NEHEMIA 6:16 - Ombibeli Iyapuki

¹⁶ Novatondadi vetu aveshe eshi ve shi uda, noiwana aishe yomoushiinda ya tila ndele ye litala itai dulu sha vali, ndele ve shi dimbulukwa, nokutya oshilonga eshi sha longwa kuKalunga ketu.

NEHEMIA 6:16 ပူးပေါင်းရင်းမြစ်များ

NEHEMIA 2:10

Ndelenee Sanballat, Omuhoroni, naTobia, omupiya Omuammoni, eshi va uda, nokutya umwe e uya okukongela ovana vaIsrael ouwa, ova ninga omwenyo mwii.

NEHEMIA 4:1

Ndelenee Sanballat eshi a uda, nokutya fye ohatu tungu ekuma, okwa handuka nokwa ninga omwenyo mwii unene. Ndele a sheka Ovajuda,

NEHEMIA 4:7

Ndelenee Sanballat naTobia nOvaarabi nOvaammoni nOvaasdod eshi va uda, nokutya etungululo leehotekuma daJerusalem tali ehene komesho, nomifya tadi vandekwa, ova handuka unene.

NEHEMIA 6:17

Pomafiku enya eenhumwafo yo dihapu da shangwa kovanamadina vaJuda odo da tuminwa Tobia, naadi daTobia de uya kuvo.

OMAPSALOME 109:27

Va dimbulukifa, nokutya eshi, oshilonga sheke loye, Omwene, kutya Oove mwene we shi eta po.

OMAPSALOME 126:2

Omakanya etu okwa li e yadi oindjola, nomalaka etu e neenghuwilili; nomokati kovapaani kwa li taku popiwa taku ti: “Omwene okwe va longela oilonga inene.”

OMAPSALOME 129:5

Aveshe ava tava tondo Sion, nava fifwe ohoni, vo va shunifwe shanimanima.

OMAPSALOME 147:2

Omwene ota tungulula Jerusalem, Ye ota ongele ava, va halakanifwa vovana vaIsrael.

EXODUS 14:25

Ndele Ye okwa damifa omaulu omatemba ndele va nyengwa okweendelela nokweehena komesho. Opo Ovaegipiti ova tya: “Natu yeni onhapo Ovaisraeli, osheshi Omwene te va kondjele mokulwifa Ovaegipiti!”

JEREMIA 33:9

Ndele oshilando eshi otashi ka ninga efimano nehafo kwaame, nehambelelo noshinge koiwana aishe yokombada yedu, yo eshi tai udu ouwa ou aushe, handi u va ningile. Oyo tai ka tila nokukakama omolwouwa aushe ou nelao alishe eli ame ohandi ke li va pa.

NUMERI 23:23

Osheshi oupule itau kwafa okupongeka Jakob, nokulowa itaku dulu sha kuIsrael. Paife eshi tapa ka shiivifwa ‘Tala eshi Kalunga e va ningila.’

OILONGA YOVAYAPOSTOLI 5:38

Hano paife ohandi ti kunye: Efeni ovalumenhu ava, va kale ngaha, eudafano eli noshilonga eshi ngeenge osha dja movanhu, otashi ka xula po,

JOSUA 2:11

Fye eshi twe shi uda, omutima wetu wa limbililwa, opo nee kape na vali nande umwe e nonyati oku mu lwifa. Osheshi Omwene Kalunga keni, Oye Kalunga komeulu pombada noposhi kombada yedu.

JOSUA 2:9

ndele ta ti kovalumenhu: “Ame ondi shi shii, Omwene okwa yandja kunye edu eli, ndele tu kwetiwe komahaluhalu omolweni, noonakukala moshilongo otave mu kakama;

JOSUA 5:1

Ndele eehamba adishe dOvaamori, odo da li kombinga inya yokouninginino waJordan, neehamba adishe dOvakaanan, edi da kala pEfuta Lopokati, eshi da uda nokutya, Omwene okwa pwiininifa omeva aJordan komesho yovana vaIsrael, fiyo va taulula, omitima dado da tila nokutililila, ndele mudo inamu kala vali onyati omolwovana vaIsrael.