndi ninge ngaha ndele ndi nyone opo va mone sha va lundile nge nokusheka nge.

NEHEMIA 6:5

Opo nee Sanballat a tumina nge omutumwa olutitano panghedi oye e nonhumwafo inai tuvikwa meke laye.

NEHEMIA 6:7

Ove wa tula po ovaxunganeki ve ku udife muJerusalem nokutya, oove ohamba yOvajuda! Ndele paife, oinima ya tya ngaha tai ka udika kohamba. Ila hano tu kundafane.”

JEREMIA 20:10

Osheshi ame onda uda omalundilo avahapu, omatilifo keembinga adishe! Mu hololeni! Natu mu holole! Nookaume kange aveshe tava kala nokunangela nge, ndi punduke. Vo otava ti: Kashiimba tashi dulika a tulwe moulai, nena hatu mu dulu eenghono ndele hatu polifile muye ehandu letu.

MATEUS 5:11

“Ovanelao onye, ovanhu ngeenge tave mu sheke ndele tave mu taataa ndele tave mu popile mowii aushe nokufufya molwange.

LUKAS 23:2

Ndele vo ova hovela oku mu pa omatimba tava ti: “Ou otwe mu mona ta twifa ovanhu ondubo ndele ta kelele okuyandja efendelo komukesari, ndele Ye mwene ota ti Oye Kristus, ohamba.”

JOHANNES 19:13

Opo nee Pilatus eshi a uda eendjovo edi, okwa twala Jesus pondje, ndele ta kala omutumba koshipundi shetokolo, monhele ei ya lukwa olupale lomamanya, mOshiheberi Gabbata.

OVAROMA 3:8

Omolwashike inatu ningeni ngaashi vamwe moku tu lundila tava ti, ohatu ti vati: “Tu ningeni owii, omo mu dje ouwa?” Etokolo lavo ola yuka.

2 OVAKORINTO 6:8

mokufimanekwa nomokudinwa, mokupopilwa mouwa nomowii, ngaashi ovapukifi, nande fye ovanashili,

1 PETRUS 3:16

ndele mu kale mu neliudo liwa, opo oonakusheka okweenda kweni kuwa muKristus va fifwe ohoni omwaai have i mu shekele.